Ieremia 18:16 - Te B'aib'ara

¹⁶ Ane e na uruaki abami, ao a na bane akana ri rarikina n taraia ma te maaku ma ni katoutou atuuia.

Ieremia 18:16 Iomraidhean Croise

1.Uea 9:8

E na riki te Tembora aei b'a te b'ariko n atiibu. A na tiaoki akana a nakonako i rarikina, ao a na titiraki ni kaangai, E aera ngkai E karaoa te b'ai ae e kakamaaku aei nakoia ana Aomata ma ana Tembora?

2.Rongorongo 29:8

E rikirake ni korakora unin te UEA irouia kaain Iuta ma Ierutarem, ao a bane ni mimi aomata ma ni maaku n te b'ai are e karaoia ni katuaaia iai.

Taian Areru 109:25

Ngkana a norai au kairiribai, ao a taekin taeka aika buakaka a katoutou atuia ni kaenaena.

Taian Areru 22:7

A bane ni b'ainingareai akana norai: A kaenaenaai ni wiia, ao a katoutou atuia;

Taian Areru 44:14

Ko karikira b'a b'ainingare irouia botannaomata, Ao a ioioi atuia nakoira.

Itaia 37:22

Etekia, ko tataro nako iu i bukin Uean Aturia are Tennakeriba. Ao ngkai, aio te b'ai ae I taekinna nakon te uea anne: Aomatan Ierutarem a ribaiko mani kakanikoko; ao a ngareakiniko mai akuum.

Itaia 6:11

Ao i mwiina, I a titirakina te UEA ni kaangai, “A toki n ningai baikai?” Ao e kaeka te UEA: Ni karokoa a mauna nako aia kaawa nako ao a rereua aia auti, ni karokoa akea kanoan aia tawaana,

Ieremia 19:8

N na onika Ierutarem nakon te b'ariko ni m'akorokoro n atiibu, ao a na bane n tiaoki akana a rirarikina ma ni maaku ao a katoutoui atuiia.

Ieremia 25:9

ao ngkai N nang kanako ia botannaomata mai meang b'a a na buakaningkami, bon mai roun au toro are Nebukaneta mai B'aburon. Kam na uruanaki ngkami ma botannaomata akana i rarikimi nako ao kam na tiku n uruaki n aki toki. A na tiaoki aomata akana a noora aron uruakin ami kaawa, ma a na b'ainingarei ngkami.

Ieremia 29:18

N na ririmwiia n taiani buaka, te baki, ao taian aoraki, ao a na bane ni maaku botannaomata n te aonnaba n te b'ai ae a nooria. A na tiaoki ma ni maaku aomata nako ake I kamaaenikuniia nako buakoia n te b'ai are e riki nako ia. Ane a na b'ainingareaki irouia aomata ao a na kamanenaaki araia b'a te kamaraia.

Ieremia 42:18

I un Ngai ae te UEA irouia kaain Ierutarem ao I katuaaia. Ngkana kam nako Aikubita, ao N na bon un ao N na katuaaingkami n te aro naba anne. Kam na bon aki manga noora abami. Ane a na maaku aomata n te b'ai ae N nang karaoia nako imi, ao ane a na kabonganaa aran ami kaawa ae e buubura aei b'a te taeka ni kamaraia.

Ieremia 44:12

Bon ti tabeman ake a tangiria n tiku i Iuta, ao ngkami kam tangiria n nako Aikubita. Ma ane kam na mate n te mate ae e kakamaaku n te buaka ke te baki, n te aro are a na kamanenaa aran Iuta aomata tabem'aang b'a te taeka ni karereanti.

Ieremia 48:27

Kam b'ainingareia Au aomata ao kam karaoia b'a kaanga buure aika a reke ni karaoa te m'akuri.

Ieremia 49:13

Boni Ngai ae te UEA ae I tuea ni bon arau b'a oin ami kaawa ae Botira ao ami kaawa ni kabane a na bane n karawaawataaki ni katauakiia ae e kakamaaku. A na wene n uruaki n aki totoki, ao aomata ana kabongana te ara ae “Botira” b'a te taeka ni kamaraia

Ieremia 49:17

Ane a na tiaoki akana i rarikin abam ao a na maaku ngkana a noora te kabuanib'ai

Ieremia 50:13

E na urua B'aburon uniu, ao bon akea ae e konaa ni maiu ikekei. A na bane aika a rirarikim n tiaoki ngkana a noora te b'ai ae e a tia n riki.

