Ieremia 14:9 - Te B'aib'ara

⁹ E koaua b'a e kakubanako te kabuanib'ai aei? Te tia buaka Ngkoe ae e kabaeaki baim? Ko rineira, ao e mena ikai am Tembora. Ko na aki kiitaniira!

Ieremia 14:9 Iomraidhean Croise

2.Rongorongo 7:14

Ngkana a tataro ma te nanorinano au aomata man tanrikaaki nako iu mani katoka aia m'akuri aika a bure, ao N na kaekai aia tataro mai karawa. N na kab'arai aia bure mani manga kamaiureireia abaia.

Taian Areru 10:1

Te UEA, Ko aera ngkai Ko kararoako? E aera ngkai Ko karabako ngkae I a reke n te kaangaanga?

Taian Areru 27:9

Ma ngaia ae tai karabako mairou. Ngai ae am Toro, te UEA Ko a tia ni buokai; Tai kitanai, tai taeanibai nako mai rou, Ngkoe ae te Atua, ae au Tia Kamaiu.

Taian Areru 46:5

E mena te Atua n te kaawa anne, Ao e na aki kona n uruaki; E rangi n tauraoi ni buokiia.

Itaia 12:6

Anene, ngkami kaain Tion! Bukamarua kakannaton UEAN Iteraera ae e tabu. E mena ikai te Atua b'a e na buokiko.

Itaia 43:7

Bon au aomata I karikiia n tatabemaniia nako b'a a na karineai.”

Itaia 51:9

Uti! buokiira te UEA. Ko na korakora ao tauraoi. Uti! Karaoa te b'ai are ko a tia ni karaoia nakoia am Aomata n taai ake ngkoa. Ko bon aki tataa Raaba are te mannikaakang?

Itaia 59:1

E tuai ni bua korakoran m'aakan te UEA; E boni konaa naba n ongo ao ni kaekai taiani tataro.

Itaia 63:19

Ti karaoa aron ae kaanga ko aki tautaekaniira ke ti tuai aranaki b'a am Aomata.

Ieremia 15:16

I rangi n ongotaeka, ngke Ko taetae nako iu, i bukina ngke bon Am b'ai ngai, te UEA ae Moan te M'aaka.

Ieremia 51:5

A bane ni bure aomata ni kabane i Iteraera ma Iuta. Ma I bon tuai ni kiitaniia Ngai ae te UEA ae Moan te m'aaka, te Atua ae e mimitong.

Ieremia 8:19

A tang au aomata i abaia ianena. Kakauongo! Ane ko na ongo aia taeka ae e kaangai, “E a tia te UEA ni kiitana Tion? E a aki Uea iai?” Ao I ongo ana kaeka te UEA ae e kaangai, “E aera ngkai kam kaunai n taromauriia bouannanti aika akea manenaia?”

B'aeb'aeti 5:20

Bukin tera ngkai Ko aki toki ni m'anuokiniira? Ko bia manga ururingiira?

Etekiera 48:35

Ao aran te kaawa ae e boou bon “E mena ikai te UEA.”

Ab'akuka 1:2

E na maanra au weewete ni kan buokaki ao ko na ongo irou te UEA, ao Ko na kamaiura man taian kangaanga?

Tekaria 2:5

E a tia ni berita te UEA i bon i rouna b'a E na riki b'a te oo te ai ni kaawakina Ierutarem, ao e na riki b'a te mimitong ae e raneanea i nuukan te kaawa.”

Tekaria 8:3

N na okira Ierutarem ma ni maeka ikekei i aon te Maunga are Tion. Ao ane e na ataaki iai b'a te kaawa ae e kakaonimaki, ao e na ataaki Tion b'a te maunga ae e tabu.

Warekaia Iteraera 11:23

Ao E taku te UEA, “I kona ni karaoi b'aai ni kabane! Ko na nooria b'a a na koro bukin Au taeka ni kabane.”

M'akuri 15:17

B'a a na ukoukora te UEA nikiraia aomata, ni botaki ma Tientaire, ake I a tia n atongiia b'a oin au b'ai.

2.I-Korinto 6:16

Ao tera reitakin ana um'antabu te Atua ma bouannanti? B'a ngaira bon ana um'antabu te Atua ae maiu, n ai aron ana taeka te Atua are kangai: “N na mamaeka i buakoia ao N na nakonako i buakoia; N na riki b'a Atuaia, ao a na riki b'a au aomata.”

Te Tua-Kaua 23:14

Kam na kaitiaka ami maeka man b'aai aika kam'araa ao ma ni b'aai aika ribaaki. E memena te UEA n ami maeka n taai nako, n tatauraoi ni kamaiungkami ma n anganingkami te tokanikai i aoia ami kairiribai, ma ngkana E noora te b'ai ae kam'araa i nanon ami maeka, ao E na bae rairaki ma ni kitana te tabo anne.

Te Tua-Kaua 28:10

Ao ane a na ataia aomata ni kabane n te aonnaba b'a ana Aomata te UEA ngkami, ao ane a na maakuingkami.

Ebera 13:5

A na akea ni maiumi te baki tianti, ma a na rauaki nanomi ni baika iai i roumi. B'a E a tia ni kangai te Atua, “N na bon aki kakiko, Ao N na bon aki kitaniko.”

Te Kaotioti 21:3

Ao I ongo te b'ana man te kaintokanuea b'a e kaangai, “Noria, e mena ana um'anrianna te Atua irouia aomata! E na maeka i rouia, ao a na riki b'a ana botannaomata; ao te Atua E na memena i rouia.

1.Tamuera 12:22

Ma E a tia n rineingkami te UEA b'a Ana aomata ni koaua. E na kakaawakiningkami n taai nako b'a kam aonga ni bane n ataa aroni korakorana.