Ieremia 2:21 - Te B'aib'ara

²¹ Bon te kureebe ngkoa ngkami aika kam rineaki, ma ngkai a akea te b'ai ae e na reke iroumi ma ai ti taian kureebe aika a uarereke aika a buakaka.

Ieremia 2:21 Iomraidhean Croise

Karikani B'aai 18:19

I a tia n rineia n te aro b'a e na manga mwiokoia natina mm'aane, ma kanoana b'a a na ongotaeka irou ma ni kakaraoa te raoiroi ma te eti. Ngkana a karaoa aei, ao N na karaoi b'aai ni kabane ake I a tia ni berita iai.”

Karikani B'aai 32:28

E taku teuarei, “Ko na aki manga aranaki b'a Iakob'a. Ko a tia ni kaunrab'ata ma te Atua ao taiani mm'aane, ao ko tokanikai; ma ngaia are, ko na aranaki b'a Iteraera.”

Taian Areru 105:6

Ngkami akana ana kariki Aberaam are ana toro, Akana kanoan Iakob'a, akana kam rineaki i rouna.

Taian Areru 44:2

Ngke Ko kakioia nako botannaomata ni m'aakam, Ao Ko kamaekaia ara bakatibu i aon abaia; Ko karawawataia, ao Ko kakab'aiaia ara bakatibu.

Taian Areru 80:8

Ko uota te kai ae te kureebe ni kaotinakoia mai Aikubita; Ko kakioia nako botannaomata tabeua ao ko unikia iai b'a ana abanna.

Taian Areru 80:9

I mwini kakioakinakoaia iroum, ao ti kanenei wakaara iai; Ao e buta aon te aba irouia.

Te Otinako 15:17

Ko uotiia ni kariniia, ao Ko unikia i aon te maunga, te tabo ike Ko a tia n rineia te UEA i bukin Am auti, te Tembora are Ko boni kateia.

Itaia 1:21

Ierutarem, ti te bo ngkoe ma te ainenum'a ae e aki kakaonimaki. A rangi n raoiroi ngkoa am taani Motikitaeka ao a maiuakina te raoiroi am aomata; ngkai ko a riki b'a te kaawa ae e buubura ae e on irouia taan tiriaomata.

Itaia 27:2

N te tai arei kam na riai n anenea te nne ni kureebe ae e rangi ni uaa

Itaia 41:8

Iteraera, bon au tia m'akuri ngkoe ae e rineaki, ana utu raoraou are Aberaam.

Itaia 5:4

Tera riki ae N na konaa ni karaoia nakon au nne n aroka ni kureebe? I kaantaningai kureebe aika a karewerewe, ma ai tenaan kureebe aika a maai aika a maiu i nanona ni kabane.

Itaia 60:21

A na maiu raoi ami aomata ma n teimatoa ni b'aina te aba; bon taian aroka ngaia aika I unikia b'a a na neboai.

Itaia 61:3

mai ai moaraara riki i Ierutarem. E kanakoai b'a N na anganiia taiani uee n onea mwiin nanokawakiia, b'aan te oriwa n onea mwiin taian rannimata, ao te kukurei n onea mwiin te uruakinnano. A na aranaki b'a “Arokan te Motiraoi,” are e unikaki iroun te UEA i bukin neboan arana.

Ieremia 11:16

N te tai teuana kam riki b'a te kai te kureebe ae e onrake n te uaa. Ma n te tai ae e aki maan ao N na kanako ia taani kakiriwe aika a kakarongoa b'a a na urui m'aangam ma ni kaurarakei n te ai.

Ieremia 11:17

Bon te UEA Ngai ae Moan te M'aaka. Ngkami aika kaain Iuta bon te aroka ngkami ae I a tia n unikia, ma kam a tia ni kamaraka nanou ngke kam a manga anga karea nakon B'aara, n aron are a tia ni karaoia kaain te abanuea meaang. N na nang kouti ngkami mani waakami.

Ieremia 5:10

N na tuangiia aia kairiribai ni kaangai, “Naako riin n au nne n aroka ni kureebe. Kam na aki urui taiani kureebe, ma kam na ti koroi ni kanakoi taiani m'aanga, i bukina b'a bon aomata ngaiia aika tiaki au b'ai.”

B'aeb'aeti 4:1

E a bua raneanean ara koora ao e a mangaingai; A wene n raea atiibun te Tembora i nanon te kaawa.

Etekiera 15:2

Etekiera ae natin te aomata, tera ae e riki nakon kain te kureebe ngkana e a tia ni kinikaki uaana? E kaokoro ma taian aroka nako n te buakonikai,

Mataio 21:33

E taku Iesu nako ia mataniwiia ibonga ao taani kairiri: Temanna te aomata ngkoa ae iai ana onaroka. E uniki kureebe ni nneia, ao e oi rarikiia, ao e kena aontano i nanona b'a neni b'aini katinakoan ranin te kureebe, ao e katea te tabo n tantani. E anga te onaroka arei nakoia aomata tem'angina b'a a na tararuaia i bukina, ao e nako n te aba teuana.

Mareko 12:1

Ao E taetae Iesu nako ia n taeka ni kabotau: “Iai te aomata temanna ae karaoa ana onaroka ao e uniki kureebe iai. E katea oona ni katobibia, ao e kena nnen te b'ai ni karao wain, ao e katea te tabo n taratara i bukiia taan teiakina te onaroka. E anganako ngkanne te onaroka arei nakoia taan ribana b'a a na m'akuriia, ao ngaia e nako n te aba teuana.

Ruka 20:9

Ao E taekina te rongorongo ni kabotau aei nakoia aomata: E uniki kureebe ni neia te aomata temanna, ao e riitinna nakoia taan ribana ao e nako n te aba teuana ni kamanna iai.

Ioane 15:1

“Ngai te kai ae te kureebe ni koaua, ao Tamau te tia ribana.

Te Tua-Kaua 32:32

Bon taian kureebe ara kairiribai aika nene wakaaia ni katawanangin Tootom ao Komora. A kariki kureebe aika rangi ni mao ni kamaamate;

Te Tua-Kaua 4:37

E tangiriia ami bakatibu te UEA, ao E a tia ni baaireia b'a kam na riki b'a ana Aomata. Ma ngaia are, E kamanenaa m'aakana ae korakora ni kaotinakoingkami mai Aikubita.

Iotua 24:31

Ao a taromauriia te UEA aomata i nanon ana tai ni maiu Iotua. Ngke e a mate Iotua ao a bon teimatoa naba n taromauriia te UEA aomatan Iteraera i bukina ngke a bon maiu naba aia taani kairiri ake a bon noori naba Ana m'akuri ni kabane te Atua ake E a tia ni karaoi i bukiia Iteraera.