Ieremia 14:13 - Te B'aib'ara

¹³ Ao I kaeka ni kaangai, “A teimatoa burabeti ake tekorakina n tuangiia aomata b'a ko na bon aki karokoa te baki ke te buaka, ma Ko na anganiira te raoi.”

Ieremia 14:13 Iomraidhean Croise

Itaia 56:10

Kam riai n riki ngkami taan kairiiri i Iteraera b'a kamea ake taan taratara, are kam na kakawakiniia au aomata. Ma akea te b'ai ae kam konaa n nooria, ao kam aki konaa naba n anga te kauring nakoia. Ma ti te b'ai ae kam karaoia te nimatutuu ao te mimiiroaroa.

Ieremia 1:6

Ao I kaeka ni kaangai, “I babanga n taetae, te UEA ao I rangi ni uarereke.”

Ieremia 20:6

Batura, ko bure ni kewe ao n taekinna b'a taian rongorongo mairou. Ao anne bukina ngkai I kanakoa B'aburon b'a e na anaiko, ma am utu, ao raoraom b'a buure nako B'aburon, ike ko na bane ni mate iai ma n taunaki iai.

Ieremia 23:17

A m'ananga burabeti aikai nako ia aomata ake a rawa ni karineai aika a taningabono aika a bon karaoi b'aai ake a bon tangiri. A kaangai burabeti nako ia, E a tia ni berita te UEA b'a a na nako raoi b'aai nako.”

Ieremia 37:19

Ko a tia ni kainiia burabeti ake a keekeweiko ngke a taku b'a e na aki konaa B'aburon ni buakana Ierutarem?

Ieremia 4:10

I taku, “Bon te UEA Ngkoe ae te Atua. Ko a tia n kam'aneia raoi kaain Ierutarem! Ko a tia n taekinna b'a e na roko te rau, ma e a roko te kabaang i roroaia?

Ieremia 5:12

A b'anganikewe aia burabeti ao a taku, “E aki konaa ni katuaaira te UEA. Ti na maeka ma te rau ao a na m'aiti karara.”

Ieremia 5:13

A taekin taiani kewe aikai n arau, ma ngaia ae ngkai a na mate n te buaka ke n te mate ni baki.

Ieremia 5:31

A anga aia rongorongo taiani burabeti n aran te anti ni kewe. a aki tangiria au ibonga ni m'akuri i buku ma ngkami-Au aomata ni koaua kam tangira te kawai aei! Ma i nanon tain te kabuanib'ai anne, kam na rairaki nakon antai i bukin buokami?

Ieremia 6:14

Ti te b'ai ae a konaa n anga nako ia au aomata aika a rangi n ikoaki kantaningaan te rau ae akea nanona.

Ieremia 8:11

Ti te b'ai ae a anga nako ia Au aomata aika ikoaki kaakaiaki bon kantaningaan te raoi ae akea nanona.

Etekiera 12:24

A na aki manga oki aomata n ongo taeka ni kauring aika akea manenaia ke taian rongorongo aika a kewe.

Etekiera 13:22

A karaoi b'aai aika N na bon aki karaoi. A keweia aomata aika a raoiroi ao a kaungaia b'a a na karaoi m'akuri aika a kaairua, ao a anai nanoia aomata aika a buakaka b'a a na teimatoa ni karaoa te bure ma ni kaburei toroni maiuia.

Mika 3:11

A taua taekaia aomata taan tautaeka i bukin te babakanikawai. A kab'arab'arai tuua ibonga i bukin kaboakiia. A taetae ni burabeti i bukin te m'ane. Ao a bane n taekinna b'a aongkoa e mena te UEA irouia. Ao a kaangai, “Akea te rekenikai nakoira. E boni mena te UEA iroura.”

2.Betero 2:1

Ma bon iai burabeti ni kewe i buakoia aomata ngkekei, ao ai bon arona naba b'a a na iai i buakomi taan reirei ni kewe, aika a na kaoti n te aro ni karaba ao ana uoti taiani koaua aika kairua aika na urua te onimaki, ao a na kakeaa te Toka are kainaomataia; ao n te aro aei a na karoko mateia iai ni waekoa.