Ieremia 18:18 - Te B'aib'ara

¹⁸ A taku aomata tabeman, “Ti a katiaa taekan Ieremia! Bon iai ibonga n taai nako ike a konaa n reireiniira ana Tua te Atua, ao ai uana naba ma aomata ake a rabakau b'a a konaa n anganiira taeka n reirei, ao burabeti b'a a konaa n anganiira ana rongorongo te UEA. Ma ngaia are, ti na aki manga ongo i roun Ieremia, ma ti na bukinna n te bure.”

Ieremia 18:18 Iomraidhean Croise

2.Tamuera 15:31

Ao e tuanga Tawita temanna ni kaangai, “E buoka Abetarom Aitobera ni baairea aron tiringakim!” E taku Tawita, “Taiaoka te UEA tai kam'akura ana babaire Aitobera!”

2.Tamuera 17:14

Ao a kukurei riki Abetarom ma aomata nako n ana iango Utiai nakon ana iango Aitobera. E riki aei b'a E karaoa ana iango Aitobera te UEA b'a e na aki b'ai b'a e aonga n reke te kangaanga nakon Abetarom.

1.Uea 22:24

Ao e keerake Tetekia nakon Mikaia ao e orea ubuna ao e titirakinna ni kaangai, “N na am iango E ti taetae te UEA nakoim ao E aki taetae nako iu?”

2.Rongorongo 24:21

E m'aninga Ioati ae bon te rao ae e a tia n rangi ni kakaonimaki taman Tekaria. Ma ngaia are, ngke a iangoa tiringakin Tekaria kaain Iuta, ao e bon raoniia naba Ioati ma n anga taiani babaaire b'a e na kareaki n atiibu ni karokoa matena i nanon katawanangin te Tembora.

Iobi 5:13

ao E karaoia aomata aika rabakau b'a a na m'ane ni bon oin aia babaire n te aro are e aki koro bukin te b'ai teuana ae a karaoia;

Taian Areru 21:11

Ngkana a karioi aia babaire aika bubuaka n ekianako, Ao a na aki nako raoi.

Taian Areru 52:2

Ko karioi iango aika a na uru aroia tem'angina; Ai aron te m'ariro ae kakang newem; Ko aki toki ni karioi taeka ni kewe.

Taian Areru 57:4

A otab'aniniai taan ribaai aika ai aroia raian aika kaakang aomata; Wiia ai aroni kaai ni katebe ma kanoaia, ao neweia ai aroni kabaang aika kakang rewarewa.

Taian Areru 64:3

A riki aia taeka b'a kanga kabaang aika a kakangii raoi; Ao a bakarere nako aia taeka ni kamaraki nano b'a kanga ai aroni kanoani kainikatebe.

Taeka n Rabakau 18:21

E konaa ni karekea te mate ke te maiu taian taeka! Kaub'arantiko, ao ane kam na manga kang am taeka ni kabane ake kam atong.

Itaia 32:7

A taekina te kewe aomata aika a iowawa a karaoi m'akuri aika a buakaka, ao a karaoi babaaire aika a iowawa ao a tiringiia aika a maiu ni kainano ao a tangira buokaia, ngkana a buubuti i bukin te eti.

Ieremia 1:19

Ane a na buakaniko ma a na aki tokanikai. Bon aei au taeka Ngai ae te UEA A na bon aki konaa n tiringko.

Ieremia 11:19

Ma E tuangai te UEA b'a a tia n iaiangoa koreau ni kab'akaaki kaanga te aroka uaana ma b'aina ni kabane b'a e aonga n ae akea ae e na manga konaa ni manga ururingai riki.

Ieremia 18:11

Ma ngaia are, kam na ongo irou, ngkami aika kaain Iuta ao Ierutarem! I a tia n iangoia b'a N na oroingkami n te kabuanib'ai, ao N na aki manga bita nanou ni karokoa kam katoka ami bure ma ni moana maiumi ae e raoiroi.

Ieremia 18:19

Taiaoka te UEA, kaekaa au tataro. Katokiia au kairiribai man kabuakakaau.

Ieremia 2:8

A aki kan ataai taian ibonga ake a reireiniia aomata au tua nako. A kakaitaraai ami taani kairiiri; ao ami burabeti a tataekina ana taeka B'aara ao a taromauriia atua ni kewe.

