Ieremia 19:4 - Te B'aib'ara

⁴ A a toki kaain Iuta man taromauriau ao a karika te m'arua aei b'a te tabo i bukin taromaurian B'aara ao anti tabem'aang aika a bon tuai man buokiia ke ni buokiia aia bakatibu ke aia uea.

Ieremia 19:4 Iomraidhean Croise

2.Uea 21:16

E bure Manate ngkai e karekeia kaain Iuta n te bure ao te aki ongotaeka nakon te UEA. E rawa naba ni kamaiuia aomata aika akea aia bure. A m'aiti aika bon akea aia bure ake e kariaia naba tiringakiia, ao e a on kawain nanon Ierutarem raraaia.

2.Uea 23:10

E kanakoia tabeman m'aane Iotia nakon te M'arua are Innom are i tinanikun Ierutarem ma ana taeka ae a na aki kariaiakaki baonikarea ikekei b'a b'aai n taromauri. N te aro anne, are a aki konaa iai aomata ni manga kamanenai i bukin kareanakin aia ataei nakon Moreka.

2.Uea 24:4

ma ni karika mateia aomata aika a m'aiti aika akea aia bure. E na bon aki kab'ara te bure aei te UEA.

Taian Areru 106:38

A kamateia natiia aika akea aia bure, ao e kam'araeaki aon te aba i bukini m'akuri n tiritiri aikai.

Itaia 59:7

Kam waetata nakon karaoan te kaairua ke tiringan konami aika akea aia bure. A akea riki te b'ai ae kam iaiangoia i rarikin te bure; a tiku n urubekebeke taabo akana kam kiitan.

Itaia 65:11

“Ma e na kaangaanga nakoimi ngkami aika kam m'anuokinai, ao ngkami naba aika kam m'anuokina Tion, au Maunga are Tabu, ao ma n taromauria Kaata, ao Meni, ake atuan te tekeraoi ma tokin te waaki.

Ieremia 1:16

N na katuaaia au aomata, i bukina b'a a kaairua ngke a rairaki nako mairou n taromauri bouananti.

Ieremia 11:13

ao a m'aiti riki aia baonikarea i bukin B'aara nakon m'aitin kawain nanon te kaawa i Ierutarem. Ma a bon aki konaa ni kamaiuia kaain Iuta antiia aikai man te kabuanib'ai.

Ieremia 15:6

Au aomata, kam a tia ni katukai ma ni kitanai. I a kua ni kaotan te akoi. ao bon anne bukina ngkai N na tiringkami

Ieremia 16:11

Ao i mwiina, ko na tuangiia te b'ai ae I a tia n taekinna: Kaain Iuta, a tannako ngkoa ami bakatibu ma i Rou, a katinanikui Au tua ao Au reirei ao a manga moana taromaurian anti tabem'aang.

Ieremia 17:13

Bon te koburake n ran Ngkoe ae e anganiia Iteraera te maiu ma te kaantaninga. Ma ngkana a aki kubara te b'ai ae Ko taekinna aomata ao a na kamaunaaki nako kaanga taian taeka aika a koreaki i aon te tano.

Ieremia 17:20

ao taetae nako ia aomata ni kabane. Ko na tuangiia te b'ai ae I taekinna: Bon te UEA Ngai, ma ngaia ae, kam na kakauongo raoi.

Ieremia 18:15

Ma kam a tia n rairaki nako mairou ngkami Au aomata ngke kam kabuoki taian b'ai ni kaboiarara nako ia bouannanti aika akea manenaia. Kam a tia ni kiitana te kawai nikawai ma n ira te kawai ae e aki ataaki ike a na toki waemi iai n taian bouannanti.

Ieremia 2:13

Kam a tia ni bure ngkami aika au aomata ni b'aai aika uoua kam a tia ni katinanikuai, Ngai ae Nen te ran ni kamaiu ao kam kataia n itiia ami ran n taian ni ne n ran aika tabwenaua aika a raran aika a kekenaki i nanon te tano.

Ieremia 2:17

Bon am bure! Ko katoka iriiraku, Ngai ae te UEA ae te Atua,

Ieremia 2:19

Ane a na katuaeko am bure, b'a bon te bure ae moan te buakaka b'a kam kiitanai ao kam aki roko n te maaka te rekenikai. Bon aei Au taeka Ngai ae te UEA ae Moan te M'aaka.

Ieremia 2:30

I kataia ni katuaaingkami, ma kam rawa n oki nako iu, ao kam tiringiia au burabeti kanga aroia raian aika a tiritiri.

Ieremia 2:34

Kam tiringiia aomata aika akea aia bure n akea bukina raoi. Ao e ngae ngke a konaa n nooraki raraaia i aon ami kunnikai,

Ieremia 22:17

Ma ti te b'ai ae ko rangi n iaiangoia bon aron te kewe ke te kabuakaka ke tiringaia tabem'aang aika akea aia bure.

Ieremia 22:3

A a tia n riki aomata aika akea aia bure b'a konan ami m'akuri n tiritiri, ao tabeman mai buakoia a tia n tiringaki. Ma I tuangkami ngkai b'a kam na karaoa ae e raoiroi ao ni kakoaua b'a e karaoaki te motiraoi. Kamaiuia aomata nako akana a karawaawataaki n te motibuaka.

Ieremia 26:15

Ma ngkana kam kamateai, ao a na bane n reke kaain Ierutarem n te bure n tiringa te aomata ae akea ana bure, i bukina b'a bon mai roun te UEA b'aai ni kabane aika I taekin.

