Ieremia 14:14 - Te B'aib'ara

¹⁴ Ao E kaeka te UEA ni kaangai: A taku b'a a taetae i buku, ma a kewe! I bon aki taetae naba nako ia teutana, ao I bon aki rineia b'a au burabeti. A taetae ma ni miia aika akea manenaia, ao taeka ni kaiwa aika akea manenaia, ao oin aia iango.

Ieremia 14:14 Iomraidhean Croise

Itaia 56:10

Kam riai n riki ngkami taan kairiiri i Iteraera b'a kamea ake taan taratara, are kam na kakawakiniia au aomata. Ma akea te b'ai ae kam konaa n nooria, ao kam aki konaa naba n anga te kauring nakoia. Ma ti te b'ai ae kam karaoia te nimatutuu ao te mimiiroaroa.

Itaia 9:15

Bon atuuia taan tautaeka, ao bukibweeia bon taiani burabeti ni kewe.

Ieremia 20:6

Batura, ko bure ni kewe ao n taekinna b'a taian rongorongo mairou. Ao anne bukina ngkai I kanakoa B'aburon b'a e na anaiko, ma am utu, ao raoraom b'a buure nako B'aburon, ike ko na bane ni mate iai ma n taunaki iai.

Ieremia 28:11

Ao e manga taku, “E taku te UEA b'a aio aron te b'ai ae N na karaoia nakon te m'aaka are i roun Nebukaneta i aoia botannaomata nako, e na korobukin aei i nanon te maan ae e aki raka riki nakon uoua te ririki.” Ao I kiitana te Tembora,

Ieremia 28:13

N na nako n okira Anania ma ni kaangai: E taku te UEA b'a ko konaa n otea te amo ae e karaoaki ni kaai aika a matoatoa, ma e na manga onea mwiina n te amo ae e karaoaki man te biti.

Ieremia 28:15

Ao i mwiina, I tuanga Anania te baei, ao I a manga taku, “Ongora, Anania! E aki kanakoko te UEA, ao ko karaoia aomata aikai b'a a na kakoaua te kewe.

Ieremia 29:21

E a tia n taetae te UEA ae Atuaia Iteraera, i bukin Aaba are natin Koraia te mm'aane ao Tetekia are natin Maateia te mm'aane, are e taetaekina te kewe nako imi n arau. E a tia n taekinna b'a e na anga ngaiia nakon m'aakan te Uea are Nebukaneta are uean B'aburon, are e na kamateia i matami.

Ieremia 29:31

nako ia kaain Iuta ake a uotaki nako B'aburon. I koreia i nanon te reta aei te b'ai are e taekinna te UEA: Bon te UEA Ngai ae I aki rinea Temaia b'a e na riki b'a temanna te burabeti, ao e kam'aneingkami ngke e keweingkami n arau.

Ieremia 37:19

Ko a tia ni kainiia burabeti ake a keekeweiko ngke a taku b'a e na aki konaa B'aburon ni buakana Ierutarem?

Ieremia 5:31

A anga aia rongorongo taiani burabeti n aran te anti ni kewe. a aki tangiria au ibonga ni m'akuri i buku ma ngkami-Au aomata ni koaua kam tangira te kawai aei! Ma i nanon tain te kabuanib'ai anne, kam na rairaki nakon antai i bukin buokami?

Ieremia 8:10

N na anga buuia ma aia tawaana nako ia ianena. A a bane n nanonrang ao n aki raoiroi aomata nako, te kainano ke te kaub'ai. Bon akea naba onimakinaia burabeti ma ibonga.

Ieremia 8:11

Ti te b'ai ae a anga nako ia Au aomata aika ikoaki kaakaiaki bon kantaningaan te raoi ae akea nanona.

B'aeb'aeti 2:14

Akea riki te b'ai ae a kona n taekinna am burabeti, b'a ti te kewe aroia. A kam'anei ngkami n aia kab'arab'ara b'a aki kona ni kaoti ami bure nakoimi. A anganiko te koaua ae aongkoa ko aki kainanoa te raira n nano.

B'aeb'aeti 2:9

A na m'akoroua ma n inako atiibun mataroana n te tano, E na otouai kaai ake b'ain kainan te mataroa. A uotaki nako ngkai b'a taenikai uea ma aomata ake a kakannato. Akea te reirei n te tua, ao akea naba te kaotioti mai iroun te UEA nakoia Ana burabeti.

Etekiera 12:24

A na aki manga oki aomata n ongo taeka ni kauring aika akea manenaia ke taian rongorongo aika a kewe.

Etekiera 13:2

Etekiera ae natin te aomata, ko na kabuakakaia burabetin Iteraera ake a taetae n arau, ma a kab'arab'arai rongorongo aika a bon karioi man oin aia iango. Tuangiia b'a e a roko te tai are e na ongo te aba iai au rongorongo.

Etekiera 13:23

N na bon aki manga kariaia aine aikai b'a a na anga te rongorongo ae a kaairua ma ni kamanenai taiani tabunea, ao N na kainaomataia au aomata man aia babaaire. Ao ane a na ataia iai b'a boni Ngai ae te UEA ae I karaoi baikai.

Etekiera 21:29

Ngkami aika kaain Ammon aika kam buakaka kam noori taian kaotioti ao kam kakoauai rongorongo aika aki koaua. Ma e a kaan bongin katuaaeakimi, ao e na tiringngkami Au kabaang!

Mika 3:11

A taua taekaia aomata taan tautaeka i bukin te babakanikawai. A kab'arab'arai tuua ibonga i bukin kaboakiia. A taetae ni burabeti i bukin te m'ane. Ao a bane n taekinna b'a aongkoa e mena te UEA irouia. Ao a kaangai, “Akea te rekenikai nakoira. E boni mena te UEA iroura.”

Tekaria 10:2

Kam aki konaa n onimakini taian bouananti ma taani kaiwa, ke ni mwiokoa te kaantaninga ae kam karekea mairouia taan tabunea ma taani kab'ara mii. Ma kam a tia ni katai baikai ni kabane, ao kam a riki ngkai b'a kaanga taian tiibu aika akea te tia kaawakiniia.

Tekaria 13:3

Ngkana arona b'a a manga kaoti burabeti aikai, a na kauringaki irouia aia karo b'a a na mate i bukin tataekinan taiani kewe n arau-aran te UEA. Ma ngkana a aki katoka aia taeka burabeti aikai, ao a na riai n tiringaki irouia aia karo n te kabaang.

Te Tua-Kaua 18:20

Ma ngkana arona b'a I tuai taetae, ao e a manga taetae te burabeti ma ni bukinna b'a aongkoa Au rongorongo, ao kam na riai n tiringa te burabeti anne, ao te burabeti naba ae taku b'a e taekina ana rongorongo te atua temanna.

1.Timoteo 4:2

aika nako mairouia taani kewe aika m'am'anaa te aba, aika mate mataniwin nanoia b'a kanga mwini kabuokaia n te biti ae kabuebue;

1.Ioane 4:1

Ngkami aika kam tangiraki, kam na tai iri nanoia tamnei ni kabaneia, ma kam na neneri aroia ni kakoauai b'a tao mairoun te Atua ke tiaki: b'a a bati burabeti ni kewe aika a tia ni waki n aia m'akuri i aonnaba, ao ae a boni waki naba ngkai.