Ieremia 17:3 - Te B'aib'ara

³ Ma ngaia are, N na anai ami b'ai ni kabane, n reitaki ma ami baonikarea nako, ma n anga ni kabane nako ia ami kairiribai.

Ieremia 17:3 Iomraidhean Croise

2.Uea 24:13

E a tia te UEA ni kauringnga b'a n te tai teuana, ao e na roko anaakin taiani kaub'ai man ana bareti te uea ao man te Tembora, ni ikotaki ma taiani koora ake e karaoi Toromon i bukin te Tembora. Ao anne te b'ai are e tuangiia ana tautia Nebukaneta b'a a na karaoia.

Taian Areru 78:58

A rangi ni kauna te Atua i bukin ae a nako ni bangota ao a taromauri bouananti ake iai.

Itaia 27:9

Bon ti teuana te kawai ae e konaa iai ni kab'araaki iai ni kabane ana bure Iteraera: a riai ni kamaaenikuni atiibu nako ake aia baonikarea beekan ao aia tabo n taromauri.

Ieremia 12:12

A m'ananga n te kawai are e ri rarikin mataniwiin te rereua tautia ake taan tiritiri ao a buaka n taabo nako. Bon au kabaang ngaiia aika a tiritiri; ao bon akea temanna ae e konaa ni maiu irouia.

Ieremia 15:13

N na anganiia ami b'ai ni kabane i bukina b'a kam a tia ni bure n taabo nako i aon abami.

Ieremia 20:5

E na kaitiaka kaub'ain te uea ma n anai b'aai nako aika a kakaawaki mai Ierutarem.

Ieremia 21:13

Ierutarem, ko taratara nako mai aon tabukin te maunga n taraa aon taian m'arua ao ko taku b'a ko mano. Ma I un Ngai ae te UEA,

Ieremia 26:18

ngke e uea ngkoa te uea are Etekia i aon Iuta, ao e roko te burabeti are Mika man te kaawa are Moreteta ao e taku: “Bon aei Au taeka Ngai ae te UEA ae Moan te M'aaka, E na riai ni kamarauaki Ierutarem kaanga te tawaana, ma n tiku ni urubekebeke. E na onrake taiani maunga n taiani kai aika a kateketeke ike e tei iai ngkai te Tembora.

B'aeb'aeti 1:10

E a tia te UEA n tabuia ianena b'a a na aki rin n te Tembora, ma a bon noriia aia kairiribai ngke a rin iai. A rin ni iraei kaub'ain te Tembora.

Etekiera 16:39

I mwiin anne, N na anga ngkoe nakoia am tangira, ake a na kab'akai taabo nako ake ko aki toki ni wewene ni bure iai. A na anai am kunnikai ma am b'ai ni katamaroa, ao a na katikuko ma akea kunnikaim ao akea am b'ai.

Etekiera 23:46

Ma ngaia ae bon Ngai ae te UEA ae te Atua ae I taetae nakoia taari aika uoman aikai ni kaangai: N na ikotiia te koraki ni kakiriwe ae a na kabuakakaingkami ma ni kimoaingkami.

Etekiera 6:3

Kam na ongora, ngkami aika maunga ma tabuki ao taiani m'arua nako ma karaanga aika a uarereke! N nang kaitaraingkami Ngai ae te UEA ma ni kamanatuaingkami taabo ni bane ike a taromauriaki iai antiia ianena.

Nakoaia Ibonga 26:30

N na urui ami auti n taromauri nako, N na urui ni kab'akai ami bao n angakarea i bukin te boiarara, ao N na katokai rab'atami ngkae a mate i aon nako ami bouannanti. Ao kam na riribaaki i Rou.

Mika 3:12

Ao i bukim, e na kamarauaki Tion kaanga te tawaana, ao e na riki Ierutarem b'a b'ariko ni b'ai aika a uruaki, ao tabukin te Tembora, e na riki b'a te buakonikai.

Teb'ania 1:13

Ana kurib'aiaki kaub'aia, ao ana uruakaki mwengaia, ana bon aki kona ni maeka ni mwengaia aika a karaoi, ke n nim aia wain mani nnen arokaia kureebe.”