Ieremia 17:2 - Te B'aib'ara

² A a tia ni katei taian baonikarea ni beekan te roro teuana i mwiin te roro teuana ao a taromauriia te anti are Nei Atera n taabo nako i aon abami, i aon taian tabuki ao taiani maunga, ao i aan aroka aika a korakora.

Ieremia 17:2 Iomraidhean Croise

2.Rongorongo 24:18

Ni bon te tai arei, ao a katoka taromauriia n ana Tembora te UEA ae te Atua kaain Iuta, ao a moana taromauriaia taian bouannanti ao bannan te anti are Nei Atera. Aikai m'akuri aika a buakaka aika e rangi n un iai te UEA ae te Atua irouia kaain Iuta ao Ierutarem,

2.Rongorongo 33:19

A m'aiti rongorongon Manate are e koroia Otai, n reitaki ma ana tataro ao kaekaana iroun te Atua. Ma e koroi naba ana m'akuri Manate aika a buakaka Otai i m'aain are e okira te Atua, ai uana naba ma aran taabo ake e katei iai taian bouannanti Manate, ao taabo naba ake e katei iai baangotan te aba ao taabo n taromauri i bukin Nei Atera.

2.Rongorongo 33:3

E katei baangotan te aba ake e a tia n urua tamana are Etekia. E karaoa te bouannanti i bukin te anti are Baara ao e katea te boua are e tabu i bukin taromaurian te anti te aine are Nei Atera ao e kakaonimaki n taromauri taian itoi i karawa.

Taian Areru 78:58

A rangi ni kauna te Atua i bukin ae a nako ni bangota ao a taromauri bouananti ake iai.

Te Otinako 34:13

Kam na onea mwiin anne n urua aia baonikarea ma ni kamaeei taian boua ake a tabu

Itaia 1:29

Kam na mamaa n te buakonikai ae e uarereke are kam taataromauri iai taiani bouannanti.

Itaia 17:8

A tia ni karaoi taiani baonikarea i bukin kabuokan taiani b'ai ni kaboiarara i bukin antiia are Nei Aatera, ao a tia naba ni katei taiani boua aika a tabu i bukina. Ma ane a toki aia taromauri n taabo aikai.

Ieremia 2:20

Kam kiitanai n taai ake ngkoa ao kam urui taiani kabae ni kabane ake i marenara, kam rawa n riki b'a Au taani m'akuri. Ao ngkai kam a taromaurii anti tabem'aang n aromi ni wene ni bure i aon taian tabuki ke i aan nuuni kaai aika a korakora.

Ieremia 3:23

Ti taromaurii bouannanti i aon taian tabuki ao e korakora karongoaara, ma bon akea manenaia boni Ngkoe ae Ko konaa ni kamaiura.

Ieremia 3:6

Ngke e uea Iotia ao E taku te UEA: Ieremia, te abanuea are Iteraera ma te ainenum'a ae e aki kakaonimaki are e a manga riki b'a te aine ae ainen matawa i aon taian tabuki ao i aan nuun taiani kai aika a korakora.

Ieremia 7:18

A rikoi aia ataei, ao a kauraa te ai tamaia, ao tinaia a kabooboa te buraawa b'a a na kariki i bukin antiia te aine are a aranna b'a ueanainen Karawa. A bon anga naba te wain nako ia anti tabem'aang, b'a I aonga ni matauninga.

Etekiera 20:28

ngke a anga karea ni kaboiarara, ao te wain nakoia anti i aon te tabuki ao i aan aroka aika korakora. I bon rangi n un, i bukina b'a a karaoi b'aai aikai n te aba are I a tia n anganiia!

Te Tua-Kaua 12:2

Ma a taromaurii atuaia tabeman botannaomata ake a maeka ikekei. Ma ngaia are, ngkana kam tia n taua te aba, ao kam na kamaunai ni kabane aia tabo n taromauri--ake i aoni maunga ao taian tabuki, ke ake i aan nuun kaai aika korakora.

Tani Motiki-taeka 3:7

Ao a bure Iteraera i bukina ngke a m'aninga taekan te UEA ma n taromauriia bouanantin B'aara ao Nei Aatera.