Ieremia 17:11 - Te B'aib'ara

¹¹ Kam karawaawataia tabem'aang, a na bane ni kiba nako b'aai ni kabane aika kam karekei, kaanga taiani mannikiba aika a raure man taian bunimoa aika a kimoaaki. Ao i mwiina, kam na ataia b'a ngaia kam rangi n nanobaba.

Ieremia 17:11 Iomraidhean Croise

Iobi 20:21

Akea nikiran te am'arake ngkana e am'arake; ma n te tai aei ao e a roko n tokina kaub'aina.

Taian Areru 49:13

Aio tokiia akana onimakiniia i bon irouia, Ao aroia naba akana onimakin taeka n nanobaba:

Taian Areru 55:23

Ma Ngkoe, te Atua, Ko na kariniia taan tiritiri ma taani b'anga ni kewe ruanimateia i m'ain banen iteran aia bongi ni maiu. Ao ngai N na onimakiniko.

Taeka n Rabakau 13:11

E na waekoa ni bane teutana i mwiin teuana te m'ane ae e reke n tiaki angana; te m'ane ae e reke teutana i mwiin teutana e na bon rikirake man rikirake.

Taeka n Rabakau 15:27

E karika te kangaanga nakon ami utu te mataaib'ai, ma kam na bon kaawakiningkami i bon iroumi ngkana kam rawa ni karaoa te baabakanikawai.

Taeka n Rabakau 21:6

Bon te mii ae e nanobaba karekean te kaub'ai man te aonikai kaanga ai aron te bakabure.

Taeka n Rabakau 23:5

E na kibanako ami m'ane i m'aain ae kam a ataia, n ai aron te ikare ae e karina ni kiba nako.

Taeka n Rabakau 28:16

Bon te nanobaba te tia kairiiri ae akea ana atatai, ma e na ab'ab'aki maiun ane e rawa ni karekei kaub'aina man aonikaiaia aomata.

Taeka n Rabakau 28:20

E kakab'aiaia ana aomata aika a kakaonimaki te Atua, ma e katuaaia ni kabane akana a tangiria ni kan riki ni kaub'ai n te tai ae e waekoa.

Taeka n Rabakau 28:22

Tai iaiangoia b'a ti ngkoe te aomata ma n rangi ni iangoia b'a ko na kaub'ai b'a ane ko na manga aki toronib'ai riki nakon are ko kaantaningaia.

Taeka n Rabakau 28:8

Ngkana ko kareerekea am m'ane man kabuuburaan am raka, ao ane e na bua ni kabane nakon temanna ae e tararuaia aika a maiu ni kainano.

Ieremia 22:13

Te Uea ae Ieoiakim, ko a reke n te kaangaanga! Ko karaoa te bareti ae a rangi ni buubura ruuna ake i eta.

Ieremia 22:17

Ma ti te b'ai ae ko rangi n iaiangoia bon aron te kewe ke te kabuakaka ke tiringaia tabem'aang aika akea aia bure.

Ieremia 6:13

A bane aomata n nanonrang ma ni buakaka, te kaub'ai ma te kainano. Ni karokoa naba taian burabeti ao ibonga bon akea naba onimakinaia.

Ieremia 8:10

N na anga buuia ma aia tawaana nako ia ianena. A a bane n nanonrang ao n aki raoiroi aomata nako, te kainano ke te kaub'ai. Bon akea naba onimakinaia burabeti ma ibonga.

Amota 3:10

E taku te UEA, “A kaikoi ni mwengaia b'aai aika a reke man m'akuri ni iowawa, ao man m'akuri aika a bure, b'a aki ata te riai.

Mika 2:9

Kam kakionakoia ainen au botannaomata mani mwengaia aika a mwengaraoi iai, ao kam iraei naba kab'aiaia aia ataei ake I a tia n anganiia.

Mika 7:3

A rangi n rabakau ni karaoan te m'akuri ae e buakaka. A ukoukora te kamaraato b'aakuaku ma Taani Motikitaeka. A mara atoia taan tautaeka, ao a kangaraoi mooti nakon nanoia ake a kamarai atoia

Teb'ania 1:9

N na oroia ake a taromauria anti ao ake a iraa man tiritiri i bukin karekean b'ain aia auti aia toka ni b'ai-ni-iraa.

Tekaria 5:4

Ao E taku te UEA ae Moan te M'aaka, “I kanakoa te niira ni boki aei nakon aia auti aomata nako aika taani kimoa ke taani kewe n arau, ao e na tiku ikekei ni karokoa e bane ni b'aka kain nako te auti arei.”

Maraki 3:5

E taku te UEA ae Moan te M'aaka: I aoni kawaiu ngkai ni motika taekami. N na kabuakakaia ni kabane aika a kakaraoa te tabunea ke ni kewe n tain te mare ke n taekina te kewe i nanon te kabowi ke taani m'akuri aika a kimoaaki booia ke aine aika a mate buuia aika a aki karauaki ao naati aika akea aia karo ke iraean aia b'ai ianena ke aika a rawa ni karineai.

Mataio 23:13

Ma a na reke kaimi, taani koroboki ma B'aritaio, aika taani m'am'ana-te-aba! B'a kam kaina mataroan Uean te Atua nakoia aomata; ao ngkami kam aki rin, ao kam tukiia akana kan rin iai.

Ruka 12:20

Ma E taku te Atua nako ina, “Te nanobaba! N te tairiki aei, ao e na anaaki maium mai roum; ao b'aai akana ko a tia ni katauraoi, antai ae na b'aini?”

1.Timoteo 6:9

Ma akana kan riki ni kaub'ai a b'aka nako nanon te kaririaki, a m'ane n te b'ai ni kam'am'ane, ao a reke n naano aika baba ma ni kamaraki, aika taonaki ni kab'ab'aaki iai n tiringaki ma ni kamateaki.

Tito 1:11

E riai b'a a na kainaki wiia te koraki aei, aika aomata aika kabane kaain utu nako n aki karauia n aia reirei aika aki riai n anga; ma a anga i bukin te kani b'aib'ai n te aro ae aki riai.

2.Betero 2:14

Nanoia bon ti te kani wene ni bure ma aine aika a nooriia; a aki kona n rauaki nanoia ae kani bubure. A kaririia aomata aika mamara ni maiuia b'a a na kam'aneia. Bon iai nanoia aika kataneiaki b'a a na kani b'aib'ai. A na bon reke kaiia;

2.Betero 2:3

I bukin aroia ni kani b'aib'ai ao ane a na karekei aia b'ai mai roumi n taeka n reirei ni kewe. E a kaman tauraoi ma ngkoa i bukiia motikan taekaia ni kabuakakaki, ao ae e teimatoa naba n tiku n taningaia te aro are a na kamaunaki iai.