Ieremia 2:33 - Te B'aib'ara

³³ Kam rangi ni wanawana ngkana kam kakaaia ami tangira n te aro are kam konaa n anga ami reirei nakon te aine ae ainen matawa.

Ieremia 2:33 Iomraidhean Croise

2.Rongorongo 33:9

Ma a ongo kaain Iuta ma Ierutarem iroun Manate ao a karaoi riki taian bure aika a rangi ni buakaka nakon are a karaoia taiani botannaomata ake e kakioia nako ngkoa te UEA.

Ieremia 2:23

Kam kakewei ami bure ao kam taku, “Ti itiaki. ti aki taromauria B'aara.” Ma kam na iangoa te b'ai ae kam karaoia n te M'arua are Innom. Ao kam biriaitua kaanga kaamero aika ataei, ni kawaekoaingkami n taromauria te bouananti teuana i mwiin teuana.

Ieremia 2:32

E aki konaa n ae na m'aninga ni katoka i aona te b'ai ni katikiraoi ngkana e na nako ni mare te aine ae na mareaki, ma ngkami kam a tia ni m'aninga taekau n te bong teuana ma teuana.

Ieremia 2:34

Kam tiringiia aomata aika akea aia bure n akea bukina raoi. Ao e ngae ngke a konaa n nooraki raraaia i aon ami kunnikai,

Ieremia 2:36

Ngke a kab'akaingkami kaain Aturia, ao kam biri nako Aikubita, ma e aki reke buokami ikekei,

Etekiera 16:27

Ma ngaia are, I katuaaeko ni kariaia kaain Biritia aika kairiribai aika a nanonrang b'a a na anai abanueami tabeua. E ngae ngkana a rawawata ni kateimi aika a rangi n ribaaki.

Etekiera 16:47

Ko katotoongi maiuia ao kateia aika a buakaka, ao n te tai ae e waekoa ko a manga rangi n ribaaki riki nakoia.

Otea 2:13

N na katuaaea i bukin boong ake e taromauria iai B'aara ao e kabuoki taiani b'ai ni kaboiarara nakoina. N na katuaaea i bukin boong ake e m'aninga iai taekau ma ni karin taiani b'ai ni katamaroa ao taian m'am'a i bukin kab'akaia ana tangira nako. Bon aei Au taeka Ngai ae te UEA!