Ieremia 18:23 - Te B'aib'ara

²³ Ko ataia b'a a baairea aron tiringakiu. Ma ngaia are, Ko na un irouia ao Ko na katuaaia! Ko na aki manga kab'ara aia bure n aia bure aika a rangi ni kakamaaku.

Ieremia 18:23 Iomraidhean Croise

Taian Areru 119:126

Karaoa ae ko taku, te UEA! B'a a urua am Tua aomata.

Taian Areru 35:4

A na baka ni baba ma ni b'ainrang akana kani kamateai; A na oki rikaaki ma te nako n nano akana iangoa aroni kam'aruaau!

Taian Areru 56:8

Ko ataa arou n aki rau; Ko kawakin taekan mwin m'aitin rannimatau tiaki a koreaki taekaia n am Boki?

Taian Areru 59:5

Tei rake, te UEA ae Moan te M'aaka, ao nako mai buokai; Atuan Iteraera, nako mai noria Ngkoe! Kamarurungko, ao kareke kaiia botannaomata aika beekan; Tai nanoangaiia ngkai bon taani kam'aruaia raoia nakoia aiaia!

Itaia 10:3

Ma tera ae kam nang karaoia ngkana kam buakanaki man katuaaeaki irouia ianena? Kam na biri ni kakaaea buokami ia? Kam na karabai ami b'ai aika a kakaawaki ia?

Itaia 2:9

Ma ngaia are, a na bane ni mamaa ma ni b'ainrang. Tai buokiia!

Ieremia 11:23

Ao ngkana e tia ae N na karaoia, ao a na bon akea temanna man aia utu ae e na tiku ni maiu.

Ieremia 15:15

Kam bon noora aron karawaawatakiu n taeka aika a kamaraki aika a aki toki n rooroko, ao I karaoi baikai ni kabane i bukim te UEA. Ko na aki taotaona nanom nako ia au kairiribai; Ko na irataangau nako ia i m'aain ae a tiringai.

Ieremia 17:18

Ko na kaakea kab'akau ao b'ainrangiu, ma ko na kab'akaia au kairiribai ma ni kab'ainrangiia. Karokoa te urub'ai irouia b'a e aonga ni kororaoi bukin maakuia.

Ieremia 17:4

E na bua te aba are I anganingkami ao N na karikingkami b'a tooro i abaia ianena, i bukina ngkai kam a tia ni kakorakoraa uniu kaanga te ai ae e aki konaa n toki urana.

Ieremia 18:18

A taku aomata tabeman, “Ti a katiaa taekan Ieremia! Bon iai ibonga n taai nako ike a konaa n reireiniira ana Tua te Atua, ao ai uana naba ma aomata ake a rabakau b'a a konaa n anganiira taeka n reirei, ao burabeti b'a a konaa n anganiira ana rongorongo te UEA. Ma ngaia are, ti na aki manga ongo i roun Ieremia, ma ti na bukinna n te bure.”

Ieremia 26:11

Ao ngke a tabe n ongora, ao a roko ibonga ma burabeti ao a taku, “Kam bon bane n ongo ana taetae ni burabeti Ieremia ngke e taku b'a e na uruaki Ierutarem. E bon riai tiringakina.”

Ieremia 26:8

ao ngke e a tib'a bane taekinan b'aai nako ake e mwiokoai te UEA b'a N na taekin, ao a tauai ma n takaarua ni kaangai, “Ko na riai n tiringaki i bukin te b'ai ae ko karaoia!

Ieremia 37:15

Ao a bononnanoai ao a anga ngai b'a N na oreaki ao a kainai i nanon ana auti Ionatan, are te tia koroboki n te bowi ni kaburebure, are e a tia ni karaoaki ana auti b'a te karabuuti.

Ieremia 38:4

Ma ngaia are, a m'ananga ni kawara te uea naake aman akekei ao a taku, “E na riai ni tiringaki Ieremia b'a e kab'arai nanoia tautian te kaawa aei ma aomata ni kabane, e kataia ni kakiriwei nanoia aomata.”

Ieremia 6:15

A riai ni mamaa n aia bure ae moan te ribaaki, ao a aki roko naba n te mainarake moaia. Ai ngaia are ngkana I katuaaea Iuta, ao a na bane n toki i aon aontano, ni mate kaanga aekaia aomata nako. Bon aei au taeka Ngai ae te UEA.

Ieremia 6:21

Ma ngaia are, N na kaaki te b'ai ni katoki wae i m'aain kawaimi, ao a na bane ni mate, ni karokoa naba tamami ma natimi, kaain rarikimi ao raoraomi nako.

Ieremia 7:20

Ao ngkai N nang kaiekaa Iuta Ngai ae te UEA ae Moan te M'aaka n uran uniu ni karokoa akea nikiran b'aai nako—ana akea aomata ke maan, ke taiani kainam'arake ke taian uita.

Ieremia 8:12

A na riai ni kamaamaaeaki i bukin aia bure aika a rangi n ribaaki, ma a bon aki roko n te bwerengaki. Ai ngaia are ngke I katuaaea Iuta, a na bane ni b'aka i aon te tano, ni mate kaanga aroia aomata ni kabane.

B'aeb'aeti 3:60

Ko bon atai aia iango ni kakam'arua nako iu.

B'aeb'aeti 3:61

Eng, Ko bon atai aia m'akuri ni kamatauninga ao aia iango nako aika buakaka.

Ruka 21:22

B'a aei te tai are E na karawawataki iai Iteraera iroun te Atua, b'a e na kakoroaki nanon are koreaki n te B'aib'ara.

I-Rom 2:5

Ma ngkai a matoatoa nanomi n rawa ni kani kaetaki, ao kam kaikoa te un nakoimi nakon te bong are e na kaotaki iai unin te Atua ma ana motiki-taeka ae eti.