Ieremia 14:18 - Te B'aib'ara

¹⁸ I noora rab'ataia aika a mate n te buaka i nanon taian tawaana. Ao I nooria aika a mate ni baki i nanon taiani kaawa, ma a bon waaki aia m'akuri taian burabeti ma ibonga, n aki ataa te b'ai ae e a tia n riki.”

Ieremia 14:18 Iomraidhean Croise

Itaia 22:2

E onrake ami kaawa n taiani karongoaa n tatakarua. A na aki mate n te buaka koraki ake a wene ni manging i nanon kawain nako nuukan te kaawa.

Itaia 28:7

A bebe waeia ibonga ma burabeti b'a a koro ni manging. A rangi ni mangaongao aia iango n te aro are a aki konaa ni butim'aea ana rongorongo te Atua ke n anga babaaire aika a raoiroi.

Ieremia 2:8

A aki kan ataai taian ibonga ake a reireiniia aomata au tua nako. A kakaitaraai ami taani kairiiri; ao ami burabeti a tataekina ana taeka B'aara ao a taromauriia atua ni kewe.

Ieremia 23:21

I bon aki kanako ia burabeti aikai ke n tuangiia b'a a na taetae nako imi, ma a biri ni kakaeingkami ma n tataekina aia rongorongo nako imi.

Ieremia 5:31

A anga aia rongorongo taiani burabeti n aran te anti ni kewe. a aki tangiria au ibonga ni m'akuri i buku ma ngkami-Au aomata ni koaua kam tangira te kawai aei! Ma i nanon tain te kabuanib'ai anne, kam na rairaki nakon antai i bukin buokami?

Ieremia 6:13

A bane aomata n nanonrang ma ni buakaka, te kaub'ai ma te kainano. Ni karokoa naba taian burabeti ao ibonga bon akea naba onimakinaia.

Ieremia 6:25

E taku te UEA, “Kam na aki m'akuri i nanon ami tawaana nako ke n nakonako i nanon te kawai. E rangi ni kamaamate. A rangi toamau kairiribai ni b'aai ni buaka

Ieremia 8:10

N na anga buuia ma aia tawaana nako ia ianena. A a bane n nanonrang ao n aki raoiroi aomata nako, te kainano ke te kaub'ai. Bon akea naba onimakinaia burabeti ma ibonga.

B'aeb'aeti 1:20

Te UEA, an tarai rawaawatau ma korakain tamneiu! E a uruaki nanou i bukin rawaawatau n au bure. A m'aiti m'akuri n tiritiri n te kaawa, ao taian mate naba i nanon auti.

B'aeb'aeti 2:19

Teirake n tang ni katoa tairiki nakon te UEA; Kaotii b'aai ni kabane nakon te UEA, ao butiia b'a e na nanoangaia am ataei Ataei ake a mate ni baki i nukan te kaawa!

B'aeb'aeti 4:9

E raoiroi riki mateia ake a mate n te buaka nakon mateia ake a mate n te baki, b'a akea kanaia are a na maiu iai.

Etekiera 7:15

A mena n taabo nako te buaka, te aoraki, ao te baki! A na tiringaki aomata akana a maeka i tinanikun te kaawa n te buaka, ao akana a maeka i nanon taiani kaawa a na mate n te baki ke te aoraki ae e kamaamate.

Amota 4:6

“Boni Ngai ae I karokoa te rongo nakon aon ami kaawa, ma bon akea naba te kuba iroumi n okirai.

Mika 3:11

A taua taekaia aomata taan tautaeka i bukin te babakanikawai. A kab'arab'arai tuua ibonga i bukin kaboakiia. A taetae ni burabeti i bukin te m'ane. Ao a bane n taekinna b'a aongkoa e mena te UEA irouia. Ao a kaangai, “Akea te rekenikai nakoira. E boni mena te UEA iroura.”

Te Tua-Kaua 28:36

Ao E na karikingkami te UEA b'a taenikai ngkami ma ami uea nakon te aba ae kam tuai man ongongo taekana ma ami bakatibu, ao ane kam na imanonoaki taromauri taian bouananti ikekei ake a karaoaki man taian kai ao atiibu.

Te Tua-Kaua 28:64

Ao ngkami aika kam aika reke maiumi kam na manga maenako nakon botannaomata tabeua i aon te aonnaba, ao ane kam na imanonoaki b'a kam na taromauri taian atiibu ao taian bouananti aika taiani kai aika a bon tuai buokingkami ke ni buokiia ami bakatibu.

2.Betero 2:3

I bukin aroia ni kani b'aib'ai ao ane a na karekei aia b'ai mai roumi n taeka n reirei ni kewe. E a kaman tauraoi ma ngkoa i bukiia motikan taekaia ni kabuakakaki, ao ae e teimatoa naba n tiku n taningaia te aro are a na kamaunaki iai.