Ieremia 16:6 - Te B'aib'ara

⁶ E na bon ti te bo aron mateia aika a kaub'ai ma aika a maiu ni kainano b'a a na tiku n aki taunaki. Bon akea aika a na tang n nanoangaia ma ni kaota nanokawakiia ni korokorea rab'ataia ke ni kamaraa atuuia.

Ieremia 16:6 Iomraidhean Croise

2.Rongorongo 36:17

Ao e kanakoa uean B'aburon are Nebukaneta te UEA b'a e na buakana Ierutarem. Ao Nebukaneta, e tiringiia rorobuaka n ataei ake n te Tembora, ao bon akea nanoangaan temanna i rouna, e ngae ngke te m'aane ke aine, te ataei ke te kara. E karaoia te Atua b'a e na tiringiia aomata ni kabane n te kaawa are e buubura arei.

Itaia 22:12

Ngke a koro bukin b'aai aikai ni kabane, ao e tuangingkami te UEA ae Moan te M'aaka b'a kam na katu ranin matami ma n tang, ma ni koro marai atuumi, ao n kunnikain kunnikai aika a mangaingai.

Itaia 24:2

n reitaki ma ake bon aomata ao taiani ibonga, tooro ao tooro ake aia taani m'akuri taani b'aib'ai, taani kaboob'ai ao taani kabonako b'aai, taani kairiiri ao taan tangob'ai, kaub'ai ao ake a maiu ni kainano.

Ieremia 13:13

Ao i mwiina, e taku nako ia: Bon te UEA Ngai, ao te b'ai ae N nang karaoia bon te b'ai ae e na karikiia kaain Iuta ma Ierutarem b'a aomata aika a onrake n te wain. Aika a na rangi ni buakaka riki mai buakoia bon taian uea ake kanoan Tawita ao ibonga ma burabeti.

Ieremia 16:4

Ane a na mate n te aoraki ae moan te kamaamate ao n te buaka ao te baki. Ao bon akea temanna ae e na karaoa te bootaki ni mate i bukiia ke n tauniia, ao e na riki rab'ataia b'a kanaia mannikiba ao maan aika a aki manana. Ao nikiran rab'ataia a na tiku i aon te tano kaanga nakotariia maan.

Ieremia 41:5

ngke a roko waningaun mm'aane n te kawai are e nako Mitib'a man te kaawa are Tekem, Tiro, ao Tamaria. Bon i aon kawaia nakon te Tembora b'a a na anga aia b'aintangira te uita ao taiani kaboiarara nakon te UEA. A a bon tia ni koroi buaia, ao a raeraei aia kunnikai, ao a korokoroi rab'ataia, i bukina ngke a tang.

Ieremia 47:5

E a roko te nanokawaki ae e korakora irouia kaain Kata, ao a na aki kakarongoa kaain Atikeron. Tao a na maanra nikiraia kaain Biritia n tanginiwenei?

Ieremia 48:37

A bane n tia ni koromaraia ma ni korobuai. A a bane n tia ni korokoroi aon baiia, ao a bane ni kunnikaiia ni kunnikai n aki akaaka.

Ieremia 7:29

Kam na kamaraa atuumi ao tewenakoi irami. Kam na anenea te anene ni mate i aon te tabuki ae akea kain aona. Kam a tia ni kaunai ngkami aika aomata, ao kam a tia ni kiitanai.

Ieremia 8:2

ake a tangiria n taromauria taai, nam'akaina, ao taian itoi. Ane a na maenako taian rii aikai ao a na tiku n raea i aontano kaanga te mwi, ike e konaa n oota taai ma nam'akaina ao taian itoi i aoia.

Nakoaia Ibonga 19:27

I tangiringkami b'a kam na aki iman iran atumi, ke ni koroi buaimi,

Nakoaia Ibonga 19:28

ke ni korokoroingkami, ke n taitaiingkami i bukin taromaurian te mate.

Amota 6:11

A na bane ni maerikiriki auti aika a korakora ma auti naba aika a karako ngkana E kanakoa Ana taeka te UEA.

Mataio 9:23

Ngke E roko Iesu n ana auti te tia tau-taeka, ao E noriia taani katangitang i bukin te mate, ma aomata b'a a tanginiwenei,

Te Tua-Kaua 14:1

Kaain Iteraera, bon Ana ataei te UEA ngkami, ma ngaia are, ngkana kam tang i bukin te mate, ao kam na aki korokoroi rab'atami, ke ni koromarai moan atuumi.

Te Kaotioti 20:12

Ao I nooriia maate, ake te koraki ake a kakannato ma ake a mangori, b'a a tei i nanoaan te kaintokanuea; ao a kaukaki niira ni boki. E kaukaki naba te niira ni boki teuana, ae bokin te maiu. Ao a motikaki taekaia maate ni kaeti ma baike a tia ni karaoi, n ai aron taekaia ake a koreaki n taian niira ni boki akekei.

Te Kaotioti 6:15

Ao uean aonnaba, ma ake a kakannato, ma ake mataniwi n taanga ni buaka, ma ake a kaub'ai, ma ake a korakora, ma tooro ni kabaneia, ma inaomata ni kabaneia, a karabaia i nanoni b'angani matang ao i buakon atibu aika totoa i aoni maunga;