Ieremia 18:13 - Te B'aib'ara

¹³ Ma ngaia are, I tuangkami Ngai ae te UEA b'a kam na titirakiniia botannaomata nako, b'a a tia n ongongo karaoan te bure ae moan te kakamaaku n aron ae kam a tia ni karaoia ke a tuai.

Ieremia 18:13 Iomraidhean Croise

Itaia 36:22

Ma ngaia are, a raeuai aia kunnikai ni kaota nanokawakiia ao a taekin b'aai ni kabane nakon Etekia ake e taekin te mataniwi ni buaka.

Itaia 66:8

Antai ae e a tia n ongongo aei ke n iangoia b'a e konaa n riki? E konaa ni bungiaki te botannaomata n ti te bongina? ke ni manga maiu i nanon teuana te teekan? Bon ti te bo Ierutarem ma te tina ae e bungiia natina i nanon te tai are e mamaraki iai.

Ieremia 14:17

Ieremia, naako tuangiia aomata am namakin i aon te b'ai aei. Ma ngaia are, I tuangiia ni kaangai: “E na taonako rannimatau n te ngaina ma te bong, i bukina b'a a mate au botannaomata n te ikoaki ae e korakora.

Ieremia 18:14

E a tia n rannako te tinoo are i aon maungan Reb'anon, ao a aki konaa ni m'autakataka taian karaanga n ran ikekei.

Ieremia 23:14

Ao kam rangi ni buakaka riki ngkami burabetin Ierutarem. Kam aki kakaonimaki nakon tuan ami mare ao kam aki konaa n taekina te koaua. Ao kam bon kairiia naba tabem'aang nakon te bure ngke kam bon riai ni buokiia ni kaokiia nako iu. Ngkami ma kaain Ierutarem ti te bo ami m'akuri aika a buakaka ma Totom ao Komora.

Ieremia 31:4

Kam rangi ni kakaawaki irou, ai ngaia are, N na manga katea ami botannaomata. Kam na manga b'ab'atere ni kukurei ma ni katangitang n taian timbere.

Ieremia 5:30

Ani bon noori b'aai aika a kakamaaku aika a riki i nanon te aba aei. I tiaoki!

B'aeb'aeti 1:15

E ngareakiniia ni kabane au tautia aika a korakora te UEA; E kanakoa te taanga ni buaka b'a a na tiringiia au rorobuaka. E kamanatuaia au aomata n ai aron te kureebe n te tabo n toutou kureebe.

Otea 6:10

I a tia n noori b'aai aika a kakamaaku i nanon Iteraera kam aki kakaonimaki ao kam aki tau i bukin taromauriau.

Amota 5:1

Kam na ongora, Iteraera, nakon te kuna n rainanoanga ae I aneneia nakoimi:

Amota 5:2

E a tia ni b'aka te ataeinaine ae Iteraera, E aki manga teirake riki! E wene ni kitanaki i aontano, Ao akea ae e na buokia ni kateirakea.

1.I-Korinto 5:1

A taku aomata b'a bon iai te wene ni bure i buakomi, ae te aeka ni wene ni bure ae akea n ai arona i buakoia aomata aika tiaki I-Iutaia b'a e buuna buun tamana te aomata.

1.Tamuera 4:7

ao a ruru ni maaku n te aro kaanga a mate ao a taku, E a roko te atua n aia kaemb'a. Ti a bon reke n te kangaanga ngkai. E bon tuai man reke te aro aei nako ira mai m'aaina.