Ieremia 17:14 - Te B'aib'ara

¹⁴ Te UEA, boni Ngkoe ae I neboiko. Ma ngaia are, Ko na kamarurungai ma ni kamaiuai! Ao i mwiina, N na marurung raoi ma ni kaawakinaki raoi.

Ieremia 17:14 Iomraidhean Croise

Taian Areru 106:47

Te UEA ae Atuara, kamaiura, ao kaokira mai buakoia botannaomata, B'a ti aonga n anga ara katituaraoi ma ara nebonebo nakon aram ae tabu.

Taian Areru 109:1

Te Atua, I kamoamoako; tai tiku ni kainab'aabu!

Taian Areru 119:94

Bon am B'ai ngai-kamaiuai! b'a I a tia ni kekeiaki n ongeaba nakon am Taeka.

Taian Areru 12:4

“Ti kareke baika ti tangiri man rabakaura n taetae. Taan taetae ngaira aika ti b'aakuaku, ao akea i aora.”

Taian Areru 148:14

E kakorakoraa ana botannaomata, b'a E aonga ni kamoamoaki irouia ana aomata ni kabaneia ae te botannaomata ae Iteraera, ae kakawaki i rouna. Kam na kamoamoa te UEA!

Taian Areru 54:1

Te Atua, Ko na kamaiuai ni m'aakam; Kainaomataai ni korakoram.

Taian Areru 6:2

Te UEA, Ko na nanoangaai; b'a I a nrairai. Ko na kamaiuai, b'a I rangi ni mamaara.

Taian Areru 6:3

E korakora kiriween nanou. Ai ti maanraa ngkoe Te UEA ao Ko a buokai?

Taian Areru 6:4

Te UEA, rairaki ao nako mai kamaiuai; Ko na kamaiuai ngkai Ko ataataiaomata.

Taian Areru 60:5

Ko na kamaiura ni m'aakam; ao ongo ara bubuti, b'a a aonga ni kamaiuaki aika tangiraki iroum.

Itaia 6:10

“Karaoaia aomata aikai b'a a na taningabono! bonoti taningaia, rabun mataia, karaoaia b'a a na aki ataa te b'ai teuana. Tai katanimaia nako iu b'a a na kamaiuaki.”

Ieremia 15:20

i bukina b'a I kakorakorako, kaanga te oo te buraonti. A buakaka ao a tiritiri, ma N na mena i rarikim ikekei ni kamaiuko

Ieremia 3:23

Ti taromaurii bouannanti i aon taian tabuki ao e korakora karongoaara, ma bon akea manenaia boni Ngkoe ae Ko konaa ni kamaiura.

Ieremia 30:17

Akea ae e tangiria n riki b'a raoraomi ke n tabe n te b'ai ae e riki nako imi. Ma N na kamaoi ikoakimi, ao kam na manga marurung.

Ieremia 31:18

A tangi nako iu Iteraera ao a taku, “Ti te bo ngaira ma taiani kao, ma Ko uruira Ngkoe ae te UEA, ao reireiniira aron te ongotaeka. Bon Atuara Ngkoe taiaoka kaokiira nakon mwengara.

Ieremia 33:6

A na roko boong are N na kamaiua iai te tabo aei ma kaaina, ao a na kukurei n te rau ae akea tokina.

Warekaia Iteraera 12:13

Ao e tataro Moote ni kaangai, “Te UEA ae te Atua, taiaoka kamaiua neiei.”

Mataio 14:30

Ma ngke e nora te ang b'a e korakora karena ao e maaku, ao ngke e tabe n inako ao e takarua ni kangai, “Te Uea, kamaiuai!”

Mataio 8:25

Ao a nako Ina ana reirei ni kautia, ao a taku, “Te Uea, kamaiura; ti mate!”

Ruka 4:18

“E mena Tamnein te Uea i aou, i bukina b'a e a tia n rineai b'a N na tataekina te rongorongo ae raoiroi nakoia akana aki kaub'ai. E kanakoai b'a N na tuangiia ake a riki b'a taenikai kainaomataia, ao ake a mataki b'a a na manga noraba, ao ni kainaomataaki ni kabane ake a karawawataki iai,

Te Tua-Kaua 10:21

Aanga ami nebonebo nakoina, b'a kam a tia n nooria ni karaoi kakai aika kakamaaku i bukimi.

Te Tua-Kaua 32:39

Kam bon aki ataia? Bon ti Ngai te Atua; ao akea riki temanna; Bon Ngai ae I anaa te maiu ao I a manga kaokia. I katuaaingkami n te rawaawata. Ma N na kamaiungkami ngkai, ao bon akea ae kona ni katokai.