Ieremia 20:11 - Te B'aib'ara

¹¹ Ma bon te tautia ae e korakora Ngkoe te UEA, ae ko tei i rarikiu. Ane a na b'aka taani kakiriwe aikai ao a na mamaara a na rangi ni b'arananoia, ao e na akea tokin mamaaia.

Ieremia 20:11 Iomraidhean Croise

Taian Areru 129:2

Ma ngke I moa n uarereke ao a tia au kairiribai ni b'ainikirinai n te aro ae I rawata iai; Ma a aki kona n tokanikai i aou.

Taian Areru 35:26

A na baka ni baba ma ni bua aia iango akana ngareakinai n rawaawatau. A na taonaki n te mamaa ma te b'ainrang akana kamoamoaia n taku b'a a raoiroi riki nako iu.

Taian Areru 40:14

A na bane ni mamaa ma n aki reke aroia akana kataia ni kani kamateai. A na rairaki n oki rikaaki ma te b'ainrang akana tangira kaikoakau!

Taian Areru 47:2

B'a E kakamaaku te UEA are Moan te Rietaata; bon te uea ae kakannato, e tautaeka i aonnaba.

Taian Areru 6:10

A na ataa korakoran te kamamaa ae e reke man te konaaki au kairiribai; A na waetata ni biri nako ma te mamaa ae bati.

Taian Areru 65:5

Ko anganira te tokanikai b'a kaekakira iroum, Ao Ko karaoi baika kamimii b'a ti aonga ni kamaiuaki iai. A bane ni mwioko iroum aomata nako i aon te aba ma ake a maeka i kiraroa ni katokini marawa.

Taian Areru 66:5

Kaaraki, noori baika kamimii, aika ana m'akuri te Atua i buakoia aomata.

Itaia 41:10

Ko na aki maaku. Bon raou ngkoe. Ko na aki ruru ni maaku. Bon Atuam Ngai. N na kakorakorako, ngkana I kamanoko ni baiu ma n anganiko taian tokanikai.

Itaia 41:14

Kaain Iteraera kam na aki raraoma, ngkana a kaangai tem'angina, Bon ti te m'ata Iteraera!” Bon Atuan Iteraera ae e tabu Ngai, ae E kamaiuko ma ni kaawakiniko.

Itaia 45:16

Aomata nako akana a karaoi taiani bouannanti a na bane ni kamangaongaoaki aia iango ao a na kamaamaaeaki.

Ieremia 1:18

E na kakorakorako m'aakau kaanga te nono ke taiani boua aika biiti ke te oo ae te buraonti. Ko na kaaitaraia kaain Iuta ni kabane, n reitaki ma ueana ao taani kairiiri, ibonga ao aomata.

Ieremia 1:19

Ane a na buakaniko ma a na aki tokanikai. Bon aei au taeka Ngai ae te UEA A na bon aki konaa n tiringko.

Ieremia 1:8

I berita b'a N na mena iroum ao ni kaawakiniko, ma ngaia are, ko na aki maaku.”

Ieremia 15:15

Kam bon noora aron karawaawatakiu n taeka aika a kamaraki aika a aki toki n rooroko, ao I karaoi baikai ni kabane i bukim te UEA. Ko na aki taotaona nanom nako ia au kairiribai; Ko na irataangau nako ia i m'aain ae a tiringai.

Ieremia 15:20

i bukina b'a I kakorakorako, kaanga te oo te buraonti. A buakaka ao a tiritiri, ma N na mena i rarikim ikekei ni kamaiuko

Ieremia 17:18

Ko na kaakea kab'akau ao b'ainrangiu, ma ko na kab'akaia au kairiribai ma ni kab'ainrangiia. Karokoa te urub'ai irouia b'a e aonga ni kororaoi bukin maakuia.

Ieremia 22:22

Ngkai ko nang kab'ainrangaki i bukin am bure nako. A na kamaunaaki nako am taan kairiiri n te ang, ao botannaomata ake ko onimakiniia a nang kataenikaiaki ma ni katikitikaki nako abaia ianena.

Ieremia 23:40

Ko na bon aki konaa n inaomata man te kamaamaaeaki ao te b'ainrang.

Ieremia 32:18

Ko kaota am akoi nako ia roro aika ngaa, ma ko bon katuaaia aomata i bukin aia bure aia karo. Bon te UEA Ngkoe ae Moan te M'aaka.

Taniera 12:2

Ao ane a na m'aati aika a manga maiu aika a tia ni mate: tabeman a na kukurei n te maiu ae akea tokina, ao tabeman a na uti nakon te kamamaaeaki ae akea tokina.

I-Rom 8:31

Ao tera ngkanne ae ti na taekinna i bukini baikai? Ngkana raora te Atua, ao antai ae kona n ekira nako?

2.Timoteo 4:17

Ma E tei te Uea i rarikiu ao E kakorakoraai b'a N na taekina te euangkerio ae b'anin b'a a na ongo aomata aika tiaki I-Iutaia; ao I kamaiuaki man te mate.