Ieremia 17:25 - Te B'aib'ara

²⁵ ao ane e na tautaekanaki n taai nako Ierutarem ma Iuta irouia uea aika man kanoan Tawita. Ane a na rin man mataroan te kaawa aikai te uea ma ana mataniwi i aon taian aoti ke i aon taiani kaanibuaka, ao a na raonaki irouia kaain Iuta ma Ierutarem. Ane a na maeka n taai nako aomata i Ierutarem,

Ieremia 17:25 Iomraidhean Croise

2.Tamuera 7:16

N na kakoauaa raoi b'a e na uea n taai nako temanna mai buakoia am kariki.

2.Tamuera 8:4

E kataenikaiia tengaa itibubua taan buaka mai aoia aoti Tawita ao uabwi te ngaa tautia ake a nakonako. E kataui naba kaa ni buaka, ma e urui ni kabane ma ti tebubua mai buakoia aika e katikui.

Te Otinako 12:14

Kam na bukamarua te bong aei b'a te bong ae te toa are kauringaakimi n te b'ai are E a tia n karaoia te UEA. Kam na kaakaraoia n taai nako ni boong aika a na roko.”

Itaia 9:7

E na aki tootoki m'aakana; e na akea tokin te raoi. E na tautaeka n abanuean Tawita ao e na kakorakoraa. E na tautaeka n taai nako ma te raoiroi ao te eti. E na bon kakoaua raoi te UEA ae Moan te M'aaka b'a a na koro nanon baikai.

Ieremia 13:13

Ao i mwiina, e taku nako ia: Bon te UEA Ngai, ao te b'ai ae N nang karaoia bon te b'ai ae e na karikiia kaain Iuta ma Ierutarem b'a aomata aika a onrake n te wain. Aika a na rangi ni buakaka riki mai buakoia bon taian uea ake kanoan Tawita ao ibonga ma burabeti.

Ieremia 22:2

E tuangai te UEA b'a N na kaangai: Bon te UEA Ngai ma ngaia ae kam na kakauongo raoi! Kam a tia ni kariaia aomata b'a a na kewe, ma ni kimoa, ao n aonikaia aine aika a tia ni mate buuia, ataei aika akea aia karo, ao iruwa aika a maiu ikai.

Ieremia 22:30

Kamaunaa araia natin nako Ieoiakin man te utu n uea. E a aki tau, ao akea naba temanna ae e na manga uea. Bon aio au taeka Ngai te UEA.

Ieremia 22:4

A na teimatoa n tautaekana Iuta ma te bareti aei uea man ana utu Tawita ngkana kam ongotaeka i Rou. Ane a na waaki n rin ao n otinako ngaiia ma aia mataniwi i aon aia aoti ke aia kaanibuaka.

Ieremia 25:5

A a tuangkami te b'ai are e taekinna te UEA: Bita maiumi! Ngkana kam katoka karaoan te buakaka, ao N na katikuingkami n te aba aei are I anganiia ami bakatibu n akea tokina.

Ieremia 33:15

I berita b'a e na roko te bong anne ngkana I rinea te uea man ana utu Tawita, ae te uea ae e na karaoa ae e raoiroi ao e na tautaeka ma te eti.

Ieremia 33:17

E na nako uean Iteraera man ana kariki Tawita,

Ieremia 33:21

ao kam aki konaa n urua te boraraoi ae I a tia ni karaoia ma ana utu Tawita, ibonga man kanoan Rewi ake a m'akuri n te baonikarea. A na tautaeka n taai nako ana kariki Tawita ma ni uea i aon Iteraera,

Ieremia 7:3

are Moan te M'aaka, ae Atuaia Iteraera: Kakauongo raoi, ngkami aika kaain Iuta! Bita maiumi ao maiuakina te raoiroi, ao i mwiina, N na kariaingkami b'a kam na maeka n oin abami.

Ieremia 7:7

Ao i mwiina, N na kakukureingkami ni maiu n te aba aei ae I anganiia ami bakatibu.

Te Tua-Kaua 17:16

E na aki riai ni m'aiti ana aoti te uea, ma ai moaraara riki taian aoti mai Aikubita. B'a E taku te UEA b'a akea ae na manga okira riki Aikubita.

Ebera 12:22

Ma kam kaania te maunga are Tion ma ana kawa te Atua ae maiu, are Ierutarem are i karawa, ma anera aika ngaa ma ngaa,

1.Tamuera 8:11

Ngkana e reke ami uea, ao aio arona ae na karaoia nako imi. Ane na imanonoia natimi m'aane b'a a na kaaina te taanga ni buaka. Ao ane a na toka i aon taiani kanibuaka ake a katikitikaki irouia aoti, ao tabeman ane a na kaaina te taanga ni buaka ake a buaka i aoia taian aoti, ao tabeman a na biribiri i m'aain taiani kanibuaka ake a katikitikaki i rouia aoti.