Ieremia 2:13 - Te B'aib'ara

¹³ Kam a tia ni bure ngkami aika au aomata ni b'aai aika uoua kam a tia ni katinanikuai, Ngai ae Nen te ran ni kamaiu ao kam kataia n itiia ami ran n taian ni ne n ran aika tabwenaua aika a raran aika a kekenaki i nanon te tano.

Ieremia 2:13 Iomraidhean Croise

2.Uea 22:17

A tia kaain Iuta ni katinanikuai. A tia n angakarea nakon antiia Ianena ao a tia naba n taromauriia oin aia bouananti. I a bon aki konaa n taotaona nanou mai iai. E a rangi ni maraki nanou.’ ”

Taian Areru 36:9

Mai Roum koburaken te maiu; ao ti nora te oota i bukin ootam.

Te Minita 1:14

I a tia n noori b'aai ni kabane, ao akea nanoni iango ni kabane b'a kaanga ti kaean te ang.

Te Minita 1:2

Akea nanoni b'aai nako! A bane n akea nanoia. I a tia n noori ni kabane akea nanoni b'aai nako!

Te Minita 12:8

Akea nanon b'aai nako. I a tia n noori ni kabane akea nanon b'aai nako.

Te Minita 2:11

Ao i mwiina, I a iangoi b'aai aika I a tia ni karaoi, ni ikotaki ma m'akuri aika a matoatoa, ao ngaia bon ti kakiokioan te ang. Bon akea nanoni b'aai ni kabane.

Te Minita 2:21

Ngkana ti kamanenai wanawanara, rabakaura, ao ara ataib'ai i bukin karekean ara b'ai, ao e aera b'a ti na manga katikui nakon temanna ae e bon aki m'akuri i bukin karekeaia? Bon akea nanon te iango aei, ao e kaairua.

Te Minita 2:26

Ngkana ti kakukureia te Atua, ao e na kawanawanaira, ma n anganiira te ataib'ai ao te kukurei. Ma ngkana ti bure, ao te Atua e na karawaawatai maiura, ao e na manga anga ara b'ai ni kabane nakon temanna are E kakukureia. Bon akea okoron aei ma kakiokioan te ang.

Te Minita 4:4

Ao i mwiina, I a tib'a ataia b'a ti m'akuri ma ni karaoi baika a raoiroi, i bukina ngke ti bakantang irouia tem'angina. Bon akea nanon riki te baei b'a bon ti kakiokioan te ang.

Itaia 1:3

A atai aia aomata ake a kakaam'arakeaki irouia taiani kao ma taian aati, ma a tuai man ataai au Aomata.”

Itaia 1:4

Iteraera, bon te botannaomata ngkoe ae ko buubure, ao ko onrake n te kaairua. Ko rangi ni buakaka, ao ko kam'araa ao ko a tia n tannako mai roun te UEA, ae Atuaia Iteraera ae te Atua ae tabu.

Itaia 12:3

E na reke iroumi te ran ma te kukurei ae moan te bati mani m'aneaban te tokanikai.

Itaia 5:13

ma ngaia are, bon akea ae e ataa aron te UEA. Ao anne bukina ngkai a na m'aiti mai buakomi aika a na uaakinaki nakon abaia ianena. A na mate ni baki ami taani kairiiri, ao a na bane kainano aomata ni bora n taka.

Itaia 55:2

E aera ngkai ko bakataea am m'ane i aoni b'aai aika tiaki raoi taian am'arake? E aera ngkai ko m'akuri korakora i bukin b'aai aika a aki konaa n anganiko te rau n nano? Kakauongo raoi irou ao ane ko na kukurei ni kana te am'arake aika kabanea ni kangkang.

Itaia 63:8

E kamaiuia ana Aomata te UEA, ao e taku, “Bon Au b'ai. A aki konaa ni kam'aneai.”

Ieremia 1:16

N na katuaaia au aomata, i bukina b'a a kaairua ngke a rairaki nako mairou n taromauri bouananti.

Ieremia 14:3

A kanako ia aia taani m'akuri taan tautaeka nakon taabo ike a kaawakinaki iai taian ran. Ma bon akea naba iai; ao a okirikaaki ma te b'arannano ao aia tiaeki aika bon akea naba kanoaia.

Ieremia 15:6

Au aomata, kam a tia ni katukai ma ni kitanai. I a kua ni kaotan te akoi. ao bon anne bukina ngkai N na tiringkami

Ieremia 17:13

Bon te koburake n ran Ngkoe ae e anganiia Iteraera te maiu ma te kaantaninga. Ma ngkana a aki kubara te b'ai ae Ko taekinna aomata ao a na kamaunaaki nako kaanga taian taeka aika a koreaki i aon te tano.

Ieremia 18:14

E a tia n rannako te tinoo are i aon maungan Reb'anon, ao a aki konaa ni m'autakataka taian karaanga n ran ikekei.

Ieremia 19:4

A a toki kaain Iuta man taromauriau ao a karika te m'arua aei b'a te tabo i bukin taromaurian B'aara ao anti tabem'aang aika a bon tuai man buokiia ke ni buokiia aia bakatibu ke aia uea.

Ieremia 2:11

ao ane kam na nooria b'a bon akea te botannaomata ae e a tia ni kiitana antina e ngae ngke tiaki atua ni koaua. Bon ti Ngai te Atua ni koaua ae E mimitong, ao kam a tia ni katinanikuai i bukin taromaurian taian bouananti.

