Ieremia 2:20 - Te B'aib'ara

²⁰ Kam kiitanai n taai ake ngkoa ao kam urui taiani kabae ni kabane ake i marenara, kam rawa n riki b'a Au taani m'akuri. Ao ngkai kam a taromaurii anti tabem'aang n aromi ni wene ni bure i aon taian tabuki ke i aan nuuni kaai aika a korakora.

Ieremia 2:20 Iomraidhean Croise

1.Uea 12:32

Ao e manga iangoa naba te bong n toa ae e boou i bukiia Iteraera n te bong ae tebwi ma nimaua bongin te kawanua n nam'akaina, kaanga aron are e kakaraoaki i Iuta. Ao n te bong anne, e nako iai Ieroboam nako Betaera ao e anga iai ana karea iai i aon te baonikarea nakon te kaoteteei are te koora are e a tia ni katikua ikekei. Ao i mwiina, e a anganiia ibonga tib'angaia nako.

1.Uea 14:23

A boni karaoi naba oin aia baangota, ma taamnein anti Ianena n taian atiibu, ao a katei bouannanti i bukin taromaurian te anti are Nei Aatera i aon taian tabuki ao i aan nuun kaai aika a korakora.

Taian Areru 107:14

E kaotinakoia man te rotongitong, ao E motimotiki kabaeaia.

Taian Areru 2:3

Ao a kaangai, “Ti na motikii roobu ao ti na kainaomataira!”

Taian Areru 78:58

A rangi ni kauna te Atua i bukin ae a nako ni bangota ao a taromauri bouananti ake iai.

Te Otinako 19:8

Ao i mwiin arei, ao a bane aomata n taku, “Ti na karaoi b'aai ni kabane akana E taekin te UEA,” ao e kaota arei Moote nakon te UEA.

Te Otinako 24:3

Ao e anga taian tua Moote nakoia aomata ao a berita ni kaangai, “Ti na karaoi b'aai nako akana e a tia ni mwiokoira iai te UEA!”

Te Otinako 3:8

ao I ruo rikaaki ngkai b'a N na kamaiuia mairouia kaain Aikubita. N na kaotinakoia Au aomata mai Aikubita nakon te aba ae e maiu reirei, ae e m'aiti iai te miriki ma ana karewe te manibeeru. N na anganiia te aba are a maeka iai ngkai kaain Kanaan, kaain Eta, kaain Amora, kaain Berita, kaain Iwa ao kaain Iebuti.

Itaia 1:21

Ierutarem, ti te bo ngkoe ma te ainenum'a ae e aki kakaonimaki. A rangi n raoiroi ngkoa am taani Motikitaeka ao a maiuakina te raoiroi am aomata; ngkai ko a riki b'a te kaawa ae e buubura ae e on irouia taan tiriaomata.

Itaia 10:27

Ao ane a na aki manga tautaekana ami botannaomata. A na bane n nakoraoi b'aai nako nakoimi, ao a na bane n tabekaki rake uotami.

Itaia 14:25

N na kanakoia kaain Aturia mai abau, ao N na kamanatuaia akana a mena i aon taiani maunga. N na kainaomataia au aomata man te tautoronaki irouia kaain Aturia.

Itaia 9:4

Ko a tia n urua m'aakaia koraki ake a kabuakakaia ao a tautoroniia am Aomata. Ko a tia ni kamaiua n ai aron are ngke ko kamaiuia am Aomata mairouia kaain Miria.

Ieremia 13:27

N na buuta kunnikaimi ma ni kabebekaningkami ao ni kamamaaingkami b'a a na nooringkami aomata nako. Kam a reke n te kabuanib'ai! Kam konaa ni karaoa ae e raoiroi ni manga taromauriai riki?

Ieremia 17:2

A a tia ni katei taian baonikarea ni beekan te roro teuana i mwiin te roro teuana ao a taromauriia te anti are Nei Atera n taabo nako i aon abami, i aon taian tabuki ao taiani maunga, ao i aan aroka aika a korakora.

Ieremia 2:31

Ao ngkai kam na ongo nakon te b'ai ae I taekinna! Iai te tai ae I kiitaningkami iai i nanon te rereua ke I katobibingkami n te rootongitong? Bon au aomata ngkami, ao i rarikin anne kam a tia ni kaangai nako iu, “Ti na karaoa te b'ai ae ti tangiria, ao ti rawa n taromauriko!”

Ieremia 3:13

Kam na ti kaotia raoi b'a kam bon kamangao ao kam taromaurii antiia ianena i aan kaai aika a korakora n taabo n aki akaaka.

Ieremia 30:8

Kam a riki b'a aia toro ngkai botannaomata ake tekorakina, ma N na motiki aia tiein ao N na urui amoia ake a tautoroningkami.

Ieremia 5:5

N na nako n taetae ma taan kairiiri. A na ataa te b'ai ae e tangiria te UEA.” Ma a bon rawa naba n ongotaeka i roun te UEA.

Etekiera 16:28

E aki toki nanom ni wene ni bure, ma ngaia are, ko ri mwiin Aturia ni kakioa ao ko wene ma ngaiia. Ao ko bon aki rauaki naba,

Etekiera 16:31

Ko wene ni bure ni kawain nako nuukan te kaawa, ao ko rawa ni butim'aea te m'ane ngkana ko tia. Ma ko kaokoro ma ainen matawa nako ake a tangira te m'ane.

Etekiera 16:41

ao a na kabuoka am auti nako. Ao a mataku koraki n aine ake te korakina ni b'aai ake a riki nakoim aika a kakamaaku. I berita b'a N na katoka arom n aine ni mataawa ma te anganga b'ai nakoia am tangira nako.

