Ieremia 2:15 - Te B'aib'ara

¹⁵ A bekorara ami kairiribai kaanga raian ao a urua te aba; a wene n urarake kaawa ma akea kaaia.

Ieremia 2:15 Iomraidhean Croise

Iobi 4:10

A kona ni bekorara mani kungkung kaanga te raian ae korakora, ma ngkana E oroi wia ni kamrarai te Atua.

Taian Areru 57:4

A otab'aniniai taan ribaai aika ai aroia raian aika kaakang aomata; Wiia ai aroni kaai ni katebe ma kanoaia, ao neweia ai aroni kabaang aika kakang rewarewa.

Itaia 1:7

E a wene n uruaki abami; a mannang ami kaawa. E a anaaki abami man uruakaki irouia ianena ao Iruwa ngke kam boni matakuakiniia.

Itaia 24:1

E nang minota te aonnaba te UEA n urua teina ma n onikia nakon te rereua. A na bane ni maae nako aomata nako,

Itaia 5:29

A bekorara kaanga taian raian ataei ngkana a rawea konaia mani uaakiniia nako nakon te tabo ae akea ae e konaa ni kamaiuia iai.

Itaia 5:9

Ma e a tia ni karaoa ana berita aei te UEA ae Moan te M'aaka nako iu: A na akea kanoan taian auti akana a buubura man tamaroa akanne, ao a na akea naba te tia kaawakin.

Itaia 6:11

Ao i mwiina, I a titirakina te UEA ni kaangai, “A toki n ningai baikai?” Ao e kaeka te UEA: Ni karokoa a mauna nako aia kaawa nako ao a rereua aia auti, ni karokoa akea kanoan aia tawaana,

Ieremia 10:22

“E na ongo te aba karongoaan te urub'ai mai meaang ae kaanga ai aron te baa. Ao n te tai ae e aki maan, a na uruaki ara kaawa nako ao a na maeka iai taian tiakaore.”

Ieremia 25:30

E taku te UEA nako iu: N na bekorara kaanga te baa man au Tembora, ngkana I kamanatuaia au aomata ma aomata nako kaanga ai aron taiani kureebe.

Ieremia 25:9

ao ngkai N nang kanako ia botannaomata mai meang b'a a na buakaningkami, bon mai roun au toro are Nebukaneta mai B'aburon. Kam na uruanaki ngkami ma botannaomata akana i rarikimi nako ao kam na tiku n uruaki n aki toki. A na tiaoki aomata akana a noora aron uruakin ami kaawa, ma a na b'ainingarei ngkami.

Ieremia 26:9

E aera ngkai ko taetae n aran te UEA b'a e na riki te Tembora aei kaanga Tiro ao e na uruaki te kaawa aei ao a na akea ae na maeka iai?” Ao i mwiin arei, a bootaki aomata ni katobibiai.

Ieremia 33:10

Ieremia, ko taku b'a e na rereua te aba aei ao akea aomata ma maan iai, ao n te tai aei, e bon eti are ko taekinna. A akea kaain kaawan Iuta ao e a rereua kawain te kaawa i Ierutarem, ao bon akea aomata ma maan n nooraki n taabo nako. Ma a na roko boong ane ko na manga ongo iai

Ieremia 34:22

N na anga te babaaire, ao a na manga oki nakon te kaawa ae e buubura aei. A na buakanna, a na taua, ao a na kabuokia ni kab'aka. N na karika aia kaawa aika a buubura b'a kaanga taian rereua aika akea aika a maeka iai. Bon aei Au taeka Ngai ae te UEA.

Ieremia 4:7

E na oti nako te taanga ni buaka, kaanga te raian mani nena. E na tiringiia botannaomata ma ni katikui ami kaawa ma akea kaaia ao ni urubekebeke.”

Ieremia 44:22

Ao ngkana E aki konai moan ami bure te UEA aika a ribaaki, ao E kamaraiaa te aba ao E onikia nakon te rereua, n aron ae e riki n te bong aei.

Ieremia 5:6

A a tia aomata ni kakaitaraa ma ni katinanikua te UEA n taai aika a m'aiti. Tabeman kairiribai a buaka kaanga taian raian man te buakonikai ke taian kameaanti man te rereua. A na mamataukiroa kaawan nako Iuta ao a na raebitii konaiia aika a otinako kaanga taian reeb'ari.

