Ieremia 15:5 - Te B'aib'ara

⁵ Kaain Ierutarem, antai ae e na nanoangaingkami? Iai ae e na titirakiningkami b'a kam uara?

Ieremia 15:5 Iomraidhean Croise

Iobi 19:21

Nanoangaai! Bon raoraou ngkami! E a tia n oreai te Atua ni kab'akaai ni baina.

Taian Areru 69:20

A riki aia taetae n iowawa nako iu b'a uruan nanou, ao I rawaawata iai. I kaantaninga nanoangakiu, ma akea ae e reke; Ao akea naba ae e reke i bukini karauan nanou.

Te Otinako 18:7

Ma ngaia are, e a kaman butim'aia Moote, e bobaraaki i mataia ma ni kaboria ao n inga ma ngaiia. Ao a i titirakiniia i bon irouia b'a a uara, ao i mwiina, a kaai n rinnako n ana auti n rianna Moote.

Itaia 51:19

Ko a tia n uruaki n te buaka ao te rongo; I a aki konaa n anganiko karauan nanom.

Ieremia 13:14

Ao N na kaaioroia i bon irouia kaanga taian tiaeki. N na bon aki nanoangaa ae e uarereke ma ae a kara, a na bane n tiringaki. Bon aei au taeka Ngai ae te UEA.

Ieremia 16:5

Ko na aki kawariia aomata akana a mate aia koraki ke ni kaota nanokaawakim iai. N na aki manga tangiriia ke ni kakab'aiaia ke n nanoangaia kaain Iuta.

Ieremia 21:7

Ao n te kabanea n tai, N na kariaia Nebukaneta ma ana taanga ni buaka b'a a na buaka n niniia nako i Ierutarem ma ni kataenikaiia ni kabane taian nikira ni maiu iai, n reitaki ma ngkoe ao am mataniwi nako. Ma e na bon aki konaa n nanoanga Nebukaneta ke n akoa naba temanna—ane e na tiringko! Bon aei au taeka Ngai ae te UEA.

B'aeb'aeti 1:17

I anganako baiu, ma bon akea ae kani buokai. E a tia ni karokoia au kairiribai te UEA man taabo nako. A karaoai b'a kaanga te b'ai ae kam'araa.

Naum 3:7

A na bane ni kararoako ake a noriko. Ane a na kaangai, ‘E na uruaki Ninewe. Antai ae e na kan nanoangaia? Antai ae na kan kabebetea nanona?’ ”

Tani Motiki-taeka 18:15

Ao a kiitana te kawai taani buaka ake 600 ao a nakon ana auti Mika ike e mena iai te rorobuaka are kanoan Rewi. A tei i mataroan te kawai n rin ao a kamaura te ibonga. Ao i mwiina, a m'ananga m'aane ake niiman ake a bon tia n roko ikekei mai m'aaina nakon ana auti Mika ao a anaa ana ebota te ibonga, ao taian bouananti. Ao e takaarua te ibonga ni kaangai, Uaakekei, tera ae kam karaoia?

1.Tamuera 10:4

Ao ngkana a tia ni kamauringkami, ao ane a na anganingkami taiani kariki ake uoua.

1.Tamuera 17:22

Ao e katuka te aomata temanna ma ana b'ai ao uotana ao e birinako nakon te bobuaka n titirakiniia tarina b'a a uara.

1.Tamuera 25:5

ma ngaia are, e kanakoia tengaun ana rorobuaka ma ana taeka b'a a na nako Karemera, ni kakaaea Nab'ara ma n anganna ana kamauri.