Ieremia 26:23

Ao a kairiia rikaaki nakon te Uea are Ieoiakim, are e a kamatea ao e karenakoaki rab'atana nakon te tabo n taunimate.

Ieremia 44:3

i bukina ngke a kaunai kaain Iuta ngke a manga taromaurii anti aika a bon tuai man buokiia ma aia bakatibu.

Ieremia 5:6

A a tia aomata ni kakaitaraa ma ni katinanikua te UEA n taai aika a m'aiti. Tabeman kairiribai a buaka kaanga taian raian man te buakonikai ke taian kameaanti man te rereua. A na mamataukiroa kaawan nako Iuta ao a na raebitii konaiia aika a otinako kaanga taian reeb'ari.

Ieremia 7:6

Katoka karawaawataia iruwa, ma ataei aika a akea aia karo, ao aine aika akea buuia. Kam na aki tiringiia aika akea aia bure. Ao katoka taromauriaia anti tabem'aang.

Ieremia 7:9

Kam iraa ao kam tiriaomata, kam kewe n te kabowi ao kam aki kakaonimaki nakon ami berita ni mare. Kam taromauri bouannanti, ao kam anga te b'ai ni kaboiarara nakon B'aara, e ngae ngkana akea te b'ai teuana ae a konaa ni karaoia anti aikai nako imi.

B'aeb'aeti 4:13

Ma e bon riki anne i bukina ngkai a bure burabeti ma ibonga, a tiringiia aomata aika a raoiroi.

Etekiera 20:26

ao I kariaia b'a a na anga nako iu taiani karea aika a aki kariaiakaki, n reitaki ma naati m'aane ake taiani karimoa. I karaoa aei b'a N na kakamaakuia b'a a na ataia b'a boni Ngai ae te UEA ae I katuaaia.

Etekiera 7:22

Ane a na ninia au Tembora ma ni katikua b'a te tabo ae e aki tau i bukin taromauriau, ma N na bon tannako b'a e na bon aoria n riki anne nako ia.

Etekiera 8:11

A tei ikekei itingaun taani kairiiri mai Iteraera, n reitaki ma Iaatania are natin Tiaban te m'aane. A bane taani kairiiri n taui b'ain kabuokan taiani b'ai ni kaboiarara n tatabemaniia nako, ao e onrake nanon te ruu arei n te boiarara.

Taniera 11:31

A na kam'araaea te Tembora ana tautia tabeman. A na katoka te angakarea are e katoa bong, ao a na katea te b'ai are moan te kakamaaku.

Ruka 11:50

B'a e tangiraki man te roro aei booni mwin raraaia burabeti ni kabaneia, ake a kawawaeaki ma ngke e moa ni karikaki aonnaba.

Te Tua-Kaua 13:13

Ane kam na ongo aia taeka aomata aika akea manenaia n tuangiia aomata ni kabane b'a a na taromauriia anti riki tabeman, e ngae ngke bon akea te b'ai ae a tia ni karaoia anti aikai i bukiia.

Te Tua-Kaua 13:6

Ane na manga kaangai temanna nakoimi, Ti nang taromauriia anti riki tabeman. E aoria naba ngkana raoraomi, ke tarimi, ke m'anemi, ke natimi te m'aane, ke natimi te aine, ke buumi ae kam rangi n tangiria, ma kam na bon aki ongo naba i rouna. Bon akea temanna te aomata ae kam na ongo i rouna ae taekin baikai. Ma kam na karebanaa te aomata anne ni ua matena n taian atiibu. Boni ngkami moa aika kam na moan kareia, ao i mwiina, a na kabanea te m'akuri aomata te korakina. Kam na bon aki kaota te nanokawaki. Bon akea te b'ai ae a tia ni karaoia nakoimi ke nakoia ami bakatibu antiia botannaomata tabeua. A na kataia ni katokaa taromaurian te UEA are kamaiungkami man te toronaki i Aikubita aomata akana a tuangkami b'a kam na taromauriia anti riki tabeman. Ma ngaia are, kam na tiringiia aomata akana a tuangngkami b'a kam na taromauriia anti riki tabeman.

Te Tua-Kaua 28:20

E na kamangaongaoingkami te UEA, e ngae naba ngkana kam iangoa tian te b'ai teuana, ao ane kam na namakina unna. Kam na aki teimatoa ni maiu, ao kam na kaitibo ma taian kabuanib'ai aika kakamaaku. A riki baikai ni kabane i bukina b'a kam tinanikua te UEA.

Te Tua-Kaua 28:36

Ao E na karikingkami te UEA b'a taenikai ngkami ma ami uea nakon te aba ae kam tuai man ongongo taekana ma ami bakatibu, ao ane kam na imanonoaki taromauri taian bouananti ikekei ake a karaoaki man taian kai ao atiibu.

Te Tua-Kaua 28:64

Ao ngkami aika kam aika reke maiumi kam na manga maenako nakon botannaomata tabeua i aon te aonnaba, ao ane kam na imanonoaki b'a kam na taromauri taian atiibu ao taian bouananti aika taiani kai aika a bon tuai buokingkami ke ni buokiia ami bakatibu.

Te Kaotioti 16:6

B'a aomata a katinakoi raraaia te koraki ake a itiaki ma burabeti; ao Ko a tia n anganiia te raraa b'a a na moi iai. A riai n reke kaiia.”

Tani Motiki-taeka 5:8

A taromauriia atua riki tabeman Iteraera, ao a rina ni buakanaki mataroan aia kaawa nako Ma bon akea aia otanga ke aia kainiwai ni buaka.