Ieremia 51:37

E na riki B'aburon b'a te b'ariko n atiibu aika a maaerikiriki ike ti taian tiakaore aika a maeka iai. Ane a na ngare aomata, ma a na aki maaku n nakonako i buakon b'aina aika a uruaki.

Ieremia 51:43

E na oroi kaawa akana a uakaan te urub'ai ae e kakamaaku. E na riki te aba b'a te rereua ae akea kain aona, ike akea ae e konaa ni maiu iai ke ni m'ananga iai.

Ieremia 9:11

Ao I ongo ana kaeka te UEA, “Ngkana e tia Au m'akuri, ao e na riki Ierutarem ao kaawan nako Iuta b'a b'ariko ni b'ai aika a uruaki ike ti taian tiakaore aika a maeka iai.”

B'aeb'aeti 1:12

E tang nakoia ake a ri rarikina, “Bon akea katotongan te rawaawata ae irou, ae E anganai te UEA b'a oreau.”

Etekiera 12:19

Tuangiia Iteraera b'a bon Ngai ae te UEA ae I taekinna b'a e na roko te bong are a na bane n ruru iai kaain Ierutarem ngkana a am'arake ao ngkana a mooi. E na uruakaki abaia ao a na akea kaaina, i bukina ngke a tia n iowawa ao n tiritiri.

Etekiera 27:36

A aki konaa ni kakoauaa taan iokinib'ai nako n te aonnaba n te b'ai ae a tia n riki. E kakamaaku matem, ao ko a nako n aki manga oki.”

Etekiera 36:3

A uruaningkami ma ni kamanatuaingkami man itera ni kabane, ao a kataenikaingkami aia botannaomata ianena ao a b'ainingareingkami.

Etekiera 6:14

N na karika abaia b'a te aba ae akea manenan kain aona, ni moa man Rereuan Maiaki nakon te kaawa are Ribera i meaang. Ao ane a na ataai bon Ngai ae te UEA ae I karaoi b'aai aikai.

Nakoaia Ibonga 26:32

E na rangi ni kananoanga abami n te aro ae ami kairiribai naba ake a maeka iai a na rangi ni kubanako ngkana a nooria.

Nakoaia Ibonga 26:43

ao N na kamotirawaa n te tai are kam mena iai n te aba n iruwa, ao kam na kab'aka boon aroaromi ni kakatei nako Iu ma au tua nako.

Mika 6:16

E na riki aei nakoim i bukina ngke ko katotoong ana m'akuri te uea are Omri, ma natina naba are te uea are Aaba. Ko reitanako aia m'akuri, ma ngaia are, N na uruko, ao a na bane ni kakeaa manenam aomata nako. Bon akea temanna ae e na karineko.

Mataio 27:39

Ao aomata ake a rikekei a taetae n iowawa nako Ina, ao a kaenaena

Mareko 15:29

Ao a taetae n iowawa nako Ina aomata ake a ri rarikina, ao a katoutou atuia ni kaenaena, ao a kangai, “E! Ngkoe ae Ko nang urua te um'antabu ao Ko na manga kateia i nanon tenibong,

Te Tua-Kaua 28:59

ao ane E na katuaaingkami ma kanoami n te aoraki ae akea b'ainaorakiana,

Te Tua-Kaua 29:23

b'a e a riki b'a te rereua ae rangi ni kabuebue ae taari aona ni kabane, ao te bubu ae m'auteretere, ao akea te aroka ae e kona ni unikaki iai, akea te aroka ae kona ni bwebwee iai, ao bon akea naba te aroka ae e kona ni maiu iai. A na riki abami b'a kaanga aron maten aaba ake i rarikin kaawa ake a buubura ake Tootom, Komora, Atema, ao Teboiim i mwiin unin te UEA irouia ao E kamaunaia.