Ieremia 17:10 - Te B'aib'ara

¹⁰ Ma I atai baika kam a tia ni karaoi ma ami iango ao I kakoaua raoi b'a e na reke nako imi te b'ai are kam bon kaantaningaia.

Ieremia 17:10 Iomraidhean Croise

1.Uea 8:39

Ko bon atai b'aai ni kabane inanoia aomata ni kabane. Ma ngaia are, ko na kaekai aia tataro mani mwengam ane i karawa, ni kaineti ma aroni maiuia, ao b'aai ake n aia iango.

1.Rongorongo 28:9

Toromon ae natiu te m'aane, kona riai n taromauria te Atua ao ongotaeka i rouna ma nanom ni kabane ma am iango, n aron are I a tia ni karaoia. E atai am iango ni kabane ao bukin karaoan b'aai iroum, ao ngkana ko tang nakoina, ao E na ongo am tataro nako. Ma ngkana ko aki kubariia, ao e na bon aki tabeakiniko n aki toki.

1.Rongorongo 29:17

Ma ti kukurei b'a a tia aomata ni kabane n anganano ni baikai. Ko bon atai nanoia aomata ni kabane, ao ko boni kukurei ngkana a karaoa ae e raoiroi aomata nako.

2.Rongorongo 6:30

Ko bon atai b'aai ni kabane ake inanoia aomata nako. Ma ngaia are, ko na kaekai aia tataro mani mwengam ane i karawa, n aron te b'ai are a karaoia ke te b'ai are i nanoia.

Iobi 34:11

E anganiia aomata kaniwangaia n te b'ai are a boni karaoia, ao E karaoa nako ia te b'ai ae bon riai n reke nako ia.

Taian Areru 44:21

Ao Ko na kamani kunea: b'a Ko atai nanora aika raba.

Taian Areru 44:22

Ma ti kaitaraa ma te mate i bukim n taai nako, Ao ti riki b'a kanga tiibu aika nang kamateaki.

Taian Areru 62:12

ao e teimatoa au tangira. Boni Ngkoe, te Uea, ae Ko angania aomata n tatabemaniia nako booni mwin aia m'akuri.

Taian Areru 7:10

Ngkoe, te Atua, bon otangau, ao kamanoaia aomata ni kabane ake a raraoi nanoia.

Taian Areru 7:9

Bon te Atua ae ko raoiroi ngkoe ae ko motiki taekan ara iango ma nanora. Katoki aia m'akuri aomata aika buakaka ao kakab'aiaia akana a kaakaraoa ae e raoiroi.

Taeka n Rabakau 12:14

Ti bon anganaki kaniwangara ke ti katuaaeaki ni b'aai ake ti taekin mani karaoi.

Taeka n Rabakau 17:3

E tuoaki te koora ma te tirewa n te ai ao a tuoaki nanora iroun te UEA.

Te Minita 9:3

E bon rangi n aki riai b'a e na booraoi rikin te b'ai ae ti teuana nakoira n tatabemaniira nako. Ti bon tei ni baba, ao ti rangirang ngkai ti maiu, ao i mwiina ti a manga mate.

Itaia 59:18

E na rangi n un ngkai te UEA ao e na karaoia nako ia aia kairiribai ake a kaan ma ake a raroa te b'ai naba are a karaoia nako ia ana Aomata.

Ieremia 11:20

I tataro nakon te UEA ni kaangai, “Te UEA ae Moan te M'aaka, Ko bon kaakaraoa ae e raoiroi, ao Ko atai iango ni kabane. Ma ngaia are, I onimakiniko b'a ko na buokai n irataangau.”

Ieremia 12:13

Au aomata, kam unika te uita, ma kam boboti taian uteute; a tia ni m'akuri korakora, ma bon akea ae a karekea. I bukin uniu ae korakora ao a mate aia ununiki!

