Ieremia 2:6 - Te B'aib'ara

⁶ A rawa ami bakatibu ni buubutiai buokaia, e ngae ngke I a tia i kamaiuia mai Aikubita ma ni kairiia i nanon te rereua ae e kamaamate ae akea kain aona, ike akea ae maeka iai ke ni kataia ni m'ananga i nanona.

Ieremia 2:6 Iomraidhean Croise

2.Uea 2:14

E orea te ran n te kunnikai arei, ao e mataku ao e taku, Tera ngkana E karaoi kakai te UEA n aron are E karaoia ngkoa nakon Eria? Ao ni bon te tai are e karaoa aei iai Eritai, ao e a uki naba te kawai ae e m'au i nanon te ran, ao e a m'ananga i nanona.

Iobi 3:5

Karikia b'a te bong ae rangi n rotongitong, ae uananginang, ae nubono matan taai iai.

Iobi 35:10

Ma aki rairaki nakon te Atua are te Tia karikiia, are boni Ngaia ae anganiia te kaantaninga i nanon aia aoa aika rotongitong.

Taian Areru 23:4

Ngkana tao I nakonako i nanon m'aruan nuun te mate, ao N na bon aki maaku, te UEA b'a Ko meemena i rarikiu. Am kai ao okom a kawakinai raoi man taian kabuanib'ai.

Taian Areru 77:5

I iangoi boong ake a b'aka nako, Ao I uring ririki ake ngkoa.

Te Otinako 20:2

“Bon te UEA Ngai ae Atuami, are I kaotinakoi ngkami mai Aikubita, are kam toronaki iai ngkoa.

Itaia 63:9

E mwengabuaka te UEA ngkana e noori aia kaangaanga, ma a kamaiuaki iroun ana Anera. E nanoanga ni koaua te UEA, ai ngaia are, e kamaiuia ana Aomata. E m'aneia ni baina ao e uotia i nanon ririki aikai ni kabane.

Itaia 64:7

Bon akea riki ae e taromauri n aram ke n tiku ni kakaonimaki. Ko a tia n tannako mairoura ma ni kariaia te bure b'a e na kaniira nako.

Ieremia 13:16

Ko kaantaningaa te oota, ma e na kanakoa te roo te UEA. E a kaman mena nuun te tairiki i aon taian tabuki. Ma ngaia are, kam na oki nakon te Atua ao kam na kaoti ami bure nakoina i m'aain ae a bae waemi ma ni b'aka.

Ieremia 2:2

n na nako Ierutarem ma n tuangiia aomata nako te b'ai are E a tia n taekinna: Kam tangirai ngkoa ngke kam moan riki b'a au kabae ao kam irai i nanon te rereua ae akea kaina.

Ieremia 2:8

A aki kan ataai taian ibonga ake a reireiniia aomata au tua nako. A kakaitaraai ami taani kairiiri; ao ami burabeti a tataekina ana taeka B'aara ao a taromauriia atua ni kewe.

Ieremia 5:12

A b'anganikewe aia burabeti ao a taku, “E aki konaa ni katuaaira te UEA. Ti na maeka ma te rau ao a na m'aiti karara.”

Ieremia 5:2

A bane aomata ni kabane n urua aia berita aika a karaoi n Arau.”

Ieremia 51:43

E na oroi kaawa akana a uakaan te urub'ai ae e kakamaaku. E na riki te aba b'a te rereua ae akea kain aona, ike akea ae e konaa ni maiu iai ke ni m'ananga iai.

Otea 12:13

I kanakoa te burabeti are Moote b'a e na kairiia Iteraera mai Aikubita ma ni kaawakiniia raoi.

Otea 13:4

Ngai ae te UEA ae I a tia n riki b'a Atuami man te tai are kam mena iai Aikubita. Bon ti Ngai te Atua ae kam ataia, bon ti Ngaia ae e konaa ni kamaiungkami.

Amota 2:10

I kaotinakoingkami mai Aikubita, ao I kairingkami i nanon te rereua i nanon abwi te ririki, ao I anganingkami abaia I-Amoraite b'a abami.

Mataio 4:16

A nora te oota ae te oota ae korakora aomata ake a tekateka n te roo; ao e kaoti te oota nakoia ake a tekateka i aban te mate ao i nuuna.”

Te Tua-Kaua 1:19

“E a tia te UEA n tuangiira b'a ti na kiitana te Maunga are Tinai ma ni kawari aaba ake a tabukibuki ake abaia kaain Amora. Ma ngaia are, ti a m'ananga nakon te rereua are rangi ni korakora. I taku b'a kam bon uringa makura n te tai anne, ma ti waekoa n roko i Kaatetib'aania,

Te Tua-Kaua 32:10

Iteraera, E kuneingkami te UEA n te aba are e rereua are korakora iai te ang ae tangim'aaka. E riki te UEA b'a nonomi are kaawakiningkami kaanga ai aron kaawakinakin kanoani matana.

Te Tua-Kaua 8:2

Kam na aki m'aninga aron te UEA ngke E kairingkami i nanon te rereua i nanon 40 te ririki aika a tia n nako. E tangiria ni kakoauaa b'a kam bon tangiria n ongotaeka nakoina ma ni mwiokoia,

Tani Motiki-taeka 6:13

Ao e taku Kiteon, “Ngkana e koaua ane ko taku, ao e aera ngkai a riki taiani kaangaanga aikai? Ti a tia n ongo rongorongon taiani kakai aika E karaoi, ao kamaiuaia ara bakatibu mai Aikubita. A riki aron aikai n taai ake ngkoa. Ao ngkai, E a tia ni manga kiitaniira te UEA ni kawariia kaain Miiria.”