Ieremia 14:16 - Te B'aib'ara

¹⁶ Ao akana a ongo irouia a na mate naba, n aron are e bon riai b'a e na reke nako ia. A na karenakoaki rab'ataia nako nanon kawain nuukan te kaawa i Ierutarem, i bukina b'a a na mate naba aia utu, ao a na akea ae e na tiku ni maiu, are e na tauniia.

Ieremia 14:16 Iomraidhean Croise

Taeka n Rabakau 1:31

“Ngkai kam nang boni kana uaan te b'ai ae kam a tia ni karaoia ni karokoa te tai are kam a onrake n te b'ai ae kam a tia ni baaireia.

Itaia 51:20

E a un te UEA ae Atuam, ao a na wene n aki konab'ai natim ni koonan kawain nuukan te kaawa ni kabane, kaanga te ria ae m'ane n te karaun.

Itaia 9:16

A tia ni kairiia ni kab'akaia botannaomata n te kawai ae e kaairua, ao a mangaongao aomata irouia.

Ieremia 16:4

Ane a na mate n te aoraki ae moan te kamaamate ao n te buaka ao te baki. Ao bon akea temanna ae e na karaoa te bootaki ni mate i bukiia ke n tauniia, ao e na riki rab'ataia b'a kanaia mannikiba ao maan aika a aki manana. Ao nikiran rab'ataia a na tiku i aon te tano kaanga nakotariia maan.

Ieremia 18:21

Ma ngkai I a butiko b'a Ko na kamateia natiia n te baki ke ni kamateia n te buaka. Kakeai buuia ma natiia mm'aane aine nako n te aoraki ao te tiritiri.

Ieremia 20:6

Batura, ko bure ni kewe ao n taekinna b'a taian rongorongo mairou. Ao anne bukina ngkai I kanakoa B'aburon b'a e na anaiko, ma am utu, ao raoraom b'a buure nako B'aburon, ike ko na bane ni mate iai ma n taunaki iai.

Ieremia 27:15

A taku burabeti aikai b'a a taetae i bukin te UEA, ma E bon aki kanako ia te UEA. A kewe! Ngkana kam karaoa ane a taku, ao kam na kaai n uaakinaki ma ngaia nakon te aba teuana ma n tiringaki. Bon anne Ana taeka te UEA.

Ieremia 4:18

“Kaain Iuta, ane a na rootaki nanomi n te maraki, ma bon ami kaairua ae e kam na katuaaeaki iai.”

Ieremia 5:31

A anga aia rongorongo taiani burabeti n aran te anti ni kewe. a aki tangiria au ibonga ni m'akuri i buku ma ngkami-Au aomata ni koaua kam tangira te kawai aei! Ma i nanon tain te kabuanib'ai anne, kam na rairaki nakon antai i bukin buokami?

Ieremia 7:33

ao ane a na raea rab'ataia aomata i aon te tano. Ane a na roko mannikiba ma maan ni kang rab'ataia, ao akea temanna ae e na konaa ni kakamaakuia ni kanako ia.

Ieremia 8:1

Ao i mwiina, ane a na kenaki riia uean Iuta ao aia mataniwi, n ikotaki ma riia ibonga, burabeti, ao aomata ni kabane ake i Ierutarem

Ieremia 8:2

ake a tangiria n taromauria taai, nam'akaina, ao taian itoi. Ane a na maenako taian rii aikai ao a na tiku n raea i aontano kaanga te mwi, ike e konaa n oota taai ma nam'akaina ao taian itoi i aoia.

Ieremia 9:20

“Ti butingkami aine b'a kam na kakauongo raoi nakon te b'ai ae E taekinna te UEA. Ti na reireiningkami te anene ni mate are kam konaa ni manga reireiniia natimi aine ma raoraomi:

Ieremia 9:22

“E a tia n tuangiira te UEA b'a e na onrake te tano n rab'ataia aomata aika a mate, kaanga oin taian uita aika a tuai ni bootaki ke kaanga nakotariia maan.”

Etekiera 39:14

I mwiin nam'akaina aika itiua aikai, ao a na rineia aomata ake a na kakaei taian mate aika a tuai taunaki. E na karaoaki aei i nanon itiua te nam'akaina b'a e na kakoauaaki raoi b'a e a aki kam'araa aon te aba.

Amota 7:17

Ma ngaia ae ngkoe ae Amatia, E kaangai Ana taeka te UEA nakoim, ‘E na riki buum b'a te aine ae ainen mataawa i nanon te kaawa, ao a na bane ni mate natim n te buaka, ao e na tib'atib'aaki abam nakoia tem'angina. Ao ngkoe, ko na mate i nanon abaia beekan, ao a na uotaki nako aomatan Iteraera mai abaia b'a taenikai.’

Mataio 15:14

Katikuia i bon i rouia! taani kairiri aika mataki. Ao ngkana te aomata ae mataki e kaira ae mataki naba, ao a na uaia ni b'aka i nanon te ruarua.”

Te Kaotioti 16:1

Ao I ongo te b'anaa ae korakora man te Tembora, b'a e kaangai nakoia anera ake itiman, “Kam na nako ni kab'aroi i aon te aba kanoani boora ake itiua ake booran unin te Atua.”