Ieremia 17:13 - Te B'aib'ara

¹³ Bon te koburake n ran Ngkoe ae e anganiia Iteraera te maiu ma te kaantaninga. Ma ngkana a aki kubara te b'ai ae Ko taekinna aomata ao a na kamaunaaki nako kaanga taian taeka aika a koreaki i aon te tano.

Ieremia 17:13 Iomraidhean Croise

Taian Areru 22:4

A onimakiniko ara bakatibu; A onimakiniko, ao Ko kamaiuia.

Taian Areru 69:29

I maraki ao I rawaawata; Te Atua, tabekai rake ao kamaiuai!

Taian Areru 71:5

Te UEA ae ko tautaeka, e tiku au kaantaninga iroum; I mwioko iroum ma ngke te kairake ngai.

Taian Areru 73:27

A na kabuanib'ai maiuia akana kitaniko; Ko na kamateia akana aki kakaonimaki nakoim.

Taian Areru 97:7

A na bane ni kamaamaaeaki akana taromauri bouannanti; Akana kainikatonga i bukiia antiia aika bouananti; A bane anti ni bobaraaki n taromauria te UEA.

Taeka n Rabakau 10:7

A aki toki n ururingaki aomata aika a raoiroi e ngae ngkana a maan nako, ma a kai m'anuokinaki aika a buakaka.

Taeka n Rabakau 14:14

Kam taia te b'ai ae kam unikia, e ngae ngkana e raoiroi ke e buakaka.

Itaia 1:28

Ma a na bane ni mauna nako, koraki aika taani kaaitaraa aika taani bure, aika a kamangao, Ngai te UEA.

Itaia 66:5

Ngkana kam ruru ngkana e taetae te UEA, ao kam na kakauongo nakon te b'ai ae e taekinna ae e kaangai: “A ribaingkami tabeman aomata ibuku ao a rawa naba iroumi ibuku. A b'ab'ainingare ao a taku, Ke E kaota m'akana te UEA! Ti a mataku i rouna ngkana e anganingkami te kukurei ni koaua.’ Ma ane a na mamaa koraki akana a atong baikai.”

Ieremia 14:8

Bon ti Ngkoe ara kaantaninga; bon ti Ngkoe are ko konaa ni kamaiura ngkai. Ko buokiira n te bong teuana, ma Ko a manga aki n te bong are i mwiina.

Ieremia 17:17

I onimakiniko i bukin te katantan i nanon tain te kangaanga, ma ngaia ae, Ko na aki kakamaakai.

Ieremia 17:18

Ko na kaakea kab'akau ao b'ainrangiu, ma ko na kab'akaia au kairiribai ma ni kab'ainrangiia. Karokoa te urub'ai irouia b'a e aonga ni kororaoi bukin maakuia.

Ieremia 17:5

I a tia Ngai ae te UEA ni kamaraiia koraki ake a tannako ma i Rou ma n onimakina korakoran te aomata.

Ieremia 19:4

A a toki kaain Iuta man taromauriau ao a karika te m'arua aei b'a te tabo i bukin taromaurian B'aara ao anti tabem'aang aika a bon tuai man buokiia ke ni buokiia aia bakatibu ke aia uea.

Ieremia 2:13

Kam a tia ni bure ngkami aika au aomata ni b'aai aika uoua kam a tia ni katinanikuai, Ngai ae Nen te ran ni kamaiu ao kam kataia n itiia ami ran n taian ni ne n ran aika tabwenaua aika a raran aika a kekenaki i nanon te tano.

Ieremia 2:17

Bon am bure! Ko katoka iriiraku, Ngai ae te UEA ae te Atua,

Ieremia 50:7

Boni Ngai ami tabo n uteute, te tabo teuana are e anga te kaantaninga nako ia ami bakatibu. Ma kam kiitanai, ma ngaia are, ngkana kam reke irouia ami kairiribai, ao bon akea aia bure iai ngkana a kab'autingkami.

Etekiera 13:9

N na eekiia nako ao N na manga karikiia b'a au aomata. A na aki manga atongaki b'a Iteraera ke n toua Iteraera. Ane a na tib'a uringnga b'a bon te UEA Ngai ae te Atua.

