Ieremia 18:19 - Te B'aib'ara

¹⁹ Taiaoka te UEA, kaekaa au tataro. Katokiia au kairiribai man kabuakakaau.

Ieremia 18:19 Iomraidhean Croise

2.Uea 19:16

Ma Ko na tii taraa ana m'akuri Tennakeriba ni kakaewenakoko, ngkoe ae te Atua ae Ko maiu.

Neemia 6:9

A kataia ara kairiribai ni kakamaakuira ma ni kataia ni katokiira man ara m'akuri. Ma I buubutiia te Atua b'a e na anganai te korakora.

Taian Areru 109:28

Aia b'ai te karereanti, ma am b'ai te kakab'aia. A bia konaaki aoia aiau, ngkana ana ewekai ao ngai ae am Toro, I bia kukurei!

Taian Areru 109:4

A kabuakakaai, e boni ngae ngke I tangiriia ao I tatataro i bukiia.

Ieremia 18:18

A taku aomata tabeman, “Ti a katiaa taekan Ieremia! Bon iai ibonga n taai nako ike a konaa n reireiniira ana Tua te Atua, ao ai uana naba ma aomata ake a rabakau b'a a konaa n anganiira taeka n reirei, ao burabeti b'a a konaa n anganiira ana rongorongo te UEA. Ma ngaia are, ti na aki manga ongo i roun Ieremia, ma ti na bukinna n te bure.”

Ieremia 18:20

I kataia ni buokiia, ma a manga kabooa mwiina ni kena te m'anono ni kam'ane i buku. I bon butiiko naba b'a Ko na aki katuaaia.

Ieremia 20:12

Te UEA ae Moan te M'aaka, Ko kataia akana a karaoa ae e raoiroi, ao Ko atai naano ao iango ni kabane. I a tia n tuangko ngurengureu nako, ngaia ae N na matakuakiniko ngkana Ko a irataangau nako ia au kairiribai nako.

B'aeb'aeti 3:59

Te UEA, Ko nooriia ngke a akiakonai, ma ngaia are, Ko na kaeti b'aai nako.

Mika 7:8

Bon akea uaan ngareakinara irouia ara kairiribai. Ti a tia ni konaaki irouia, ma ti na manga tokanikai. Ti mena n te rootongitong ngkai, ma E na anganiira te oota te UEA.