Ieremia 16:18 - Te B'aib'ara

¹⁸ N na kataboroa tuaami i bukin ami bure i bukina ngkai kam a tia ni kabuakaka te aba. Kam a tia ni kaonna n taian bouannanti aika a aki maiu kaanga maate.

Ieremia 16:18 Iomraidhean Croise

Taian Areru 106:38

A kamateia natiia aika akea aia bure, ao e kam'araeaki aon te aba i bukini m'akuri n tiritiri aikai.

Itaia 24:5

E a kam'araa te aonnaba i bukiia aomatana aika a aki ongotaeka nakon ana tua nako te Atua, ma n urui aia booraraoi are akea tokiia.

Itaia 40:2

Taetae raoi nakon Ierutarem ao katanoataa ae e kaangai: A toki am bong n tautoronaki. Bon te UEA ngai, are I kataboroa tuaam i bukin am bure nako.”

Itaia 61:7

A na rangi n riiribaaki ao n rangi n aki karaoaki ae e raoiroi nakoia; a na rangi ni kakab'aiaki ngkai ao a na kukukurei n aki toki.

Itaia 65:6

I a tia ni korea te baei; N na aki kainab'aabu. N na kaokia nakoia n aron are a bon riai n anganaki i bukin aia bure.

Itaia 65:7

Bon Ngai ae te UEA ae N na karaoia b'a a na kabooa mwiina i bukin aia bure nako ao i bukiia aia bakatibu a tia ni kab'ainrangai ngke a kabuoki taian b'aini kaboiarara i aon taiani maunga.

Ieremia 17:18

Ko na kaakea kab'akau ao b'ainrangiu, ma ko na kab'akaia au kairiribai ma ni kab'ainrangiia. Karokoa te urub'ai irouia b'a e aonga ni kororaoi bukin maakuia.

Ieremia 2:7

I uotingkami nako ikai nako abau, ike e tiraua te am'arake iai, ma kam kabuakaka te aba n ami bure.

Ieremia 3:9

E bon aki raraoma te abanuea are Iuta ngkai e riki b'a ainen matawa, ao e aki tabe naba ngkai e kabuakaka rab'atana ao te aba n ana m'akuri n taromaurii taian bouananti aika a karaoaki n taian atiibu ao taian kai.

Ieremia 44:4

I aki toki ni kakanakoa Au burabeti ae Au tia m'akuri b'a e na taetae nako ia kaain Iuta ni kaota ribaakin aia bure aika a buakaka. A kauringaki irouia burabeti b'a a na katoka karaoan te bure,

Ieremia 7:30

Kam a tia n aki ongotaeka i Rou ngke kam karin taiani bouannanti aika a rangi n ribaaki i nanon au Tembora, ao ngkai e a rangi n ribaaki te Tembora i Rou.

Etekiera 11:18

Ngkana e riki anne, ao I tangiringkami b'a kam na kaitiaka te aba ni kanakoi taian bouannanti aika a rangi n ribaaki.

Etekiera 11:21

Ma a na katuaaeaki koraki akana a taromauri taiani bouannanti ao a na karekea te b'ai are a bon uaa korona. Bon aei Au taeka Ngai ae te UEA.

Etekiera 36:18

A tiritiri ao a taromauri bouannanti, ake a kabuakaka aon te aba. Ma ngaia are, I katuaaia Au aomata ni marakin nanou

Etekiera 5:11

E a tia ami bure aika a rangi n ribaaki ni karika au Tembora b'a te tabo ae e aki tau i bukin taromauriakiu. Ma ngaia ae, I tuea i bon i Rou b'a N na tannako mairoumi ao N na aki manga nanoangaingkami.

Otea 9:7

Iteraera, e a roko te tai. E na bon okiriko te b'ai are ko bon kaantaningaia, ao ko bon ataia. Ko taku, “A nanobaba burabeti, ao a rangirang ana tia uarongorongo te Atua.” E a tia am kaairua ae e kakamaaku ni kaoniko n te riribai.

Nakoaia Ibonga 26:30

N na urui ami auti n taromauri nako, N na urui ni kab'akai ami bao n angakarea i bukin te boiarara, ao N na katokai rab'atami ngkae a mate i aon nako ami bouannanti. Ao kam na riribaaki i Rou.

Mika 2:10

Teirake ao naako; bon akea ae e kona ni manga reke maiuna ikai, b'a N nang karokoa te kanganga ae ab'ab'aki i aon Ierutarem i bukin ami bure.

Te Kaotioti 18:6

Are e karaoia nakoimi, ao kam na karaoia naba nakoina; ao kauoua te tai m'aitini booni mwin te b'ai are e karaoia, ao kaona ana m'angko n te moi, ni kauoua te tai korakoran te moi are e a tia ni karaoi i bukimi.