Ieremia 2:30 - Te B'aib'ara

³⁰ I kataia ni katuaaingkami, ma kam rawa n oki nako iu, ao kam tiringiia au burabeti kanga aroia raian aika a tiritiri.

Ieremia 2:30 Iomraidhean Croise

1.Uea 19:10

Ao e taku Eria, “Te UEA ae Moan te M'aaka, I aki toki ni kakabanea korakorau n ongongotaeka iroum. Ma a tia am Aomata n urui aia berita nakoim. A tia n urui am Baonikarea ao a tiringiia am Buraabeti, ao bon ti nikiraia ngai. Ao ngkai ae a boni kataia naba ni kan tiringai.”

1.Uea 19:14

Ao e taku Eria, “Te UEA ae Moan te M'aaka, I aki toki ni kaakaraoa kabaneani korakorau n ongongotaeka iroum. Ma a tia am Aomata n urui aia berita nakoim. A tia n urui am baonikarea ao a tiringiia am burabeti, ao bon ti nikiraia ngai. Ao ngkai ae a boni kataia naba n tiringai.”

2.Rongorongo 24:21

E m'aninga Ioati ae bon te rao ae e a tia n rangi ni kakaonimaki taman Tekaria. Ma ngaia are, ngke a iangoa tiringakin Tekaria kaain Iuta, ao e bon raoniia naba Ioati ma n anga taiani babaaire b'a e na kareaki n atiibu ni karokoa matena i nanon katawanangin te Tembora.

2.Rongorongo 28:22

Bon i mwiin rikin kaangaanga aikai nakon Aati, ao e bon manga bure naba nakon te UEA n ae e a rangi ni korakora riki nakon are mai m'aaina.

2.Rongorongo 36:16

Ma a ti ngare aomata ao a kakanikoia burabeti akekei. A aki kubara te b'ai are e kataia n taekinna te UEA nakoia, ni karokoa e a rangi n un n te aro are bon akea ae e konaa ni katokia man katuaeakiia kaain Iuta ao Ierutarem.

Neemia 9:26

Ma e ngae n anne, ao a bon kakaitaraa naba ma n aki ongotaeka nakon am tua. A tiringiia am burabeti ake a aki toki ni kaakauringiia b'a a na rairaki nakoim, ao a karereantia aram.

Itaia 1:5

E aera ngkai ko na katuaaeaki riki? E aera ngkai ko aki katoka burem? E ikoaki atuum, ao ko a rangi ni mamaara.

Itaia 59:3

A onrake ami taeka n taiani kewe ao ni iango n tiritiri; a buta tabonibaia ni kabane n te raraa.

Itaia 9:13

Ma a bon aki okirikaaki naba Iteraera nakon te UEA ae Moan te M'aaka ma n taromauriia.

Ieremia 31:18

A tangi nako iu Iteraera ao a taku, “Ti te bo ngaira ma taiani kao, ma Ko uruira Ngkoe ae te UEA, ao reireiniira aron te ongotaeka. Bon Atuara Ngkoe taiaoka kaokiira nakon mwengara.

Ieremia 46:14

“Ko na taetaekinna i nanon kaawan nako Aikubita, i Miketora, Membiti, ao Tabaneti ni kaangai: katauraoi ni bon tei i bukimi; b'aai ni kabane aika iroumi a na bane n uruaki n te buaka!

Ieremia 5:3

Ao I kaeka ni kaangai, “I ataia b'a ko kakaaea te koaua. Ko katuaaia am aomata i bukin aia kewe, ma a aki ongea marakiia, a karikirakea riki taningabonoia ao a rawa n rairaki nako im.”

Ieremia 7:28

Ma ngaia ae ko na kaangai nako ia: Kaain Iuta, bon te UEA Ngai ae Atuami, ma kam rawa n ongo taeka i Rou, ma kam aki bitaki ngke I katuaaingkami. Ao ngkai, kam bon aki kani kaota naba te aro ni kakaonimaki nako iu.

B'aeb'aeti 4:13

Ma e bon riki anne i bukina ngkai a bure burabeti ma ibonga, a tiringiia aomata aika a raoiroi.

Etekiera 22:24

Etekiera ae natin te aomata, ko na tuangiia Iteraera b'a e a onrake abaia n te bure, n te aro are I rangi ni un iai Ngai ae te UEA!

Etekiera 24:13

E a rangi n on Ierutarem n te bure ao te buakaka ao I a aki konaa ni kaitiakia, e ngae ngke I a tia ni kataia ni kanakoi. E na tiku ni kammaira ni karokoa te tai are N nang bononnanoia iai.

Taniera 9:13

Ao ko anganiira taian rekenikai ake a kamatataaki n ana tua Moote. Ma e ngae n anne, ao ti bon tuai mani kakukureiko te Atua ae te UEA ni kitan ara bure, ke ni ira am koaua.

Teb'ania 3:2

E a tia n aki kan ongo iroun te UEA, ke n aki kan karin ana rerei. E a tia n aki onimakina te UEA, ma n rawa ni bubutiia buokana.

Mataio 23:29

A na reke kaimi, taani koroboki ma B'aritaio, aika taani m'am'ana-te-aba! B'a kam karaoi ruani mateia burabeti, ao kam katamaroai aon ruani mateia aomata ake a raoiroi;

M'akuri 7:52

Antai i buakoia burabeti ae aki b'ainikirinaki irouia ami bakatibu? Boni ngaiia ake a tiringiia uake a kaman tataekina rokon Teuare Raoiroi, are Ngaia are kam a tia ngkai ni kam'anea ao kam tiringnga.

1.I-Tetaronike 2:15

ake a kamatea te Uea are Iesu ma taiani burabeti, ao a kakioira nako naba. A aki kakukureia te Atua, ao a ekianako aomata ni kabaneia;

Te Kaotioti 16:9

Ao a bue aomata n te riringa ae korakora; ao a taetaebuaka aran te Atua, ae tauu aroni b'aai ni kamamate akekei; ao a aki rairi nanoia, n anganna te neboaki.