Ieremia 20:12

Te UEA ae Moan te M'aaka, Ko kataia akana a karaoa ae e raoiroi, ao Ko atai naano ao iango ni kabane. I a tia n tuangko ngurengureu nako, ngaia ae N na matakuakiniko ngkana Ko a irataangau nako ia au kairiribai nako.

Ieremia 21:14

ao N na katuaaeko n aron ae ko riai n anganaki. N na kauraa am bareti ao a na bane n urarake b'aai nako akana i rarikim.

Ieremia 23:2

Kam kaantaningaaki b'a kam na kaawakiniia Au aomata, ma ngaia kam a manga kakionako ia. Ma ngaia are, N na katuaaingkami n te tuua ae korakora ngkai, ni kabooa mwiin te kaairua ae kam a tia ni karaoia.

Ieremia 32:19

Ko karaoi am babaaire ni wanawanam ae e korakora, ao Ko karaoi b'aai aika a korakora ni kabane aika Ko a tia ni baairei ni m'aakam ae e korakora. Bon akea te b'ai teuana ae ti konaa ni karaoia ni karabaa mai matam, ao Ko anganiira kaniwangara ke ni katuaaira n aron are e bon riai n reke nakoira.

Etekiera 11:5

E niniai Tamnein te UEA ao E tuangai b'a n na tuangiia taani kairiiri ni kaangai: I atai baika kam taekin ngkami aika taani kairiiri Ngai ae te UEA ae te Atua.

Etekiera 14:5

Tao a na bae n okirai ke ni katoka taromauriakiia bouannanti ngkana a ongo au rongorongo.

Mika 7:13

Ma e na riki n rereua te aonnaba i bukin aia m'akuri aika a buakaka ake a maeka iai.

Mataio 16:27

B'a ane E na nakomai Natin te aomata ma ana anera i nanoni mimitongin Tamana; ao ane E na angania aomata ni kabaneia booni mwin aia m'akuri.

Mataio 6:4

b'a e aonga n raba am angab'ai; ao E na anganiko te b'ai n tituaraoi Tamam, ae nora ae raba, b'a am b'ai.

Ioane 2:25

ao akea ae E kainanoia b'a e na tuangnga aroia aomata, b'a E bon ata are i nanon te aomata.

M'akuri 1:24

Ao a tataro ni kaangai, “Te UEA, ae Ko atai nanoia aomata, Ko na kaotia b'a antai ae Ko rineia n uake uoman aikai,

I-Rom 6:21

Tera te bae kam karekea ngke kam karaoi ngkoa baike kam mamaa iai ngkai? B'a tokini baikekei te mate.

I-Rom 8:27

Ao te Atua are noori nanoia aomata ni kabaneia E ata nanon te Tamnei, i bukina b'a E bubuti i bukiia ake a itiaki n aron nanon te Atua.

Te Kaotioti 2:23

ao N na kamateia natin neierei, ao ane a na bane ekaretia n ataai b'a te tia tirotiroi naano ma iango aika raba Ngai; ao N na anganingkami n tatabemaningkami nako booni mwin ami m'akuri.

Te Kaotioti 20:12

Ao I nooriia maate, ake te koraki ake a kakannato ma ake a mangori, b'a a tei i nanoaan te kaintokanuea; ao a kaukaki niira ni boki. E kaukaki naba te niira ni boki teuana, ae bokin te maiu. Ao a motikaki taekaia maate ni kaeti ma baike a tia ni karaoi, n ai aron taekaia ake a koreaki n taian niira ni boki akekei.

Te Kaotioti 22:12

“Noria, ae N na waetata n roko ma uotau te bae N na anga nakoia aomata ni kabaneia ni kaeti ma aron aia m'akuri nako.

1.Tamuera 16:7

Ma E taku te UEA nako ina, “Tamuera, ko na tai taku b'a ngaia ae na rineaki i bukina ngke a ab'ab'aki ao e botonim'aane. Bon tiaki ngaia ae rineaki. A karaoa aia rinerine aomata man tarakiia, ma I karaoa Au rinerine ma taraan nanoia.”