Ieremia 16:17 - Te B'aib'ara

¹⁷ I konaa n noori b'aai ni kabane aika kam karaoi, e ngae ngkana kam karabai ami bure mairou.

Ieremia 16:17 Iomraidhean Croise

2.Rongorongo 16:9

E teimatoa te UEA n tataraia aomata ni kabane, ao e anga te korakora nakoia ake kakaonimaki n ongotaeka i rouna. Ma ngkoe, ko a tia ni karaoa te m'akuri n nanobaba, ao e na bon aki konaa ni manga reke riki te rau n abanueam.

Iobi 10:14

Ao Ko tataraai b'a Ko taku b'a n na bure, b'a Ko aonga n aki kab'ara au bure.

Iobi 31:4

E atai b'aai ni kabane aika I karaoi te Atua, ao E atai naba rangatan waeu.

Taian Areru 109:15

A bia aki kona ni bua taekan aia bure iroun te UEA, B'a E aonga ni kamaunai taekaia mai aon te aba.

Taian Areru 139:3

Ko norai ngkana I m'akuri ke ngkana I wene ni motirawa; Ko atai aroarou ni kabane.

Taian Areru 33:15

E angania te iango, Ao E atai baika a karaoi.

Taian Areru 51:9

Karabai matam man au bure nako, Ao kamaunai arou nako aika bubuaka.

Taian Areru 90:8

Ko aki ti norira ngke ti bure, ma Ko norira naba ngke ti kataia ni karabai ara bure mairoum.

Taeka n Rabakau 15:3

E noori b'aai ni kabane te UEA aika a raoiroi ma aika a buakaka.

Taeka n Rabakau 5:21

E noori b'aai ni kabane te UEA ao e tarataraira raoi.

Itaia 29:15

ko a bon reke n te kaangaanga, ngkana ko kataia ni karabai am babaaire mai roun te UEA! Ke ngkana ko taku b'a a na aki konaa n nooraki baika ko karaoi n te roo.

Itaia 66:18

I ataia b'aai ni kabane aika kam karaoi ao aika kam iangoi! E a roko ngkai te tai are a na ikotaki iai aomata nako aika a kakaokoro aia taeka ao botannaomata nako ni kaota nakoia mimitongiu

Ieremia 2:22

E taku te UEA: Kaain Iteraera, kam a barekareka n te bure, ao akea te toobu ke te b'ai ni kanakomemea ae e konaa ni kanakoa.

Ieremia 23:24

i karawa ao i aon te aonnaba. Bon akea taabo aika a raba aika kam na konaa ni karabaingkami mairou.

Ieremia 29:23

Bon aei tokiia i bukina ngke a tia ni karaoa te bure ae e rangini buakaka—a tia ni wenenibure ao a tia n taekin taiani kewe n aran te UEA. E bon kaaitaraa nanon te UEA te aro aei, E ataa te b'ai are a tia ni karaoia, ao E bon riki b'a te tia kakoaua ni kaaitaraia. Bon aei au taeka Ngai te UEA.”

Ieremia 32:19

Ko karaoi am babaaire ni wanawanam ae e korakora, ao Ko karaoi b'aai aika a korakora ni kabane aika Ko a tia ni baairei ni m'aakam ae e korakora. Bon akea te b'ai teuana ae ti konaa ni karaoia ni karabaa mai matam, ao Ko anganiira kaniwangara ke ni katuaaira n aron are e bon riai n reke nakoira.

Ieremia 7:11

Bon taan iraa ngkami, ao kam karika au Tembora b'a te tabo ni karaba. Ma I a tia n noori b'aai ni kabane aika kam a tia ni karaoi.

Etekiera 8:12

E taku te Atua, Etekiera, ko na noori b'aai aika a kakamaaku aika a karabai ni karaoi taani kairiiri mai Iteraera? A kaona nanon te ruu n taiani bouannanti. Ao a taku b'a I aki konaa nooriia, i bukina b'a a taku b'a I a tia ni kiitana Iteraera.

Etekiera 9:9

Ao E kaeka te UEA ni kaangai, “A tia Iteraera ma Iuta ni karaoi b'aai aika a rangi ni kakamaaku. E a onrake abaia irouia taan tiriaomata, ao e a onrake Ierutarem n te tiritiri. A taku b'a I a tia ni kiitaniia, ao I aki konaa n noori b'aai ake a tia ni karaoi.”

Teb'ania 1:12

“N te tai arei, N na anaa te taura mani kibeea nanon Ierutarem. N na oroia ake akea raraoman nanoia, man onimakiniia i bon irouia, man taku, “Akea te b'ai ae E kona ni karaoia te Atua nakoira, ni kakab'aiara ke ni karekekaira.”

Tekaria 4:10

Ane a na manga kukurei aomata ake a b'ainingarea te waaki ngke e a tib'a waakinaki, ngkana a noora Terub'abera n taua te atiibu ae e kakaawaki aei. Ao oneani mwiin matau taian taura aika itiua aikai, matan te UEA, a noori b'aai nako n te aonnaba.

1.I-Korinto 4:5

Ma ngaia ae kam na tai motika taekan te aomata i m'ain taina raoi, are tain rokon te UEA, are E na kaoti b'ain te roo aika raba, ao E na kaoti naba iango aika raba i nanoia aomata. Ao ngkanne ane a na anganaki aomata nako kamoamoaaia mairoun te Atua.

Ebera 4:13

Bon akea te b'ai teuana ae karikaki ae na raba mai Rouna; ma a bane b'aai ni kakiaki rabunaia ma ni kaotaki raoi i matan Teuare Ngaia ae ti nangi taekin arora nako Ina.