Etekiera 20:28

ngke a anga karea ni kaboiarara, ao te wain nakoia anti i aon te tabuki ao i aan aroka aika korakora. I bon rangi n un, i bukina b'a a karaoi b'aai aikai n te aba are I a tia n anganiia!

Etekiera 23:5

E ngae ngke e riki b'a buu Nei Oora, ma e bon waaki naba arona n aine ni mataawa ma n riri mwiin ana tangira are Aturia.

Otea 1:2

E taku te UEA, “Otea, e a tia Iteraera ni keweai kaanga te ainenum'a ae e aki kakaonimaki. Ko na iein ma te aine temanna ao karika natim i rouna.”

Otea 2:5

E aki kakaonimaki tinam. E rangi ni b'ainrang ao e taku, “N na biri n rimwiia au tangira A bane n roko b'aai mairouia kanau ma nimau, kunnikaiu te riinen ao te burae n tiibu, au b'a n oriwa ao te wain.”

Otea 3:3

Ao i mwiina, I taku, “Ai au b'ai ngkoe ngkai! Ko na nang riai ni kakaonimaki nako iu, e ngae ngke ti a maan n aki boobotaki ni wene.”

Otea 4:13

Kam anga karea i aon taubukin maunga ma tabuki, i aan aroka aika taian oke, ao taabo nako ike a tamaroa nuuia. Oin natim aika aine ao aika ai natim aine a kaboonakoi rab'ataia i bukin te wene ni bure.

Otea 9:1

Ko na aki karaoa am bukamaru Iteraera ke ni kakarongoa n aroia botannaomata ake tem'angina. Ko a tia n aki kakaonimaki nakon Atuam. Kam karaoa kateia ainen matawa ngkana kanakoaki kunin te uita b'a kam kukurei n te m'ane are kam karekea.

Nakoaia Ibonga 26:13

Boni Ngai te UEA ae Atuami, ao I kamaiungkami mai Aikubita, b'a kam na aki manga riki b'a tooro. I a tia ni kainaomataingkami; ao ngkai kam nangi nakonako n tabeki atuumi.

Naum 1:13

N nang kanakoa m'aakan Aturia mai aom, ao N na motiki kabaeam ake taurekereke.

Te Tua-Kaua 12:2

Ma a taromaurii atuaia tabeman botannaomata ake a maeka ikekei. Ma ngaia are, ngkana kam tia n taua te aba, ao kam na kamaunai ni kabane aia tabo n taromauri--ake i aoni maunga ao taian tabuki, ke ake i aan nuun kaai aika korakora.

Te Tua-Kaua 15:15

I mwiokoingkami b'a kam na ongotaeka iroun te UEA b'a kauringakimi b'a bon tooro ngkoa ngkami i Aikubita i m'aain kainaomataakimi i rouna.

Te Tua-Kaua 26:17

Ao ngkami kam a tia ni kariaia b'a E na riki te UEA b'a Atuami, ao kam na ongotaeka nakon ana Tua ma ana Reirei, ao kam na ongo i rouna ngkana E taetae nakoimi.

Te Tua-Kaua 4:20

Ma bon ana Aomata te UEA ngkami, i bukina b'a E kairiingkami i nanon taiani kakatai aika kabuebue, ao E kamaiungkami mai Aikubita.

Te Tua-Kaua 5:27

Moote, naako waerake ni kaaniiko ma te UEA n ongo i Rouna. Ao manga okirira n tuangiira, ao ti na karaoi b'aai ni kabane akana E taekin.

Iotua 1:16

A kaekaa Iotua ao a kaangai, “Ti na karaoi b'aai ni kabane aika ko a tia n tuangiira, ao ti na nako nakon taabo ike ko kanakoira nako iai.

Iotua 24:24

Ao a kaeka aomata nako Iotua, “Ti na taromauriia te UEA ae Atuara, ao ti na ongotaeka i rouna.”

Iotua 24:26

Ao e koroi tuua aikai Iotua n ana boki n tua te Atua. Ao i mwiina e katea te atiibu ae buubura i rarikin um'an te UEA i aan te aroka ae te oke.

Te Kaotioti 17:1

Ao e roko temanna mai buakoia anera ake itiman ake iai i rouia boora ake itiua, ao a taetae nako iu, ni kaangai, “Mai ikai; N na kaota nako im motikan taekan te kabekaau are kakannato are tekateka i aon raan aika bati;

Tani Motiki-taeka 10:6

I nanon te tai ae aki maan, ao a manga moanna n aki ongotaeka Iteraera nakon te UEA ni manga taromauriia B'aara, Nei Atiterota, ao atuan Turia, Titon, Moaaba, Ammon, ao Biritia.

Tani Motiki-taeka 2:11

E a tia te UEA ni kaotinakoia aia bakatibu mai Aikubita, ao a tia n taromauriia. Ma n te tai aei, a aki taromauria te UEA Iteraera, ao a manga taromauri bouanantin B'aara, ao bouanantin Nei Atiterota, ao ai uana naba ma bouanantiia atua riki tabeman ake ni botannaomata ake i rarikiia. Ao E rangi n un te UEA

1.Tamuera 12:10

Ao a manga tang naba nakon te UEA ami bakatibu i bukin buokaia. Ao a taku, “Ti a tia ni bure! Ti aki tataromauriko, ara UEA, ao ti a manga moana taromaurian B'aara ao Nei Atiterota. Ma ngkana Ko kamaiura ngkai mairouia ara kairiribai, ao ti na manga taromauriiko.”