Ieremia 17:4 - Te B'aib'ara

⁴ E na bua te aba are I anganingkami ao N na karikingkami b'a tooro i abaia ianena, i bukina ngkai kam a tia ni kakorakoraa uniu kaanga te ai ae e aki konaa n toki urana.

Ieremia 17:4 Iomraidhean Croise

1.Uea 9:7

ao N na aki kamaekaia Iteraera n te aba ae I a tia n anganiia. N na kamaunaa te Tembora aei, are a tia n taku b'a nneu n taromauriaki. Ao ane a na taku botannaomata tabeua b'a tiaki te torongaki ni botannaomata te botannaomata aei, ao ane a na b'ainingareia.

2.Uea 25:21

i rarikin Amata, ike e a tiringiia iai Nebukaneta. A aki manga maeka n oin abaia kaain Iuta.

Neemia 9:28

Ma ngkana a mena i nanon te rau, a na manga rairaki ni kaaitarako, ao Ko na anga ngaiia nakoia aia kairiribai. Ao i mwiina, ane a na buubuti buokaia, ao Ko na kamaiuia n te tai teuana ma teuana i bukin korakoran am nanoanga.

Itaia 14:3

E na kainaomataingkami te UEA man nanokawakimi, rawawatami, ao tautoronakimi.

Itaia 30:33

N taai ake ngkoa iai te tabo ae e katauraoia te UEA i bukin kabuokakin rab'atan te uea ae e a mate. E nano nnen te ai ao e warebwerebwe, e b'aenaata te ati n rietaata, ao e na kauraa te ai te UEA ni kaotinakoa ikeikena ae te ai.

Itaia 5:25

Bon ana Aomata te UEA ngkami, ma kam a tia n rangi ni kaunna, ao e a oroingkami ni baina ae e m'aaka. A ruru taiani maunga, ao e onrake te kaawa ae e buubura n taiani mate kaanga taiani maange. E bon teimatoa naba n un te UEA, ao e tauraoi ni manga oroi riki ngkami.

Itaia 50:11

Rimoa ao nakonako n ootan te ai are ko a tia ni katauraoia. Ma e na bon oreiko ma ni katuuaeko ni bon oin baina.

Itaia 66:24

A na otinako au aomata ni kakaai rab'ataia ake a kakaitaraai. A aki konaa ni mate taian ino ikekei, ao e aki konaa n toki uran te ai, ao a na rangi n ribaaki taraan rab'ataia aomata aikai irouia aomata nako.

Ieremia 12:7

I tangiriia Au aomata ao I rineia b'a bon Au b'ai ni koaua. Ma ngkai N nang katinanikuia ma n anga ngaiia nako ia aia kairiribai nako.

Ieremia 15:14

Bon te ai uniu ae e aki konaa n tiringaki, Ma ngaia ae, N na karikingkami b'a aia toro ami kairiribai i abaia ianena.

Ieremia 16:13

Ma ngaia are, N na karenakoingkami nako nanon te aba are a aki ataia ami bakatibu, te tabo ike kam na taromauri iai anti tabem'aang n te bong ma te ngaina. Ao N na bon aki konaa n nanoangaingkami,

Ieremia 18:23

Ko ataia b'a a baairea aron tiringakiu. Ma ngaia are, Ko na un irouia ao Ko na katuaaia! Ko na aki manga kab'ara aia bure n aia bure aika a rangi ni kakamaaku.

Ieremia 2:14

Kaain Iteraera, kam aki bungiaki b'a tooro ngkami; ma kam a anaaki b'a taenikai.

Ieremia 21:12

Kam riai ni kakoaua raoi b'a kam karaoa te motikitaeka ae eti ni katoa te bong ae e boou, ma ni kamaiuia akana a tia ni kimoaaki. b'a i mwiina ao e na rikirake uran unu kaanga te ai ae e aki konaa n tiringaki.

Ieremia 22:28

Ieoiakin, ko aki tangiraki kaanga te b'aata te kaatiibu ae e a uruaki. Ma ngaia are, kam na tewenakoaki ngkoe ma natim nakon te aba ae ko tuai man ongongo ma ngkoa.

Ieremia 5:19

Ao ane a na titiraki akana a riki b'a nikira ni maiu ni kaangai, “E aera ngkai E karaoa te b'ai ae e kakamaaku aei te UEA ae te Atua nakoira?” Ao kam na tuangiia ni kaangai: Bon te UEA Ngai, ma kam a tia ni kiitanai n taromaurii anti tabem'aang ni bon oin abami. Ao ngkai kam na riki b'a tooro i abaia ianena.

Ieremia 5:29

Kam tangiria ni katuaaeaki, ma ngaia are, N na karaoa te karekekai.

Ieremia 7:20

Ao ngkai N nang kaiekaa Iuta Ngai ae te UEA ae Moan te M'aaka n uran uniu ni karokoa akea nikiran b'aai nako—ana akea aomata ke maan, ke taiani kainam'arake ke taian uita.

B'aeb'aeti 1:12

E tang nakoia ake a ri rarikina, “Bon akea katotongan te rawaawata ae irou, ae E anganai te UEA b'a oreau.”

B'aeb'aeti 5:2

A b'aini ara b'ai ianena; A maeka iruwa ni mwengara.

Etekiera 21:31

E na kab'atataingkami uniu n ai aron te ai, ao N na anga ngkami nakoia m'aane aika a iowawa aika a bane aroia n te tiritiri.

Etekiera 7:24

ma ngaia are, N na tuangiia botannaomata ake taiani kabanea ni buakaka b'a a na roko n anai mwengami. A na katoka te kainikatonga ane i nanon ami taanga ni buaka ae e korakora, ao a na karaoi ami tabo n taromauri b'a taabo aika a aki tau ni kamanenaaki.

Te Tua-Kaua 28:25

E na kakonaakingkami te UEA irouia ami kairiribai, ao kam na uamaae nakon taabo nako. Kam na riki b'a kamarakan mataia botannaomata tabeua ngkana a nooringkami,