Ieremia 2:7 - Te B'aib'ara

⁷ I uotingkami nako ikai nako abau, ike e tiraua te am'arake iai, ma kam kabuakaka te aba n ami bure.

Ieremia 2:7 Iomraidhean Croise

Neemia 9:25

A taui taiani kaawa aika a buubura aika a matoatoa ao taabo n ununiki aika a m'aiti taian aroka inanoia; a anai taian auti aika a taubobonga b'aiia, ao ai uana naba ma taiani nne n ran, ma taian nne n aroka ni kureebe, nne n aroka n oriwa, ao taian aroka aika a rangi ni m'aiti aika iai uaaia. A am'arake ni karokoa ngaeia raoi, ao a karaoa aia bootaki ni kukurei i bukin am kakab'aia ae moan te korakora.

Neemia 9:26

Ma e ngae n anne, ao a bon kakaitaraa naba ma n aki ongotaeka nakon am tua. A tiringiia am burabeti ake a aki toki ni kaakauringiia b'a a na rairaki nakoim, ao a karereantia aram.

Itaia 19:25

Ao i mwiina anne, e na kakab'aiaia te UEA ae Moan te M'aaka ni kaangai, “Bon au aomata kaain Aikubita. I karikiia kaain Aturia ao I rineia Iteraera.”

Ieremia 16:18

N na kataboroa tuaami i bukin ami bure i bukina ngkai kam a tia ni kabuakaka te aba. Kam a tia ni kaonna n taian bouannanti aika a aki maiu kaanga maate.

Ieremia 3:1

E taku te UEA nako ia Iteraera: Ngkana e a manga mare te aine ae e raure ma buuna, e konaa are moan buuna ni manga mare riki ma ngaia? E aki, i bukina b'a e na kabuakaka aon te aba te baei. Ma a bon m'aiti riki antimi ngkami aika Iteraera nakon m'aitin ana tangira ainen mataawa. Ao N na kangaa ni manga kaokingkami?

Ieremia 3:2

Kam na ti kataia ni kakaaea tabukin te tabuki teuana ike kam a tia n nako iai n taromaurii anti tabem'aang n aromi ni wene ni bure. Kam tekateka i rarikin te kawai kaanga te tia kimoa ae e karaoa te bakairaa, bon ti ngkoe ae ko angaanga rab'atam nako ia aomata aika a m'ananga. E kabuakaka te aba ami bure n aki kakaonimaki.

Ieremia 3:9

E bon aki raraoma te abanuea are Iuta ngkai e riki b'a ainen matawa, ao e aki tabe naba ngkai e kabuakaka rab'atana ao te aba n ana m'akuri n taromaurii taian bouananti aika a karaoaki n taian atiibu ao taian kai.

Ieremia 32:23

Ma ngke e a reke irouia ara bakatibu te aba aei, ao a manga aki ongotaeka nakoim. Ao ngkai Ko a katuaaia Iteraera n te kabuanib'ai.

Ieremia 32:30

N rongorongoia Iteraera ma kaain Iuta mai moana, a bon aki kakukureiai ao a kaunai n te b'ai are a tia karaoia.

Etekiera 20:24

i bukina b'a a tia n aki iri nanon au Tua ao a katinanikui au Reirei nako; a kamatauningaa Au Taabati ao a taromauri taiani bouannanti ake karaoaki irouia aia bakatibu.

Etekiera 20:28

ngke a anga karea ni kaboiarara, ao te wain nakoia anti i aon te tabuki ao i aan aroka aika korakora. I bon rangi n un, i bukina b'a a karaoi b'aai aikai n te aba are I a tia n anganiia!

Etekiera 20:6

I tuea b'a N na kamaiuia mai Aikubita ma ni kairiia nakon te aba are I a kaman rineia. E mari te aba n te miriki ao ana karewe te manibeeru ao bon te aba ae te kabanea n tamaroa.

Etekiera 23:35

Ko a tia ni katinanikuai raoi, ma ngaia ae, I berita b'a ko na katuaaeaki i bukin b'aai aika a rangi n ribaaki aika ko karaoi ngkai ainen mataawa ngkoe.

Etekiera 36:17

Etekiera ae natin te aomata, ngke a maeka ngkoa Iteraera n oin abaia, a kabaarekaa te aba n aroia ake a karaoi, n aron kam'araan te aine ae e aoraki n aine.

Otea 9:3

ane kam na kiitana aban te UEA. A na nako tabeman mairoumi nako Aikubita; ao tabem'aang a na nako Aturia ni kang am'arake aika a aki itiaki.

Mika 2:10

Teirake ao naako; bon akea ae e kona ni manga reke maiuna ikai, b'a N nang karokoa te kanganga ae ab'ab'aki i aon Ierutarem i bukin ami bure.

Warekaia Iteraera 13:27

ao a taku: Noori uanikai aikai! E rawata te miriki ma ana karewe te manibeeru n te aba are ti tuoa aona arei.

Te Tua-Kaua 21:23

ma kam na aki katuka rab'atana ikanne ni karokoa te moaningabong. Kam na taunna naba n te bong anne, b'a rimwi ao e na kamaraia aon te aba ni kabane te UEA i bukin te rab'ata ae mate. E anganingkami te aba aei te UEA b'a abami, ma ngaia are, kam na aki kam'araea aon te aba ni katuka rab'atan te tia bure i aon te aroka.

Te Tua-Kaua 32:9

ma E kaawakina Iteraera te UEA.

Te Tua-Kaua 6:18

ao maiuakina te maiu are E tangiria. Ao kam na kona iai n rin n te aba ma n anaia mairouia ami kairiribai, n aron are E a tia ni berita iai nakoia ami bakatibu.