Ieremia 18:10 - Te B'aib'ara

¹⁰ ma ngkana e a manga moana aki ongotaekana nako iu ma ni karaoa te buakaka, ao ane N na manga bita nanou ao N na aki manga oki ni buokiia.

Ieremia 18:10 Iomraidhean Croise

Taian Areru 125:5

Ma ngkana Ko kareke kaiia akana buakaka, ao e na kareke kaiia naba akana aki ira nanom. Tataro i bukin reken te rau i aoia Iteraera!

Etekiera 18:24

Ma ngkana a moana karaoan te bure aomata ma ni karaoi m'akuri aika a rangi n ribaaki, a na kamaiuaki? A na aki! E na m'aninga te aba taekan aia m'akuri aika a raoiroi aika a tia ni karaoi, ao a na tiringaki i bukin aia bure nako.

Etekiera 33:12

Ko na tuangiia b'a ngkana kam a manga moana karaoan te bure ngkami aika kam raoiroi, ao a na bon aki konaa ni kamaiuaki man aia raoiroi ake a tia ni karaoi n taai ake ngkoa ngkana a katuaaeaki. Ko na kauringiia b'a ngkana a katoka karaoan te bure aomata aika a buakaka, ao e na kab'araaki aia bure ake ngkoa, ao a na aki katuaaeaki.

Etekiera 33:18

Ngkana a manga moana karaoan te buakaka aomata aika a raoiroi, ao a na bon tiringaki i bukin aia bure.

Etekiera 45:20

E na karaoaki naba te bootaki ae aron anne ni kaitiuan bongin te nam'akaina, b'a a aonga ni kab'araaki aia bure aomata aika a bure n tiaki aia kaantaninga ke n te aro ae a aki ataia, ao e aonga n teimatoa n itiaki au Tembora.

Teb'ania 1:6

N na kamaunaia ake a tia n oki ma a aki irai, ake a aki nako iu man rawa n taubeakinaki Irou.

Warekaia Iteraera 14:22

ao I tuea b'a akea mai buakoia koraki aikai ae na noora te aba are I berita iai nakoia aia bakatibu b'a N na anganiia.

Warekaia Iteraera 14:23

A tia n noora m'aakau koraki aikai i Aikubita, ao n te rereua, ma a na bon aki noora Kanaan. A m'aiti aia tai n aki ongeaba nako Iu, ao ni kataai.

Warekaia Iteraera 14:34

N na boni karawawata tuaami ni katoabong i nanon abwi te ririki. Teuana te ririki i bukin teuana bongin tuoan ngkoa te aba arei.

1.Tamuera 13:13

Ao e taku Tamuera, “Bon te m'aan n nanobaba ae ko karaoia! Ko bon aki ongotaeka iroun te UEA ae Atuam. Ngke arona b'a ko ongotaeka i Rouna, ao e na teimatoa n riki b'a te uea kaain am utu i aoia Iteraera.

1.Tamuera 15:11

“E a tia ni katoka arona n ongotaeka Tauro nako Iu, ao I kab'ara Au bure ngkai I karikia b'a te uea.” E rangi n un Tamuera, ao e tang n onon man tataro nakon te UEA ni kangainaa

1.Tamuera 15:35

E ngae ngke e nanoanga Tauro Tamuera, ma e bon aki roko n te manga noora Tauro Tamuera. Ao E bon nanokawaki te UEA ngke E rinea Tauro b'a te uea.

1.Tamuera 2:30

Bon te UEA Ngai ae Atuaia Iteraera. I berita b'a n na teimatoa ni kariaia ami utu b'a a na m'akuri b'a ibonga, ma I tuangkami ngkai b'a bon akea riki te b'ai teuana ae I kona ni manga karaoia! I karineia aomata aika a karineai, ma I kamaraiaia akana a ribaai.