Ieremia 16:5 - Te B'aib'ara

⁵ Ko na aki kawariia aomata akana a mate aia koraki ke ni kaota nanokaawakim iai. N na aki manga tangiriia ke ni kakab'aiaia ke n nanoangaia kaain Iuta.

Ieremia 16:5 Iomraidhean Croise

Taian Areru 25:6

Te UEA, ururing arom n akoi ma n tangira ake ko a tia ni kaotii ngkoangkoa.

Itaia 27:11

Ao ngkana a b'aka m'aangana aika a m'aoto i aontano ao a manga roko aine n anaia b'a kanaan aia ai. Ma a bon rangi n nanobaba aomata aikai n te aro are E aki konaa n nanoangaiia te Atua are e karikiia.

Ieremia 12:12

A m'ananga n te kawai are e ri rarikin mataniwiin te rereua tautia ake taan tiritiri ao a buaka n taabo nako. Bon au kabaang ngaiia aika a tiritiri; ao bon akea temanna ae e konaa ni maiu irouia.

Ieremia 13:14

Ao N na kaaioroia i bon irouia kaanga taian tiaeki. N na bon aki nanoangaa ae e uarereke ma ae a kara, a na bane n tiringaki. Bon aei au taeka Ngai ae te UEA.

Ieremia 16:13

Ma ngaia are, N na karenakoingkami nako nanon te aba are a aki ataia ami bakatibu, te tabo ike kam na taromauri iai anti tabem'aang n te bong ma te ngaina. Ao N na bon aki konaa n nanoangaingkami,

B'aeb'aeti 3:17

I tuai man namakina te marurung, te rau, ao te kukurei.

Tekaria 8:10

I m'aain rokon te tai anne, bon akea aomata ao akea maan aika a anganaki kaniwangaia i bukin aia m'akuri, ao bon akea temanna ae e rau n te tabo teuana, i bukina ngke I kaaitaraia n tatabemaniia nako.

Te Tua-Kaua 31:17

ao ane N na rangi n un, ao N na kiitaniia ma n aki kan ongo aia tataro. N na karokoa te kabuanib'ai ma te maraki irouia, ao ane a na kuri ni bane ni mate. Ao ni bon tokina, ane a na uringaaba, ao a na ataia b'a e roko te kabuanib'ai i bukina ngke I kitaniia.

Te Kaotioti 6:4

Ao e oti nako te aoti temanna, ae uraura; ao e anganaki teuare toka i aona te kona ni karokoa te buaka i aon te aba, b'a a na i kamamate aomata; ao e anganaki te kabaang ae ab'ab'aki.