Ieremia 17:18 - Te B'aib'ara

¹⁸ Ko na kaakea kab'akau ao b'ainrangiu, ma ko na kab'akaia au kairiribai ma ni kab'ainrangiia. Karokoa te urub'ai irouia b'a e aonga ni kororaoi bukin maakuia.

Ieremia 17:18 Iomraidhean Croise

Iobi 16:14

E aki toki uruan rab'atau, ao E buakanai n ai aron te tia buaka ae riribai n ana iango.

Taian Areru 35:4

A na baka ni baba ma ni b'ainrang akana kani kamateai; A na oki rikaaki ma te nako n nano akana iangoa aroni kam'aruaau!

Taian Areru 35:8

Ma ane a na taonaki n te kabuanib'ai ae na roko ni kakuba nakoia; Ane a na boni m'aane n aia b'ai ni kam'am'ane, Ao a na b'aka ni kabuanib'ai i nanon aia kinono.

Taian Areru 40:14

A na bane ni mamaa ma n aki reke aroia akana kataia ni kani kamateai. A na rairaki n oki rikaaki ma te b'ainrang akana tangira kaikoakau!

Taian Areru 70:2

A bia konaaki ma ni bure toroia akana kan anaa maiu. A bia kabirinakoaki ma te b'ainrang akana kani kam'aruaai.

Taian Areru 71:1

Te UEA, I nakoim b'a N na kamanoai iroum; Tai kariaia b'a N na reke irouia taan ribaai!

Ieremia 1:17

Katauraoiko Ieremia! Naako tuangiia aomata te b'ai are I mwiokoiko b'a ko na taekinna. Ko na aki maakuia, b'a I kaawa ni kakamaakuko i mataia.

Ieremia 11:20

I tataro nakon te UEA ni kaangai, “Te UEA ae Moan te M'aaka, Ko bon kaakaraoa ae e raoiroi, ao Ko atai iango ni kabane. Ma ngaia are, I onimakiniko b'a ko na buokai n irataangau.”

Ieremia 12:3

Ma ko ataia te UEA, b'a e kaanga ngkoa aron au kakaonimaki, e ngae naba ngkana bon inanou. Ma ngaia are, Ko na katikitikiia nako au kairiribai ma n tiringnga kaanga te tiibu!

Ieremia 14:17

Ieremia, naako tuangiia aomata am namakin i aon te b'ai aei. Ma ngaia are, I tuangiia ni kaangai: “E na taonako rannimatau n te ngaina ma te bong, i bukina b'a a mate au botannaomata n te ikoaki ae e korakora.

Ieremia 16:18

N na kataboroa tuaami i bukin ami bure i bukina ngkai kam a tia ni kabuakaka te aba. Kam a tia ni kaonna n taian bouannanti aika a aki maiu kaanga maate.

Ieremia 17:13

Bon te koburake n ran Ngkoe ae e anganiia Iteraera te maiu ma te kaantaninga. Ma ngkana a aki kubara te b'ai ae Ko taekinna aomata ao a na kamaunaaki nako kaanga taian taeka aika a koreaki i aon te tano.

Ieremia 17:16

Ara UEA, Ko rineai b'a N na kaawakiniia Am aomata, ao bon anne te b'ai ae I a tia ni karaoia. Ko atai b'aai ni kabane aika I a tia n taekin, ao bon akea te tai teuana ae I butiiko iai b'a Ko na katuaaia iai.

Ieremia 17:19

E taku te UEA: “Ieremia, ni mataroan nako te kaawa ae Ierutarem, n reitaki naba ma are teuana are e kakabongana te uea,

Ieremia 20:11

Ma bon te tautia ae e korakora Ngkoe te UEA, ae ko tei i rarikiu. Ane a na b'aka taani kakiriwe aikai ao a na mamaara a na rangi ni b'arananoia, ao e na akea tokin mamaaia.

Te Tua-Kaua 33:11

I tataro b'a E na kakab'aiai b'aai ni kabane akana kam karaoi ma n anganingkami te korakora ni kamanatuaia ami kairiribai.

Te Kaotioti 18:6

Are e karaoia nakoimi, ao kam na karaoia naba nakoina; ao kauoua te tai m'aitini booni mwin te b'ai are e karaoia, ao kaona ana m'angko n te moi, ni kauoua te tai korakoran te moi are e a tia ni karaoi i bukimi.