Ieremia 2:23 - Te B'aib'ara

²³ Kam kakewei ami bure ao kam taku, “Ti itiaki. ti aki taromauria B'aara.” Ma kam na iangoa te b'ai ae kam karaoia n te M'arua are Innom. Ao kam biriaitua kaanga kaamero aika ataei, ni kawaekoaingkami n taromauria te bouananti teuana i mwiin teuana.

Ieremia 2:23 Iomraidhean Croise

Etita 8:16

A bane ni kukurei I-Iutaia ma ni kakatonga n i bukin namakinan reken te tokanikai.

Taian Areru 36:2

E kamoamoaa ni karangnga i bon i rouna, n ribaa oin aia bure ke ni bon noraki iai.

Taian Areru 50:21

Ko a tia ni karaoi baikai, ao akea au taeka iai; Ko taku n am iango b'a ti te bo arou ma arom. Ma N na boaiko, ao N na kaotia raoi i matam bukinam irou.

Taeka n Rabakau 28:13

Ngkana ko aki raraoma n am bure, ao e na aki koro bukin am iango. Ma e na akoiko te Atua ngkana ko kab'araa am bure ma n aki manga okiri.

Taeka n Rabakau 30:12

ao tabeman a taku n aia iango b'a a rangi n raoiroi, ma a kam'araaeaki n aia bure.

Taeka n Rabakau 30:20

E taku ana taeka te ainenum'a ae e aki kakaonimaki, “Akea buren te matu ma te m'aane temanna b'a kaanga ai aron kanakin te am'arake.”

Ieremia 14:10

Au aomata, kam tangiria n tiotio nako, Bon akea naba ami keiaki ni kan kaaningkami ma Ngai. Ma ngaia are, N nang katinanikuingkami ngkai ma ni katuaaingkami i bukin ami bure. Bon aio au taeka Ngai ae te UEA.

Ieremia 16:10

Ane a na titiraki ni kaangai, “E aera ngkai e a kamarakiira Atuara n taiani kabuanib'ai aika a m'aiti? Tera te kaairua ae ti a tia ni karaoia ke ara bure nakoina?”

Ieremia 2:36

Ngke a kab'akaingkami kaain Aturia, ao kam biri nako Aikubita, ma e aki reke buokami ikekei,

Ieremia 3:2

Kam na ti kataia ni kakaaea tabukin te tabuki teuana ike kam a tia n nako iai n taromaurii anti tabem'aang n aromi ni wene ni bure. Kam tekateka i rarikin te kawai kaanga te tia kimoa ae e karaoa te bakairaa, bon ti ngkoe ae ko angaanga rab'atam nako ia aomata aika a m'ananga. E kabuakaka te aba ami bure n aki kakaonimaki.

Ieremia 31:22

Tera ngke kam teimatoa ni kakaonimaki? N na bon kakoauaa b'a n te tai teuana ao a na manga kaokoro b'aai nako, kaanga kaokoron te aine ae e kaawakina te mm'aane.

Ieremia 7:31

Kam a tia ni katea te baonikarea i Tobeta n te M'arua are Innom ike kam tiringiia ami ataei iai ma ni kabuokiia b'a taiani karea nako ia anti tabem'aang. I bon tuai man tuangkami b'a kam na karaoa te aekaki aei.

Ieremia 9:14

A taningabono ao a taromauria B'aara, n ai aron are a karaoia ngkoa aia bakatibu.

Otea 1:2

E taku te UEA, “Otea, e a tia Iteraera ni keweai kaanga te ainenum'a ae e aki kakaonimaki. Ko na iein ma te aine temanna ao karika natim i rouna.”

Ruka 10:29

Ma e kani karaoiroia teuarei, ao e taku nakon Iesu, “Ao antai raou?”

I-Rom 3:19

Ma ti ataia b'a b'aai ni kabane ake a koreaki taekaia n te Tua bon i bukiia te koraki ake a mena i aan te Tua, b'a a aonga n tukaki aomata nako b'a a na aki karaoi aia taeka aika a na reke aonaia iai, ao a na bane ni motikaki taekaia iroun te Atua.