Ieremia 20:10

I ongo aia maningongoo aomata ae e kaangai, “A bane ni maaku aomata nako. Ara tai ngkai ni bukina Ieremia!” Akea te b'ai riki ae a karaoia raoraou ake I tataneiai ma ngaiia b'a ti tataningaan b'akau. A taku, “Tao e na bon konaa ni kam'aneaki Ieremia. Ao i mwiina, ti kab'aka ao e na booraoi arora ma ngaia rimwi.”

Ieremia 26:11

Ao ngke a tabe n ongora, ao a roko ibonga ma burabeti ao a taku, “Kam bon bane n ongo ana taetae ni burabeti Ieremia ngke e taku b'a e na uruaki Ierutarem. E bon riai tiringakina.”

Ieremia 37:13

Ao I kiitana Ierutarem man te Mataroa are Beniamin, ao ngke I katokaki i roun Iriia, te aobitia are e tararuaia tautia ake a mena n te mataroa. Ao e taku, “Ieremia, ko na katikaki i bukina ngkai ko kataia n raoniia kaain B'aburon.”

Ieremia 43:2

Ma a taku nako iu Ataria, Ioanan ao tabeman mm'aane aika a kainikatonga, “Ko kewe! E bon aki tuangko te UEA b'a ti na aki nako Aikubita.

Ieremia 44:16

Ieremia ti bon aki tabe ngkana ko taetae n aran te UEA. Ti na bon aki kan ongo!

Ieremia 44:17

Ti a tia n berita b'a ti na taromauria te anti are Nei Atiterota, are te Ueanaine i Karawa, ao bon anne raoi te b'ai ae ti na karaoia. Ti na kabuoka te b'ai ni kaboiarara nakoina ao n anga te karea are te wain nakoina, n arora, ma ara bakatibu, ao ara taani kairiiri ngke ti maeka ngkoa i Ierutarem ao kaawan Iuta nako. A a bon rangi ni m'aiti karara. Ti a maiu ni kaub'ai, ao bon akea te b'ai teuana ae e buakaka ae a tia n riki nakoira.

Ieremia 8:8

Kam taku, “Ti bon wanawana b'a iai taeka n reirei ao ana tua te UEA.” Ma I taku b'a a tia n rairi Au taeka ami tia reirei nakon taiani kewe!

B'aeb'aeti 3:62

A buaka ni kabongnga n te taeka ma te maningongoo.

Etekiera 7:26

Ane a na okioki te waaki aei, ao ane kam na ongo te rongorongo ae e aki kakukurei. A na buubutia te burabeti aomata b'a e na kaongoraaia au rongorongo. A na toki ni kab'arab'araa au Tua ibonga, ao a na aki konaa naba n anga taeka n reirei taan iango.

Nakoaia Ibonga 10:11

Kam na riai n reireiniia Iteraera tuua ni kabane aika I a tia n anganingkami ri nanon Moote.”

Mika 3:6

“Ngkami aika burabeti e a roko tokin ami bong ni burabeti, e a bung taai i aomi. Kam a tia n aki kairiia raoi au Aomata. Kam na aki kona ni manga noori mii ni burabeti, ao kam na aki manga taetae ni burabeti.”

Mika 3:7

A na kamamaaeaki burabeti akana a taetae ni burabeti i bukin taai aika a na roko b'a a na aki koro bukin aia taetae ni burabeti. A na kamamaaeaki b'a E na aki kaekaia te Atua.

Maraki 2:7

Kam riai ngkami aika ibonga ni kakorakora nanomi n kabutaa nako te ataib'ai, ao a riai aomata nako ni kawaringkami i bukin reireiaia, i bukina b'a kam taetae ibuku, Ngai ae te UEA ae Moan te M'aaka.

Ruka 11:45

E kaeka te rooia temanna ao e kangai, “Te Tia Reirei, Ngkai Ko taekin am taeka akanne ao Ko kabuakakaira naba iai.”

Ioane 9:40

A ongo ana taeka Iesu B'aritaio tabeman ake a kaani ma Ngaia, ao a titirakinna ni kaangai, “Ao ngaira, ti matakii naba?”