Ieremia 2:25 - Te B'aib'ara

²⁵ A a mangaingai ami kauniwae, e a m'autakataka buami man te biriaitua n aki akaaka i bukin taromauriakiia antiia aika ianena. Ao I takaarua ni kaangai, “Katokia!” ma kam kaeka ni kaangai, “Ti aki! Ti rangi n tangiri taian anti aikai.”

Ieremia 2:25 Iomraidhean Croise

2.Rongorongo 28:22

Bon i mwiin rikin kaangaanga aikai nakon Aati, ao e bon manga bure naba nakon te UEA n ae e a rangi ni korakora riki nakon are mai m'aaina.

2.Rongorongo 28:23

E taku i bon i rouna, “A tia ngkai antin Aturia ni buokiia aia uea ni kataenikaiai. Tao ngkana I angakarea nakon taian anti aikai, ao a na bae ni buokai.” Bon anne te bure are e a kab'aka Aati, ao ni karokoa naba uruan Iuta.

Itaia 2:6

Ara UEA, ko a tia ni kiitaniia am Aomata aika Iteraera, i bukina ngke a katotoongi kateia botannaomata ake mai mainiku. A taromauriia antiia kaain Biritia ao a rangi ni iraorao ma taian ianena.

Itaia 57:10

E ngae ngke kam a bon kakuaingkami ni kakiokioia taian bouannanti, ma kam bon rawa naba n toki. A rangi ni korakora nanomi n te aro are kam bon waaki nako naba.

Ieremia 13:21

Kam onimakiniia ngkoa n te tai teuana b'a a na buokingkami ma ngkai N na karaoia b'a a na tautaekaningkami. Tera ami taeka i bukin anne? Kam na maraki kaanga te aine ae e ariri ni bung.

Ieremia 13:22

Kam ataia b'a aera ngkai a raeraeaki ami kunnikai ao ma ni kabuakakaki? B'a bon i bukin ami bure aika a rangi ni buakaka.

Ieremia 14:10

Au aomata, kam tangiria n tiotio nako, Bon akea naba ami keiaki ni kan kaaningkami ma Ngai. Ma ngaia are, N nang katinanikuingkami ngkai ma ni katuaaingkami i bukin ami bure. Bon aio au taeka Ngai ae te UEA.

Ieremia 18:12

Ma I ataia b'a kam aki ongo. Ao kam na bon kaangai naba, “Ti aki tabe ma te b'ai ae Ko taekinna. Ti a tia n iangoia b'a ti na karaoa te bure, ao ti taningamatoa ma ni karaoa te b'ai ae ti bon tangiria!”

Ieremia 2:31

Ao ngkai kam na ongo nakon te b'ai ae I taekinna! Iai te tai ae I kiitaningkami iai i nanon te rereua ke I katobibingkami n te rootongitong? Bon au aomata ngkami, ao i rarikin anne kam a tia ni kaangai nako iu, “Ti na karaoa te b'ai ae ti tangiria, ao ti rawa n taromauriko!”

Ieremia 22:20

Kaain Ierutarem, a a tia ni kamanatuaaki botannaomata nako ake ko onimakiniia. Ko na nako Reb'anon n tang; taang n te aba are Batian ao i Moaba.

Ieremia 22:21

I kauringko, i nanon taai aika a raoiroi. Ma ko katinanikuai, n aron are ko a tia ni karaoia naba ngkoa ngke e uarereke Iteraera.

Ieremia 3:13

Kam na ti kaotia raoi b'a kam bon kamangao ao kam taromaurii antiia ianena i aan kaai aika a korakora n taabo n aki akaaka.

Ieremia 44:17

Ti a tia n berita b'a ti na taromauria te anti are Nei Atiterota, are te Ueanaine i Karawa, ao bon anne raoi te b'ai ae ti na karaoia. Ti na kabuoka te b'ai ni kaboiarara nakoina ao n anga te karea are te wain nakoina, n arora, ma ara bakatibu, ao ara taani kairiiri ngke ti maeka ngkoa i Ierutarem ao kaawan Iuta nako. A a bon rangi ni m'aiti karara. Ti a maiu ni kaub'ai, ao bon akea te b'ai teuana ae e buakaka ae a tia n riki nakoira.

B'aeb'aeti 1:2

E tangi ni korakai n te tairiki koraki, ma ranni matana i aon tabana. akea temanna i buakoia raoraona ae kona ni karaua nanona; Aaba ake a itabon ngkoa ma ngaia a manga riki b'a ana kairiribai.

B'aeb'aeti 4:4

A mate ni baki ao n taka natiia b'a aki tabeakiniia; a bubuti natiia kanaia nakoia aomata ma akea temanna ae e anganiia kanaia.

Etekiera 20:32

Tao a taku b'a a konaa ni katotoongia aroia botannaomata ake tekorakina ni waakina aroia i bon irouia n taromauri taiani bouannanti aika a karaoaki n taiani kai ma atiibu. Ma bon anne te b'ai ae e na riki!

Otea 2:3

b'a I kaawa ni buuta kunnikaina ni kabebekanna kaanga te bong are e moan bungiaki iai. N na karikia b'a e na kanoabo kaanga te rereua, ao e na mate n te taka.

Otea 2:5

E aki kakaonimaki tinam. E rangi ni b'ainrang ao e taku, “N na biri n rimwiia au tangira A bane n roko b'aai mairouia kanau ma nimau, kunnikaiu te riinen ao te burae n tiibu, au b'a n oriwa ao te wain.”

Maraki 3:14

Aio te b'ai ae kam a tia taekinna, “Bon te waaki n nanobaba te m'akuri iroun te UEA ae Moan te M'aaka. Tera manenan te ongotaeka i rouna ma te nanakonako ni mata ni kananoanga?

Ruka 15:22

Ma e taku te tama nakoia ana toro, “Kam na kawaetataingkami n uota mai te kunnikai are moan te tamaroa, ao karinna i aona. ao kam na karina te burenibai i taboni baina, ao karini kauniwae i waena;

Ruka 16:24

Ao e weteia ni kangai, “Tamau ae Aberaam! ko na nanoangaai, ao kanakomaia Rataro b'a e na kateboa taboni baina n te ran ao e na kam'aitoroa neweu, b'a I kainano ni maraki n uran te ai aei.”

I-Rom 8:24

B'a ti kamaiuaki n te kaantaninga; ma ngkana ti nora are ti kaantaningaia ao bon tiaki te kaantaninga; b'a e aera te aomata ngkae e na kaantaninga te bae e noria?

Te Tua-Kaua 28:48

ao ane na kanakoia ami kairiribai b'a a na buakaningkami ma n anai ngkami b'a aia taenikai. Ao i mwiina, kam na maeka ni kainano b'a akea kanami ma nimami, ke kunnikaimi, ao a na kam'akuringkami ami toka n te m'akuri ae rawaawata ni karokoa matemi.

Te Tua-Kaua 32:16

Kam kamaraka nanon te UEA ao kam kaunna ngke kam taromauriia bouananti aika bati n ribaaki ao atuaia ianena.