Ieremia 2:32 - Te B'aib'ara

³² E aki konaa n ae na m'aninga ni katoka i aona te b'ai ni katikiraoi ngkana e na nako ni mare te aine ae na mareaki, ma ngkami kam a tia ni m'aninga taekau n te bong teuana ma teuana.

Ieremia 2:32 Iomraidhean Croise

Karikani B'aai 24:22

Ao ngke a bane raoi ana m'akuri neierei, ao e anaa te m'am'a te koora ae bobuaka Erietera, ao e katinea i b'airina, ao taian burenibai aika koora aika buubura i aon anganibaina.

Karikani B'aai 24:30

E noora te taabia ni b'airi i b'airin m'anena, ao te burenibai i aon anganibaina, ao e ongo naba ana taeka teuarei nakon m'anena. Ao e nakon ana toro Aberaam are e teitei i rarikiia ana kamero i rarikin te m'anib'a,

Karikani B'aai 24:53

Ao e kaotinakoi ma n anga taian kunnikai ma tirewa, ao taiani koora aika tamaroa nakon Nei Rebeka. Ao e anga naba taiani b'aintangira aika bobuaka nakon m'anen Nei Rebeka ma tinana.

2.Tamuera 1:24

Ainen Iteraera, taang i bukin Tauro. E anganingkami te kunnikai ae e tamaroa ae e uraura ao te b'ai ni katamaroa ae e karaoaki n te koora.

Taian Areru 106:21

A m'anuoka te Atua are aia tia kamaiu, are E karaoi baika ab'ab'aki i Aikubita,

Taian Areru 9:17

A na nako Tiore akana buakaka, nakon abaia maate n raoniia akana a rawa nakon te Atua.

Itaia 17:10

Iteraera, ko a tia ni m'aninga taekan te Atua are e kamaiungkami, teuare bon te b'a ae e korakora ike e na konaa n reke iai maium. Kam unika taiani kabanea n tamaroa ni uee i bukin karinean antiia ianena.

Itaia 57:11

Ko m'aninga taekau ao ko a aki kakaonimaki i bukina ngke ko maaka te aomata temanna? Tao I a tia n aki kakarongoa n te tai ae e maan n te aro are ko a aki maakai?

Itaia 61:10

N na karaoa au bootaki ni kukurei ao n takaarua i bukin au UEA ae te Atua. I a kunnikaiai ni m'aakan ana m'akuri ni kakamaiu ao ana motikitaeka ae Eti. A rangi n tamaroa riki nakon b'aai ni katamaroa aika a b'aab'ainaki iroun te kabae te aine ke te kabae te m'aane.

Ieremia 13:10

A buakaka kaain Iuta ao a taningabono. Ma ngaia are, ngkai a aki kakauongo i Rou, ma a karaoi b'aai aika a bon tangiria, ao a bon taromauri naba anti tabem'aang. Ngkana e tia te b'ai ae N na karaoia nako ia aomata aikai, ao a na riki b'a te b'ai ae akea manenana, a na riki b'a kaanga te kawaerake te kororo aei.

Ieremia 13:25

N na bon aki bita nanou. Bon aio au taeka Ngai ae te UEA. Kam katinanikuai ao kam taromauriia anti ni kewe.

Ieremia 18:15

Ma kam a tia n rairaki nako mairou ngkami Au aomata ngke kam kabuoki taian b'ai ni kaboiarara nako ia bouannanti aika akea manenaia. Kam a tia ni kiitana te kawai nikawai ma n ira te kawai ae e aki ataaki ike a na toki waemi iai n taian bouannanti.

Ieremia 2:11

ao ane kam na nooria b'a bon akea te botannaomata ae e a tia ni kiitana antina e ngae ngke tiaki atua ni koaua. Bon ti Ngai te Atua ni koaua ae E mimitong, ao kam a tia ni katinanikuai i bukin taromaurian taian bouananti.

Ieremia 2:33

Kam rangi ni wanawana ngkana kam kakaaia ami tangira n te aro are kam konaa n anga ami reirei nakon te aine ae ainen matawa.

Ieremia 23:27

A tataekina miia i bon irouia ao a kataia ni karikiia Au aomata b'a a na katinanikuai, n ai aroia aia bakatibu ngke a katinanikuai ma n taromauriia B'aara.

Ieremia 3:21

Kakauongo nakon taian karongoa mai aon taian tabuki! Bon aomatan Iteraera aika a tang ma ni buubutiai b'a N na kaekai aia tataro. A m'aninga taekau ao a rinea te kawai ae e kaairua.

Etekiera 22:12

Iai tabeman maibuakomi aika a butim'aea te m'ane i bukin tiringan temanna. A manga bon kabuuburai bakaon taian roun am aomata nakoia raoia n Iteraera, ao a kaub'ai n aia m'akuri ni keweakiia tabem'aang. Ao ae e rangi ni buakaka riki, kam a tia ni m'aninga taekau, ae te UEA ae te Atua.

Otea 8:14

Iteraera, I karikingkami, ma kam m'aninga taekau. Ko karaoi taian bareti ngkoe ma Iuta ao kaawa aika a matoatoa. Ao ngkai N na kanakoa te ai b'a e na urua ami kaawa nako ma taian nono.

Te Tua-Kaua 32:15

Iteraera, ngke kam a marikarika, ao kam a kakaitaraa te UEA are ami Tia Karikib'ai; kam rawa nakon te B'a ae Korakora, are bon ti Ngaia ami tabo n rawei maiumi.

Te Kaotioti 21:2

Ao I nora te kaawa are tabu, are Ierutarem ae boou, b'a e ruo mai karawa mairoun te Atua, ao e katauraoaki n ai aron te aine ae katamaroaaki i bukin teuare e na mare ma ngaia.

Tani Motiki-taeka 8:34

Ao a m'aninga taekan te UEA Iteraera ae Atuaia, ae E a tia ni kamaiuia mai rouia aia kairiribai ake i rarikiia.