Ieremia 15:6 - Te B'aib'ara

⁶ Au aomata, kam a tia ni katukai ma ni kitanai. I a kua ni kaotan te akoi. ao bon anne bukina ngkai N na tiringkami

Ieremia 15:6 Iomraidhean Croise

Itaia 1:4

Iteraera, bon te botannaomata ngkoe ae ko buubure, ao ko onrake n te kaairua. Ko rangi ni buakaka, ao ko kam'araa ao ko a tia n tannako mai roun te UEA, ae Atuaia Iteraera ae te Atua ae tabu.

Itaia 28:13

Ao ngkai e nang riki ana rongorongo nakoim b'a taiani b'anaa aika akea nanoia aika a na okioki. Ao i mwiina, ko na b'aka nako bukim, ma ni ikoaki ao ni m'ane.

Itaia 31:3

Bon taian aomata naba kaain Aikubita. Bon tiaki Atua ngaiia. A bon karaoaki naba aia aoti man te iriko; a aki konaa ni maiu n aki toki. Ngkana e kaota m'aakana te UEA, ao ane e na tiringiia kaain Aikubita ao koraki ni kabane ake a mwiokoia. A na bane ni kaai ni b'aka.

Ieremia 1:16

N na katuaaia au aomata, i bukina b'a a kaairua ngke a rairaki nako mairou n taromauri bouananti.

Ieremia 13:14

Ao N na kaaioroia i bon irouia kaanga taian tiaeki. N na bon aki nanoangaa ae e uarereke ma ae a kara, a na bane n tiringaki. Bon aei au taeka Ngai ae te UEA.

Ieremia 2:13

Kam a tia ni bure ngkami aika au aomata ni b'aai aika uoua kam a tia ni katinanikuai, Ngai ae Nen te ran ni kamaiu ao kam kataia n itiia ami ran n taian ni ne n ran aika tabwenaua aika a raran aika a kekenaki i nanon te tano.

Ieremia 2:17

Bon am bure! Ko katoka iriiraku, Ngai ae te UEA ae te Atua,

Ieremia 2:19

Ane a na katuaeko am bure, b'a bon te bure ae moan te buakaka b'a kam kiitanai ao kam aki roko n te maaka te rekenikai. Bon aei Au taeka Ngai ae te UEA ae Moan te M'aaka.

Ieremia 20:9

N taai tabetai ao I taetae bon i nanou b'a N na aki manga oki n iangoiko te UEA, ke n atoatonga aram. Ma a ura am taeka i nanou ma riiu, ao I a aki konaa ni kainab'aabu.

Ieremia 44:22

Ao ngkana E aki konai moan ami bure te UEA aika a ribaaki, ao E kamaraiaa te aba ao E onikia nakon te rereua, n aron ae e riki n te bong aei.

Ieremia 6:11

E ura unim n ekaanako Iuta i nanou ao I aki konaa n taotaonna. Ko na aki tautauai! Ti nang kamaunaia aomata ni kabane— ataei akana a tabe n takaakaro ao ikawai ni kabane, ti te bo ataei ma ikawai.

Ieremia 6:12

N na katuaaia kaain Iuta ma n anga aia auti ma aia tawaana nako ia tabem'aang, ao ai uana naba ma buuia. Bon aei au taeka Ngai ae te UEA.

Ieremia 6:19

A kakeaa bonganau Au aomata ao a katinanikui au tua nako. A baaireia b'a a na karaoi m'akuri aika a buakaka, ao ngkai, te buakaka are a baaireia e na manga bon riki nako ia.”

Ieremia 7:16

Ieremia, ko na aki tataro i bukiia aomata aikai! N na aki kan ongo Ngai ae te UEA.

Ieremia 7:24

Ma a aki kan ongo ami bakatibu. A bonotaninga, ao ngkana I tangiria b'a a na nakon te kawai teuana, ao ngaiia a aki toki n nakon te kawai teaina.

Ieremia 8:5

Ma ngaia are, e aera ngkai kam rawa n oki nako iu? E aera ngkai kam baimatoai antimi ni kewe?

Ieremia 8:9

A a tia ni katinanikui baika I taekin ami taani wanawana, ai ngaia are, akea wanawanaia. A riai ni kam'aneaki ngkai ma ni kamaamaaeaki; a aki ataa te b'ai ae a riai ni karaoia.

Etekiera 14:9

Ngkana e anga te rongorongo ae e kewe te burabeti, ao boni Ngai ae I karaoa te burabeti b'a e na kewe. Ma N na bon aki butim'aia ao N na kanakoa mai buakoia au aomata,

Etekiera 25:7

Ma ngaia ae N na anga ngkami nakoia kairiribai aika a na kimoaingkami. N na kamaunaingkami ni kabane. E na aki tau nikiraia ami aomata ni manga karika riki ami botannaomata, ao ane kam na ataai iai b'a bon Ngai ae te UEA ae te Atua ae I karaoi baikai ni kabane.

Etekiera 35:3

ao ko na kaangai nakoia: I a riki Ngai ae te UEA ae te Atua b'a ami kairiribai ngkai! Ao N na onika ami botannaomata nakon te aba ae akea manenana ae akea kanoana,

Otea 11:7

A tia n iangoia Au aomata b'a a na katinanikuai i bukin te anti ae a taku b'a e korakora riki, ma e bon aki konaa ni buokiia.

Otea 13:14

E bon riai Irou Ngai ae te UEA b'a N na kamaiungkami man te mate ma te ruanimate? I aki! I wetea te mate ma te ruanimate b'a e na oreingkami kaanga rokon te kai. I rawa ni kaota te nanoanga.

Otea 4:16

Bon akea uaam n ai aron te kao ae e taningabono ko rangi n taningabono n te aro are I aki konaa Ngai ae te UEA, ni kaam'arakeko kaanga taian tiibu ataei i nanon te tabo n uteute ae e tangaina.

Teb'ania 1:4

N na oroia aomatan Ierutarem, n te aba ae Iuta ni kabane, n na kamaunaia n tatabemaniia nako, aomata ake a taromauria B'aara, b'a e aonga ni bon akea manga uringaia ibonga ni beekan.

Tekaria 7:11

Ma aomata nako aika a ongo irouia burabeti aikai, a bon taningabono ma n rawa ma n aki ongotaeka irou.