Ieremia 18:11 - Te B'aib'ara

¹¹ Ma ngaia are, kam na ongo irou, ngkami aika kaain Iuta ao Ierutarem! I a tia n iangoia b'a N na oroingkami n te kabuanib'ai, ao N na aki manga bita nanou ni karokoa kam katoka ami bure ma ni moana maiumi ae e raoiroi.

Ieremia 18:11 Iomraidhean Croise

Karikani B'aai 11:7

Ti na ruorikaaki ngkai ni kaminoa aia taetae b'a aonga n aki atai nanon aia karaki i bon irouia.”

1.Uea 22:23

Bon aei te b'ai ae e riki Aaba. E karaoia am burabeti ni kabane b'a a na keweiko, ao E ataia b'a ko nang mate n te tai ae e waekoa.

2.Uea 17:13

Ma ngaia are, E tuangiia burabeti te UEA b'a a na bon riai ni kauringiia Iteraera ao Iuta n taeka aikai, Boni Ngai ae te UEA, ao I tuangkami b'a kam na katoka karaoan taiani bure, ma ni manga moana te ongotaeka nakon Au tua ma au reirei. I anganiia ngkoa ami bakatibu, ao I a manga tuangiia Au taani m'akuri ake burabeti b'a a na manga kaoki n taekini nakoimi.

2.Uea 22:13

E a bon rangi n un te UEA irou ao kaain Iuta ni kabane, b'a a tia ara bakatibu n aki iri nanon taian tua aika a koreaki i nanon te boki aei. Naako kakaea te b'ai ae E tangiria te UEA b'a ti na karaoia.

2.Uea 5:5

ao e taku te uea, “Naako kawaria. N na anganiko te reta ae ko na uotia n angan uean Iteraera.” Ao e m'ananga Naaman, ao e uoti 340 te kirokuraem te tirewa, 68 te kirokuraem te koora, ao 10 taiani kunnikai aika a boou.

Itaia 5:5

Ao ngkai N na tuangko b'a tera ae N nang karaoia. N nang korei aroka ake oona ao N na kab'akai atiibu. E na toubekaaki au nne n aroka ni kureebe ma n tiku n uruaki.

Itaia 57:1

A uaakinaki nako ma n tiringaki ana Aomata te Atua aika a kakaonimaki, ao bon akea temanna ae e tabe iai. A kamaunaaki n te buakaka,

Ieremia 11:11

Aio te b'ai ae baaireia b'a e na karaoia. N na karokoa te rawaawata i aoia kaain Iuta ao Ierutarem, ao e na akea ae e na reke birinakona. Ane a na buubutiai buokaia ma N na aki ongo aia tataro.

Ieremia 11:19

Ma E tuangai te UEA b'a a tia n iaiangoa koreau ni kab'akaaki kaanga te aroka uaana ma b'aina ni kabane b'a e aonga n ae akea ae e na manga konaa ni manga ururingai riki.

Ieremia 18:18

A taku aomata tabeman, “Ti a katiaa taekan Ieremia! Bon iai ibonga n taai nako ike a konaa n reireiniira ana Tua te Atua, ao ai uana naba ma aomata ake a rabakau b'a a konaa n anganiira taeka n reirei, ao burabeti b'a a konaa n anganiira ana rongorongo te UEA. Ma ngaia are, ti na aki manga ongo i roun Ieremia, ma ti na bukinna n te bure.”

Ieremia 19:15

“Kakauongo aomata ni kabane! N taai tabeua aika a tia n nako, E kauringngkami te UEA ae Moan te M'aaka, ae Atuan Iteraera b'a E na karokoa te kabuanib'ai i aon Ierutarem ao kaawa ni kabane aika a uarereke akana a kaan i rarikina. Ma kam taningabono ao kam rawa n ongo. Ao ngkai E nang karokoa te kabuanib'ai te UEA are E a tia ni berita iai.”

Ieremia 19:3

Bon te UEA Ngai ae Moan te M'aaka, ae Atuan Iteraera, ao kam riai ni kakauongo raoi ngkami aika uean Iuta ma kaain Ierutarem. N na karokoa te kangaanga ae moan te korakora i aon te m'arua aei n te aro are a na tiaoki akana a ongo taekana.

Ieremia 25:2

Ao I taku nako ia kaain Iuta ma Ierutarem,

Ieremia 25:5

A a tuangkami te b'ai are e taekinna te UEA: Bita maiumi! Ngkana kam katoka karaoan te buakaka, ao N na katikuingkami n te aba aei are I anganiia ami bakatibu n akea tokina.

Ieremia 26:13

Kam na riai ni bita aroni maiumi ma b'aai aika kam karaoi, ao kam riai n ongotaeka i roun te UEA ae Atuara. Ngkana kam karaoa aei, ao ane E na bita nanona i bukin karokoan te kangaanga are e taekinna b'a e na karokoa i aomi.