Ieremia 2:17

Bon am bure! Ko katoka iriiraku, Ngai ae te UEA ae te Atua,

Ieremia 2:26

Kam rangi ni kamaamaaeaki riki ngkami ma ami taani kairiiri nako ia aomata aika a kimoatoo kam taromauri bouananti aika atiibu ao boua aika a tabu

Ieremia 4:22

I ongo b'anaan te UEA ngke E kaangai, “A aki kubarai au aomata, bon ataei ngaiia aika a nanobaba ae a aki ataia ae a na katuaaeaki. Ti te b'ai ae a ataia aron karaoan te bure.”

Ieremia 5:26

E kam'aneia maan te tia kaeman ao e kaaki i nanon ooia, ma iai ake a kam'aneia aomata ma ni karikiia b'a aia toro.

Ieremia 5:31

A anga aia rongorongo taiani burabeti n aran te anti ni kewe. a aki tangiria au ibonga ni m'akuri i buku ma ngkami-Au aomata ni koaua kam tangira te kawai aei! Ma i nanon tain te kabuanib'ai anne, kam na rairaki nakon antai i bukin buokami?

Etekiera 14:5

Tao a na bae n okirai ke ni katoka taromauriakiia bouannanti ngkana a ongo au rongorongo.

Etekiera 47:1

Ao e kairai te mm'aane arei rikaaki nakon te Tembora, ike I noora iai te raanga n ran ae e raanga i aan te kawai n rin. E moana raangana man iteran te Tembora are mai maiaki, ike e raanga mai iai ri rarikin te baonikarea ni waaki nako ni waerake i nanon te katawanang.

Mika 2:8

E kaekaia te UEA, “Kam buakaniia au Aomata n ai aroia kairiribai. A taku m'aane tabem'aang b'a a maiu b'a a okirii mwengaia ma te rau, i mwiin buakaia ma aia kairiribai. Ma ngaia ko a manga anai aia kunnikai b'a kakoaua i bukin aia taarau iroum.

Mika 6:3

E taku te UEA, “Tera ae I a tia ni karaoia nakoimi au Aomata? Tera arou ae I a tia ni karawawataingkami iai? Kam na kaekaai.

Tekaria 13:1

E na reke te koburake n ran, ike a na teboki iai aia bure ma aia kaairua ana kariki Tawita ao kaain Ierutarem.

Ioane 4:10

E kaeka Iesu ao E taku nakoina, “Ngke tao ko ata ana b'ai n tangira te Atua, ao Teuae kaangai ngkai nako im, Kaamai b'a N na moi, ao ko na kamani butiia, ao Ngaia E a anganiko naba iai te ran ni kamaiu.”

Ioane 4:11

E taku neierei nakoina, “Teuaei, akea am b'ai n iti ran, ao e nano te m'anib'a; ko karekea maia ngkanne te ran ni kamaiu?

Ioane 4:14

ma ane moi n te ran ae N na anganna, ao e na bon aki manga taka. B'a te ran ae N na anganna, e na riki b'a te m'anib'a n ran i nanona are na koburake ao e na anganna te maiu are aki toki.”

Ioane 7:37

N te kabanea ni bong ae kakannato n tain te Toa are te Um'anrianna, ao E teirake Iesu, ao E kanenea b'anaana ni kaangai, “Ane kani mooi, ao ke e nako iu b'a e na moi!

Te Tua-Kaua 31:16

Ao E taku te UEA: Moote, Ko na mate n te tai ae e aki maan, ao a nangi rin Iteraera n te aba ike a taataromauriaki iai atua riki tabeman, ao ane a na rawa irou Iteraera ma ni moana taromauriaia atua aikai. Ane a na urua te boraraoi aomata n aron are I a tia ni karaoia ma ngaiia,

2.Betero 2:17

Boni kanga m'anib'a aika akea te ran i nanoia te koraki aei, ao kanga mabubu aika buti b'a a ukaki n te ang ae baibati; e kawakinaki i bukiia neia n te roo ae rotongitong.

Te Kaotioti 21:6

Ao E taku nako iu, “A bane n tia. Boni Ngai te Moa ao te Toki; boni moani b'aai Ngai ao tokiia naba Ngai. N na angan ane kani moi nimana mani koburaken te ran, are te ran ni maiu, ae akea boona.

Te Kaotioti 22:1

Ao te anera arei e kaota nako iu karaangan te ran ni maiu, ae te ran ae raneanea n ai aron te kurititaro; ao e raanga nako te ran arei man ana kaintokanuea te Atua ma te Tiibuteteei,

Te Kaotioti 22:17

Ao E kaangai te Tamnei are Raoiroi, ma te aine are a tib'a mareaki, “Mai.” Ao ane ongo e na kaangai naba, “Mai.” Ao ke e nako mai ane kani moi; ao ke e anaa te ran ni maiu ane kan anaia, n aki kaboa.

Tani Motiki-taeka 10:13

Ma N nang aki manga kamaiungkami riki. Kam a tia ni kiitanai ma n taromauriia atua riki tabeman. Ngkana iai ami kaangaanga ae ab'ab'aki, ao nakoia ni butiia buokami.

1.Tamuera 12:10

Ao a manga tang naba nakon te UEA ami bakatibu i bukin buokaia. Ao a taku, “Ti a tia ni bure! Ti aki tataromauriko, ara UEA, ao ti a manga moana taromaurian B'aara ao Nei Atiterota. Ma ngkana Ko kamaiura ngkai mairouia ara kairiribai, ao ti na manga taromauriiko.”