Ieremia 14:22 - Te B'aib'ara

²² A aki konaa ni karokoa te karau taian bouannanti, ao a aki konaa ni b'aka tamruru ni karau i bon irouia. Bon ti Ngkoe ae Ko konaa n taua aron te karau, ma ngaia are, ti katikui ara onimaki iroum, Ngkoe ae te UEA ae Atuara.

Ieremia 14:22 Iomraidhean Croise

1.Uea 17:1

Eria bon te burabeti mai Titibe i Kireata. Ao e nakon Aaba n te bong teuana ao e taku, Bon ana Toro te UEA ae E maiu, ae Atuan Iteraera ngai. Ao I tuea n arana b'a e na bon aki b'aka te karau ni karokoa te tai are I a manga taetae iai b'a e na b'aka. Ao a na bon akea naba te aoi ae e na ruo nako aon te tano.

1.Uea 17:14

E a tia ni berita UEAN ae Atuan Iteraera b'a e na bon aki babane am buraawa, ao e na aki babane naba kanoan am b'atoro n oera.

1.Uea 18:1

Ao e aki b'aka te karau i nanon tenua te ririki i aon Taamaria, ao e a moanna n tare te am'arake n taabo ni kabane.

1.Uea 8:36

ao Ko na ongora mani mwengam i karawa mani kab'arai aia bure. Bon am Toro aomatan Iteraera, ma ngaia are, Ko na reireiniia aroia ni maiuakina te maiu ae e eti. Ao taiaoka ni kanakoa te karau i aon te aba are Ko berita iai nakoia n aki toki.

Iobi 28:26

Ngke E motika ana tai ni b'aka te karau, ma kawain te iti are e na tootoua.

Iobi 5:10

E kanakoa te karau nako aonteaba, ao E teboki taian tawaana.

Taian Areru 130:5

E kainano nanou ni kakantaninga ana buobuoki te UEA, Ao I onimakina ana taeka.

Taian Areru 135:7

E karoko nangini karau mai tabon aonnaba; E karaoa te iti b'a raon te karau, Ao E kaotinakoa te ang mani nen ana b'ai.

Taian Areru 147:8

E kaona karawa n taian nang; E katauraoa te karau i bukin aon te aba ao E karikirakei uteute i aoni maunga.

Taian Areru 25:21

I ongotaeka iroum ma nanou ni koaua, Ao I onimakiniko, n ataakina b'a Ko na kamaiuai.

Taian Areru 25:3

A aki kona ni konaaki akana onimakiniko irouia aiaia; ma ti te koraki ake akea nanoia b'a ti te kan ekiko nako.

Taian Areru 27:14

Ko na kaantaninga te UEA, Ko na korakora ma n ninikoria; Ko na kaantaninga te UEA.

Itaia 30:18

E tataninga te UEA ae te Atua ni kaota m'aitin ana akoi ao n nanoangaingkami. E aki toki te UEA ni kaakaraoa ae e raoiroi; e kakab'aiaia akana a onimakinna.

Itaia 30:23

E na kanakoa te karau te UEA b'a e na teboki taian Atiniberita akana iroum-a na manga kariki riki taian uaa am tawaana nako nakon are ko bon tangiria, ao a na am'arake am nanai ni kao n taian tabo n uteute aika a tangaina.

Itaia 41:29

Bon akea boonganaia, ao bon akea te b'ai teuana ae a konaa ni karaoia akea manenaia nakon te ang ae e a taonnako.

Ieremia 10:12

Ko karaoa te aonnaba ao ko taakin taiani karawa ni wanawanam ao m'aakam.

Ieremia 10:13

A rurunga raan ake n taiani karawa n am taeka. Ko kabetirakei naang ko kanakoi taian ang man am autinib'ai ao ko karaoa te iti i nanon te karau.

Ieremia 10:15

Kaanga bon ti taian b'ai ni keekewe ao a na manga kamaunaaki ngkana e a roko te tai.

Ieremia 10:3

Bon akea nanon aia aro! A koroi ni kab'akai taian aroka, ao a karaoi taian banna iai i bukin aia bouannanti,

Ieremia 16:19

Ara UEA, boni Ngkoe ae Ko anganai te korakora ma ni kaawakinai kaanga te nono ngkana I reke n te kangaanga. Ane a na roko aomata ni kawarai man taiani botannaomata aika a raroa nako ao a na kaangai, A taromauri anti ni kewe aika a akea manenaia Ara bakatibu.

Ieremia 5:12

A b'anganikewe aia burabeti ao a taku, “E aki konaa ni katuaaira te UEA. Ti na maeka ma te rau ao a na m'aiti karara.”

Ieremia 5:24

Kam rawa ni kaangai, “Ti a taromauria te UEA! Boni Ngaia ae e karoorokoa te karau n te aumeaang ma te aumaiaki. ma n anganiira uaan te tai ae e tamaroa.”

Ieremia 51:16

A rurunga ranin taiani karawa n Ana taeka. E kariki taian nang b'a a na kaoti; ao E kanakoi taian ang man ana autinib'ai ao E karaoi taian iti i nanon te karau.

Otea 2:7

E na biri rimwiia ana tangira, ma a na aki reke i rouna; E na ukoriia ma a na aki reke. Ao ane e na kaangai, “N na okira moan buu. N na bon oi n aomata riki iai.”

Ioera 2:23

Kaain Tion, kam na nebonebo mani karinea te UEA ae Atuami! E tituaraoi b'a E karokoa karaun te aumaiaki ma te aumeaang n taina.

Amota 4:7

I taua naba te karau b'a e na aki b'ab'aka i aon arokami. I kab'aka te karau nakon aon te kaawa teuana ao I aki kab'aka nakon te kawa teuana. E b'aka te karau n te tawaana teuana ao a mate arokan te tawaana teuana.

Mika 5:6

A na kataenikaia Aturia are n aban Nimrota n aia b'ai ni buaka, ao a na kamaiura mairouia I-Aturia ngkana a roko ni buakaniira.

Mika 7:7

Ma ngai, N na tarataraa te UEA, ao N na boni kariaria te Atua ma te onimaki, b'a E na boni kamaiuai. E na bon ongo irou.

Mataio 5:45

b'a kam aonga n riki b'a natin Tamami are i karawa iai; b'a E kaota ana taai i aoia akana buakaka ma akana babakanikawai.

Te Tua-Kaua 28:12

E na kauka ana Autinib'ai te UEA are i karawa ike E kakaawakina iai te karau, ao E na kab'aka te karau i aon te aba n taai aika riai. E na kanakoraoi b'aai ni kabane aika kam karaoi. A na rangi ni m'aiti ami m'ane are kam na kataarauia iai botannaomata tabeua, ma kam na aki kainanoa te taarau.

Te Tua-Kaua 32:21

Kam taromauri bouananti aika akea bonganaia, kam kamaraka nanou ao kam kaunai. Ao ngkai N nang kanakoa nakoimi te botannaomata ae akea bonganaia ae akea manenaia b'a a na kamaraki nanomi, ma ni kauningkami.