Ieremia 2:3 - Te B'aib'ara

³ Bon ti ngkami au b'ai, kaanga moan m'akoron te tai, ao I rangi ni katuaaia koraki aika a karaoa ae e aki raoiroi nako imi.

Ieremia 2:3 Iomraidhean Croise

Te Otinako 22:29

Kam na kakaonimaki n anga te karea are te uita ao te wain ake bon au b'ai. Kam na katabuia natimi mm'aane b'a au b'ai

Te Otinako 23:16

Kam na karaoa te Toa ae M'anganikaai ni katoa taai ngkana e a kaan banen bongin te aumeaang ngkana kam moana taian ami uita, ngkana kam karaoa te Toa ae M'anganikaai.

Itaia 41:11

A na bane aika ribaiko ni kam'aitaki mamaaia; ao akana a buakaniko a na mauna nako i nanon te ang.

Itaia 47:6

I un ngkoa irouia au aomata. Ma ngaia are, I kanakoko b'a ko na anaa abaia ma ni karokoa te kamaamaaeaki i aoia. Bon akea am Nanoanga nakoia, ma ai moaraara riki nakoia ake a kara.

Ieremia 12:14

E taku te UEA, “Bon iai te b'ai ae N na taekinna nako ia raon Iteraera ake a tia ni kurib'aia te aba ake I a tia n anganiia Iteraera. I anga te aba aei nako ia au aomata, ma e a otab'aniniaki irouia kairiribai ma ni buakanaki ma ni kurib'aiaki. Ma ngaia ae, N na koutiia nako man abaia n aron naba ngkoa are I karaoia nako ia kaain Iuta mai abaia.

Ieremia 2:4

Ongora irou Iteraera,

Ieremia 30:16

Ma ngkana a kataia ami kairiribai ni kimoaingkami ke ni uruana aromii, ao N na manga kimoaia ma n uruana aroia, ao a na uotaki nako b'a taian taenikai nakon abaia ianena.

Ieremia 50:7

Boni Ngai ami tabo n uteute, te tabo teuana are e anga te kaantaninga nako ia ami bakatibu. Ma kam kiitanai, ma ngaia are, ngkana kam reke irouia ami kairiribai, ao bon akea aia bure iai ngkana a kab'autingkami.

Ioera 1:3

Tuangiia natimi! Tataekinna nakoia tibumi ao natiia tibumi naba.

Amota 6:1

Bon te bong ae e kakamaaku nakoimi ngkami Iteraera ake i Tion, ake kam m'aninga nako n nakoami aika a ririeta, ao ngkami naba ake i Taamaria ake akea raraoman nanomi n unin te UEA. E kanga n riki anne iroumi ao bon ngkami taan kawaraki irouia aomata i bukin buokaia.

Ab'akuka 1:11

Ao a orea te kaawa ni kaitiakia n ai aron te ang ao i mwina a kitanna, aomata aika korakoraia bon antiia.

Tekaria 1:15

N taai aika a nako I un ma botannaomata, ma ngkai E a rangi ni maraki nanou b'a a tia ni karaoi riki b'aai aika a buakaka nakon are mai m'aaina i bukin Ierutarem ao bon akea teuana tabetaben nanoia iai.

Tekaria 2:8

Ao i mwiin anne, e tuangai te UEA ae Moan te M'aaka ae e mimitong b'a N na taetae ni kaangai nakoia botannaomata ake a tia ni kurib'aia ma ni kimoaa Tion: E tamaroa Tion iroun te UEA ae kaanga matana. Ngkana iai te b'ai ae kam karaoia nakon Tion kam na boni karaoia naba nakoina.

Warekaia Iteraera 18:12

N aron aei, ngkana a uoti aia moani b'a ma aia moani wain, ao aia moani uita Iteraera, ao kam na b'aini kabanean tamaroan m'akoron b'aintangira aikai.

I-Rom 11:16

Ngkana e katabuaki m'akoron te kariki b'a ana b'ai te Atua, ao are nikirana bon ana b'ai naba; ao ngkana e katabuaki wakaan te kai b'a ana b'ai te Atua, ao bon ana b'ai naba m'angana.

I-Rom 16:5

Kam na anga naba au kamauri nakon te ekaretia ake a naanako kaaina ni bobotaki i nanon aia auti. Anga au kamauri nakon Ebaineto are tangiraki i rou, boni ngaia te moan aomata i Atia n onimakina Kristo.

I-Ebeto 1:4

B'a i m'aini karikan aonnaba ao E a kaman rineira i bukina ngkai ti katiteuanaki ma Kristo, b'a ti aonga n itiaki ma n aki bareka i matana; ao n ana tangira,

Te Tua-Kaua 14:2

E a tia n rineingkami te UEA ae Atuami mai buakoia bootanaomatan te aonnaba b'a Ana b'ai. Kam a b'ainaki iroun te UEA, ma ngaia are, kam na aki katotoongia aomata aika tataromauria atua riki tabeman.

Te Tua-Kaua 26:19

E karikiia botannaomata ni kabane te UEA, ma E na karikingkami b'a te botannaomata ae rangi ni kinaaki, ao e na reke iroumi te neboaki ma te karineaki ae m'aiti nakoia. Ti ngkami ae kam na b'ainaki iroun te UEA ae Atuami, n aron are a tia ni berita iai.

Te Tua-Kaua 7:6

Iteraera, bon ana Aomata te UEA ae Atuami ngkami aika kam rineaki. A rangi ni m'aiti botannaomata n te aonnaba aei, ma E ti rinea Iteraera b'a ana Aomata aika bon Ana b'ai.

Iakobo 1:18

E karikira n oin nanona, n te taeka are te koaua, b'a ti na riki b'a kanga moani-b'ai i buakoia akana karikaki i rouna.

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.

Te Kaotioti 14:4

Te koraki aei bon ake a aki kam'araeaki irouia aine, b'a roronga ngaiia aika tuai ni bo ma aine. Boni ngaiia ake a irira te Tiibuteteei nako ike E nako iai. A a tia ni kamaiuaki mai buakoia kaain aonnaba, ao a riki b'a ana aomata te Atua ma te Tiibuteteei: ti te bo ngaiia ma moa n uaa ake a anga aomata nakon te Atua b'a ana b'ai.