Ieremia 14:2 - Te B'aib'ara

² A tang Iuta ma Ierutarem ngke e a m'autakataka te aba.

Ieremia 14:2 Iomraidhean Croise

Iobi 34:28

A imanonoia aomata aika kainano b'a a na tang nakon te Atua, ao E ongo b'anaaia ni kan buokiia.

Taian Areru 144:14

A bia bungiia natiia ara kao n akea temanna irouia natiia ae na kabuanib'ai. A bia akea te b'ana ni kananokawaki i nanoni kawai n ara kaawa.

Te Otinako 2:24

ao E ongo tangiia ae e korakora te Atua. E aki m'aninga ana berita are E karaoia ma Aberaam, Itaaka, ao Iakob'a,

Itaia 15:5

Ai kaawara Moaaba! A biri nako kaaina nako Toa ao nako Ekerata-Teritiia. A tang i aon kawaia ni waerake nakon te kaawa are Ruita; A taekina rongorongon te kabuanib'ai i aon te kawai nako Oronaim.

Itaia 24:11

A mauna nako taai ni kukurei man te aonnaba, ao a takaarua aomata ni kawain nako te kaawa ni kaangai, “E a bane ara wain!”

Itaia 24:4

E a bane tain te aonnaba; a na mauna nako ana taani kairiiri n riki n akea manenaia.

Itaia 24:7

A m'autakataka taian nne n aroka ni kureebe: a kani bane n akea taian aroka kureebe e ongo te aba taian tang n onei mwiin taian takaakaa ni kukurei.

Itaia 3:26

E na tanginiwenei te kaawa ae e buubura ao a na tekateka i aon te baareka, ao a na akea kaaina.

Itaia 33:9

A m'au ma n akea arokan aon taian tawaana; E mauna raoiroin te Maunga are Reb'anon n te maamaa. E a riki b'a te rereua te M'arua are Tiaron; a mrara baan arokan buakonikain Batian ao Karemera.

Itaia 5:7

Bon te UEA Ngai ae Moan te M'aaka! Bon te nne n aroka ni kureebe Iteraera, ao te nne n aroka Iuta ae I tararuaia. I kaantaningaa te raoiroi ao te eti, ma I tii kunea te buakaka ma tangiran te nanoanga.

Ieremia 11:11

Aio te b'ai ae baaireia b'a e na karaoia. N na karokoa te rawaawata i aoia kaain Iuta ao Ierutarem, ao e na akea ae e na reke birinakona. Ane a na buubutiai buokaia ma N na aki ongo aia tataro.

Ieremia 12:11

A bane n akea kain taian tawaana aika I noori ao akea temanna ae e tabe iai.

Ieremia 12:4

A na maanra riki te tai ae e na tiku iai te tano ni m'auteretere ao ni b'atakataka taabo n uteute? Ane a na mate mannikiba ma maan nako ao a aki manga oki. Ao a bane n riki baikai ni kabane i bukin aia bure Iteraera. A boni kakaniko naba ni kaangai, “E aki noora te bure ae ti karaoia te Atua.”

Ieremia 18:22

A a tia ni ken taian m'anono aomata aikai ma b'ainikam'ane i buku, te UEA. Karaoia b'a a na takaarua ni maaku ngkana Ko kanako ia taanga ni buaka b'a a na buakan mwengaia nako.

Ieremia 46:12

A a tia n ongo tangim botannaomata ni kabane; ko b'ainrang, ko a bon ataia. A na b'aka am tautia nako aon te tano, ma ni b'aka temanna i aon temanna.

Ieremia 8:21

E rawawata nanou b'a a kamanatuaaki au aomata. Ao I maaku ao I tang.

B'aeb'aeti 2:8

E a tia ni iangoia te UEA b'a E na urui nonon Tion; E a tia ni katika koran te kaawa b'a E na bon urua n akea nikirana; A na bane ni b'aka taian taua ma nonon te kaawa.

B'aeb'aeti 2:9

A na m'akoroua ma n inako atiibun mataroana n te tano, E na otouai kaai ake b'ain kainan te mataroa. A uotaki nako ngkai b'a taenikai uea ma aomata ake a kakannato. Akea te reirei n te tua, ao akea naba te kaotioti mai iroun te UEA nakoia Ana burabeti.

B'aeb'aeti 5:10

A bue rab'atara ni korakoran te baki, ni karokoa e a kabuebue kunra n ai aron te ai ni umum.

Otea 4:3

Ao e a rereua abam. A bane ni mate maan aika a maiu aomata ma maan aika aki manana, mannikiba ao ika.

Ioera 1:10

A tang taian tawaana aika akea arokana; a bue ma ni b'atakataka.

Ioera 1:11

Kam na tang i bukin ara tabo n ununiki ao ara nne n aroka ni kureebe! Ai akea te uita ke te b'aare ni maiu i nanon taian tawaana.

Ioera 1:14

Tuangiia taani kairiiri ao aomata b'a a na bootaki n au Tembora. Tuangiia b'a a na aki am'aam'arake ao a na tataro ni kakorakoraia.

Ioera 2:6

E kakamaaku moan norakiia.

Akai 1:11

Ma ngaia are, a na bane n rereua b'aai nako n Au taeka-abami ao ami tabo n uteute, ami nne ni kureebe ao nnen arokami te oriwa, ami man ao ai boni ngkami. A na akea manenan ami m'akuri korakora.

Tekaria 7:13

ao I a kaangai, “Kam aki tabe ngkami aika aomata ngkana I weteingkami, ao ngkai N na aki kan ongo ngkana kam weteai.”

1.Tamuera 5:12

ao koraki ake a reke maiuia a manga rawata ni kinaka aika warebwerebwe mataia. Ao a bane n tangira buokaia mairouia atuaia.

1.Tamuera 9:16

“I a tia n noora rawawataia Au aomata, ao I ongo aia wewete ni kani buokaki. Nakon te ingabong, ao N na kanakoa te m'aane man te baronga are Beniamin, ae na kamaiuia aomata mairouia kaain Biritia. I tangiriko b'a ko na kab'aroa b'aan te oriwa i aon atuuna ni kaotia b'a e na riki b'a aia tia kairiiri.”