Ieremia 18:17 - Te B'aib'ara

¹⁷ N na kamaenakoingkami kaanga bubun aontano ae e ukaki nako n angin mainiku, ngkana a buakaningkami ami kairiribai. Ao i mwiina, N na anga nuukau nako imi i nanon bongin te kabuanib'ai anne.

Ieremia 18:17 Iomraidhean Croise

Iobi 27:21

e na iribiia nako te ang mainiku man aia auti;

Taian Areru 48:7

Kanga ai aroia kaibuke ake a uruaki n te ang ae e rangi ni matoatoa karena.

Taeka n Rabakau 24:16

E ngae ngkana b'aka aomata aika a raoiroi itiua te tai, ana manga bon teirake naba, ma ngkana e oreaki te aomata ae e buakaka n te kabuanib'ai ao ai bon anne naba tokina.

Ieremia 13:24

N na kamaaenakoingkami, kaanga aron angin te rereua ngkana e uka nako kunin te uita ni kakibarakea nako eta.

Ieremia 2:27

ngkoe ma am uea, am ibonga ma am burabeti b'a kaanga ai aron ae ngaiia ngkoa aika a karikingkami ma n anganingkami te maiu. Kam katinanikuai ma ngkana kam reke n te kangaanga, ao kam tang nako iu i bukin buokami.

Ieremia 32:33

A tinanikuai; e ngae ngke I teimatoa n reireiniia, a bon aki kan ongo ke n reireiniia aroia ae e raoiroi.

Ieremia 46:21

Ane a na rairaki ni biri, aia tautia ianena aika a kabooaki. Ma a reke n te kabuanib'ai, kaanga taian kao ataei aika a kamarikaaki raoi aika a kairaki nakon te tia tiringa te tiibu.

Etekiera 27:26

ao e borau i nanoni marawa, ma ko taerake n te angmainiku ae e nene.

Etekiera 7:22

Ane a na ninia au Tembora ma ni katikua b'a te tabo ae e aki tau i bukin taromauriau, ma N na bon tannako b'a e na bon aoria n riki anne nako ia.

Otea 13:15

E aoria ngkana kam kakab'aia riki nakoia baronga ake tekorakina, N na kamaunaa nakoko Ngai ae te UEA, kaanga aron te ang ae kabuebue ae kam'aua te karaanga n ran. N na uoti nako kaub'aimi aika a tamaroa.

Te Tua-Kaua 28:25

E na kakonaakingkami te UEA irouia ami kairiribai, ao kam na uamaae nakon taabo nako. Kam na riki b'a kamarakan mataia botannaomata tabeua ngkana a nooringkami,

Te Tua-Kaua 28:64

Ao ngkami aika kam aika reke maiumi kam na manga maenako nakon botannaomata tabeua i aon te aonnaba, ao ane kam na imanonoaki b'a kam na taromauri taian atiibu ao taian bouananti aika taiani kai aika a bon tuai buokingkami ke ni buokiia ami bakatibu.

Te Tua-Kaua 31:17

ao ane N na rangi n un, ao N na kiitaniia ma n aki kan ongo aia tataro. N na karokoa te kabuanib'ai ma te maraki irouia, ao ane a na kuri ni bane ni mate. Ao ni bon tokina, ane a na uringaaba, ao a na ataia b'a e roko te kabuanib'ai i bukina ngke I kitaniia.

Te Tua-Kaua 32:35

A na reke kaiia ara kairiribai n te tai ae aki maan ao ane a na karina ni marannako ao e na waekoa n taorimwiiaki n te kabuanib'ai ae korakora.