Etekiera 16:63

N na kab'araa am bure, ma ko na riai ni iangoi am bure ma ni mamaa iai n te aro are ko na aki kakarongoa. Bon aei au taeka Ngai ae te UEA.

Etekiera 36:32

Kaain Iteraera, I aki karaoi aikai i bukimi. Kam aki toki ni bubure nako iu, ao kam bon riai ni kamaamaaeaki ao ni kab'ainrangaki n te b'ai ae kam a tia ni karaoia. Bon aei au taeka Ngai ae te UEA ae te Atua.

Taniera 12:2

Ao ane a na m'aati aika a manga maiu aika a tia ni mate: tabeman a na kukurei n te maiu ae akea tokina, ao tabeman a na uti nakon te kamamaaeaki ae akea tokina.

Ioera 3:16

E na bekorara te UEA kaanga te raian mai nuukan Ierutarem e na karurua aonnaba ma karawa. Ma te UEA bon te nono, te tabo ni katantan i bukiia ana aomata aika Iteraera.

Tekaria 13:1

E na reke te koburake n ran, ike a na teboki iai aia bure ma aia kaairua ana kariki Tawita ao kaain Ierutarem.

Tekaria 9:12

ma n anganingkami te kaantaninga. Okira ami nono, b'a N na anganingkami kaniwangami uoua okiokin ami b'ai akana a tia n reke iroumi.

Ruka 10:20

Ma e ngae n anne, ao kam na aki kakatonga n aei, ae a aantaeka i roumi anti; ma kam na kakatonga b'a a koreaki arami i karawa.”

Ioane 4:10

E kaeka Iesu ao E taku nakoina, “Ngke tao ko ata ana b'ai n tangira te Atua, ao Teuae kaangai ngkai nako im, Kaamai b'a N na moi, ao ko na kamani butiia, ao Ngaia E a anganiko naba iai te ran ni kamaiu.”

Ioane 4:14

ma ane moi n te ran ae N na anganna, ao e na bon aki manga taka. B'a te ran ae N na anganna, e na riki b'a te m'anib'a n ran i nanona are na koburake ao e na anganna te maiu are aki toki.”

M'akuri 28:20

Ao bon aei bukin are I kaoingkami iai, b'a N na noringkami, ma n taetae nakoimi: b'a I kabaeaki n te taurekereke aei i bukin aia kaantaninga Iteraera.

1.Timoteo 1:1

Mairouni B'auro ae ana tia tuatua Kristo Iesu n ana taeka te Atua ae ara Tia Kamaiu, ma Kristo Iesu ae mena i rouna ara mwioko;

Te Kaotioti 20:15

Ao ngkana iai ae ataaki b'a akea arana ni bokin te maiu, ao e teweaki nako nanon te nama are te ai.

Te Kaotioti 21:6

Ao E taku nako iu, “A bane n tia. Boni Ngai te Moa ao te Toki; boni moani b'aai Ngai ao tokiia naba Ngai. N na angan ane kani moi nimana mani koburaken te ran, are te ran ni maiu, ae akea boona.

Te Kaotioti 22:1

Ao te anera arei e kaota nako iu karaangan te ran ni maiu, ae te ran ae raneanea n ai aron te kurititaro; ao e raanga nako te ran arei man ana kaintokanuea te Atua ma te Tiibuteteei,

Te Kaotioti 22:17

Ao E kaangai te Tamnei are Raoiroi, ma te aine are a tib'a mareaki, “Mai.” Ao ane ongo e na kaangai naba, “Mai.” Ao ke e nako mai ane kani moi; ao ke e anaa te ran ni maiu ane kan anaia, n aki kaboa.

Te Kaotioti 7:17

ao te Tiibuteteei are i nanoaan te kaintokanuea, E na kawakinia n ai aron te tia kawakin-tiibu, ao E na kairiia nakoni koburaken raan aika kamaiu; ao te Atua E na kaoi rannimataia ni kabane mai mataia.”