Ieremia 50:17

Iteraera bon te nanai n tiibu ae e maae nako irouia raian aika a bora ni baki. Uean Aturia boni ngaia te moan kab'autiia Iteraera. Ao i mwiina, Nebukaneta, uean B'aburon, are e kangkanta riin Iteraera.

Ieremia 51:38

A bekorara kaain B'aburon ao a kakarongoa kaanga raian ataei.

Ieremia 6:8

Ongora i Rou, ngkami aika kaain Ierutarem ao kaain Iuta. N na kiitaningkami, ao e na riki abami b'a te rereua ae akea kanoana.

Ieremia 9:10

I tang i bukin te tabo n uteute are i aon te aba ae e tabukibuki. Ai bon akea kain aona, ao e mate tanona n te kabuebue n te aro are bon akea te tia m'ananga ae e kan rikekei. Bon akea te kao ae e konaa ni kuneaki ikekei, ao a bane n tia mannikiba ma maan aika a aki manana ni mauna nako.

Ieremia 9:11

Ao I ongo ana kaeka te UEA, “Ngkana e tia Au m'akuri, ao e na riki Ierutarem ao kaawan nako Iuta b'a b'ariko ni b'ai aika a uruaki ike ti taian tiakaore aika a maeka iai.”

Etekiera 36:3

A uruaningkami ma ni kamanatuaingkami man itera ni kabane, ao a kataenikaingkami aia botannaomata ianena ao a b'ainingareingkami.

Etekiera 5:14

A na bane ni ngare aika a rirarikimi n te urub'ai ae e riki nakoimi. Ane a na kamamaaeingkami

Otea 11:10

N na bekorara kaanga te raian, Ngai ae te UEA, a na oki natiu, ma te ruru mai maeao.

Otea 5:14

Ma ngaia are, N na riki b'a te raian ae e tiritiri ni buakana Iteraera ao Iuta. N na buribaiia ma n uota nako te b'ai ae I tangiria, ao bon akea temanna ae e konaa ni katokai.

Amota 3:12

E taku te UEA, “Ai aron te tia kawakin tiibu ae kunei tii uaai rangan ke tii taningan te tiibu ae e kanaki iroun te raian ao ai aroia naba I-Tamaria b'a tii tabeman ake ana reke maiuia mai buakoia. A na reke aia tai ni uoti b'ain aia auti.

Amota 3:4

E kona ni bekorara te raian n te buakonikai ngkana akea kanana? E kona ni bekorara te raian ataei man b'angana ngkana e tuai reke konana?

Amota 3:8

Ngkana e bekorara te raian ao ai antai ae e na kona n aki maaku? Ngkana e taetae te UEA ae te Atua ao ai antai ae e na totokoa taetaekinan ana taeka?

Naum 2:11

E a ngaa ngkai te kaawa are e ab'ab'aki are kaanga ai aron ooia raian, are te tabo ike a kakaam'arakeaki iai raian ataei, ike a nakonako iai te raian m'aane ma te raian aine, ao a mano raoi iai buniia?

Teb'ania 1:18

N te bong arei ngkana e roko unin te UEA, ao ana bon aki kamaiuaki n aia tirewa ma aia koora. E na bane ni mauna te aonnaba n uran unna. E na karokoa te toki; te toki ae e karina nakoia ake a maiu i aonnaba.

Teb'ania 2:5

Ngkami i Biritia aika kam nimamate, ngkami aika kam maeka i rarikin taari E a tia bairean taekam iroun te UEA. E na tiringi ngkami, ao bon akea ae na tiku ni maiu.

Teb'ania 3:6

E taku te UEA, “I a tia n teweia nako botannaomata. I a tia ni kamaunai aia kaawa, ao a tiku n uruaki aia oo ma aia taua. E a riki n rereua aia kaawa; a akea kaain te kaawa-bon akea nikiraia.

Tekaria 11:3

Ongora! A tang taan kaawakin tiibu. E a tia n uruanaki aia tabo n uteute aika a mimitong. Ongora! A bekorara taian raian. A na aki manga konaa ni manga nooraki buakonikain te M'arua are Ioretan.

Tani Motiki-taeka 14:5

Ao ngke a roko Tamton ma ana karo n te nne ni kureebe i rarikin Timna, ao e roko te raian b'a e na tena Tamton.