Ieremia 26:3

Tuangiia Au taeka ae e kaangai:

Ieremia 3:1

E taku te UEA nako ia Iteraera: Ngkana e a manga mare te aine ae e raure ma buuna, e konaa are moan buuna ni manga mare riki ma ngaia? E aki, i bukina b'a e na kabuakaka aon te aba te baei. Ma a bon m'aiti riki antimi ngkami aika Iteraera nakon m'aitin ana tangira ainen mataawa. Ao N na kangaa ni manga kaokingkami?

Ieremia 3:22

N na kaangai nako ia, “Okirai, N na kamaiungkami man ami aki kakaonimaki.” Ao a kaeka ni kaangai, “Ti na okiriko, b'a bon ngkoe ara UEA ao Atuara.

Ieremia 35:15

Kam aki kan ongo irouia Au burabeti, aika a aki toki n taetae nako imi ni kaangai, “Katoka karaoan te m'akuri ae e buakaka ao taromauriaia anti tabem'aang! Moana ongotaekami i roun te UEA ao ane E na kamaiungkami n te aba aei are e anganiia ami bakatibu.”

Ieremia 36:3

ao warekia nako ia kaain Iuta. Tao e na toki iai karaoan te bure ngkana a ongo Au babaaire aika N nang karaoia nako ia. Ao ngkana a oki nako iu, N na kab'araa aia bure.”

Ieremia 36:7

E bono nanon te UEA, ao ngkana a ongo aomata arona ni katuaaia, ao tao a na bae ni buubuti kab'araan aia bure.

Ieremia 4:1

E taku te UEA: Ngkana kam bon tangiria n oki nako iu, ao iangoi aroia taian bouananti aika a ribaaki aikai.

Ieremia 4:14

Ma Ierutarem, e bon reke naba ami tai ni iangoi maiumi Teboki taiani bure mai nanomi ao katoka babaairean iango aika a bure,

Ieremia 4:23

I mwiin te bure aei, ao I taratara nako. Ao e wene te aonnaba n akea kanoana, akea nooran te maiu iai. A mauna taai ma nam'akaina, ao taian itoi.

Ieremia 4:6

kakioa Ierutarem, ke te kaawa teuana ae e nonoaki! tuangiia b'a I karokoa te kabuanib'ai mai meang.

Ieremia 51:11

Boni Ngai ae te UEA, ae I tangira B'aburon b'a e na kamaunaaki, i bukina ngke a urua au Tembora ana taanga ni buaka. Ma ngaia are, kam na kakangii ami kanoanikatebe ngkami aika uean Miria, ao anai ami otanga.

Ieremia 7:3

are Moan te M'aaka, ae Atuaia Iteraera: Kakauongo raoi, ngkami aika kaain Iuta! Bita maiumi ao maiuakina te raoiroi, ao i mwiina, N na kariaingkami b'a kam na maeka n oin abami.

Etekiera 13:22

A karaoi b'aai aika N na bon aki karaoi. A keweia aomata aika a raoiroi ao a kaungaia b'a a na karaoi m'akuri aika a kaairua, ao a anai nanoia aomata aika a buakaka b'a a na teimatoa ni karaoa te bure ma ni kaburei toroni maiuia.

Etekiera 18:23

I bon aki tangiria n tarataraia aomata aika a buakaka ngkana a mate. I tangiria b'a N na nooria n rairaki man aia bure nako ma ni maiu.

Iona 3:8

Ana bane aomata ma maan ni karin kunnikaia aika a mangaingai. Ana bane aomata ni kakorakoraia n tataro nakon te Atua, ao ni kaaki aroia aika a buakaka, ma m'akuri aika a aki raraoi.

Mika 2:3

Ma ngaia ae e taku te UEA, “I a tia ni baaireia b'a N na karokoa te kanganga ae ab'ab'aki i aom, are ko na bon aki birinako mai iai. Ko na riai n ataia b'a e riki aei nakoim i bukin am kainikatonga. E na reke kaim, ao ane e na akea riki kakatongam.

Tekaria 1:3

Ma ngkana kam okirai, ao N na rairaki ni buokingkami.

M'akuri 26:20

ma I tuangiia moa I-Tamateko, ao rimwi I-Ierutarem ma I-Iutaia ni kabaneia, ma aomata naba ake tiaki I-Iutaia, b'a a na rairi nanoia n rairaki nakon te Atua, ao ni karaoi m'akuri aika a na kaotiia iai b'a a tia n rairi nanoia.

Iakobo 4:13

Ongora ngkai, ngkami akana kam kaangai, “N te bong aei ke ningabong, ao ti na nako n te kaawa arei b'a ti na tiku iai teuana te ririki ni wakina ara bitineti iai, ao ti na karekei rakan ara b'ai.”

Iakobo 5:1

Ongora ngkai, ngkami akana kam kaub'ai: kam na kanenei b'anaami n tang ni korakai i bukin aaro ni karawaawata aika nangi riki nakoimi.