Ieremia 17:26 - Te B'aib'ara

²⁶ ao tekorakina a na roko ikai man kaawa aika a uarereke ake i rarikina nako, man kaawan nako Iuta ao Beniamin, man te aba are tabukibuki ao aaba ake a rinano ake i maeao, ao man Rereuan Maiaki. Ane a na uoti taian karea b'a kakukureiau ao i bukin kaaitauau, ao ai uana naba ma taian angab'ai ake te uita ao te b'ai ni kaboiarara.

Ieremia 17:26 Iomraidhean Croise

Etira 3:11

A neboa te UEA, ao a anga aia kaaitau n aia anene tekorakina i mwiin tekorakina: E raoiroi te UEA, E teimatoa n aki toki Ana tangira nakon Iteraera. Ao a bane n takaarua aomata ni kabane ma n neboneboa te UEA i bukina ngkai e a moanaki te m'akuri i aon aan te Tembora.

Taian Areru 107:22

A riai n angakarea ni katituaraoi, ao n anene ni kakatonga n tataekin ana m'akuri.

Taian Areru 116:17

N na anganiko te karea ae kaotan au katituaraoi nakoim, Ao N na tataro nakoim.

Taian Areru 66:13

N na uoti karea ni kabuokaki nakon am Auti; N na anganiko baike I a tia n atong n au taeka ni bau.

Itaia 58:13

Ma i m'aain anne, kam na riai moa ni karinea te Taabati ae kaanga ai aron kakukurein te bong n taromauri. Kam riai ni katoka karaoan ao tataekinan te b'ai ae kam tangiria ni karaoia n te bong ae e rine aei.

Ieremia 30:19

A na karineingkami ma n neboingkami botannaomata ake tabeua. A na kaonaki mwengami irouia ataei, ao kam na bukamaru, ma n anene n neboai.

Ieremia 32:44

Ma a na roko boong, are a na kabanei iai aia tirewa aomata ni kabooi iai tawaana n taabo nako—i abaia kaain Beniamin, n te aono are i rarikin Ierutarem ao kaawan nako Iuta, ao n te aba are e tabukibuki, ao n aaba ake a rinano ake i maeao, ao n Rereua ake i Maiaki. A na riki taani kaboob'ai ma taani kaboonako b'aai ao taani kakoaua b'a ngaia aika a na tiainaa ao ni kanikinaea te beeb'a i bukin kaboonakoan te tawaana, i bukina ngkai N nang kaoka te aba aei nako ia Au aomata. Bon aei Au taeka Ngai ae te UEA.

Ieremia 33:11

b'anaan te kukurei ao karongoaan taiani bootaki ni kukurei ma taiani baka ni mare. Ao ngkana a rin n au Tembora b'a a na anga karea i bukin kakukureiau, ao ko na ongo ae e kaangai irouia: “Ti neboiko, te UEA ae Moan te M'aaka! Ko karaoa ae e raoiroi nakoira, ao e bon aki konaa ni matebuaka Am tangira.” E na manga okira arona te aba ni kariki uaa.

Ieremia 33:13

Ni kaawan aaba ake a tabukibuki, aaba ake a rinano, ao Iuta Maiaki, i abaia kaain Beniamin, ni kaawa ake i rarikin Ierutarem, ao ni kaawan nako Iuta, a na manga warewareki aia tiibu taani kaawakintiibu. Bon aei au taeka Ngai ae te UEA.”

Tekaria 7:7

Bon ti te bo naba au rongorongo n te bong aei ma are I tuangiia burabeti ake mai m'aaina b'a a na taetae nakon Ierutarem ma kaawana nako ngkana e maiu raoi, ao ngkana e bane Iuta, n reitaki ma te Rereua are i Maiaki ao te aba are e tabukibuki, n onrake irouia aomata.

Ebera 13:15

Ma ngaia ae i nanon Iesu ao ti na tai toki n anga te karea ae karaoiroan te Atua, ae te karea ae ti anga ni wiira aika kaotiota onimakinan arana.

1.Betero 2:5

Ao ngkami naba kanga ai aron atibu aika maiu aika kabonganaki i bukini katean te Tembora n tamnei, ike kam na m'akuri iai b'a ibonga aika ana aomata te Atua, n anga karea n tamnei iroun Iesu Kristo.

Te Kaotioti 1:5

ao ami b'ai naba te akoi ma te raoi mairoun Iesu Kristo, are kakaonimaki, are te moa ni kamaiuaki mai buakoia maate are E manga uti mai buakoia maate, ao are aia Mataniwi uea i aonnaba. E tangirira, ao E kainaomataira man ara bure ni matena;