Ieremia 13:22 - Te B'aib'ara

²² Kam ataia b'a aera ngkai a raeraeaki ami kunnikai ao ma ni kabuakakaki? B'a bon i bukin ami bure aika a rangi ni buakaka.

Ieremia 13:22 Iomraidhean Croise

Itaia 20:4

A na bane ni uotaki nako iroun uean Aturia aomata ni kabane aika i nanon kaawa aika uoua aikai ao a na aki karabaaniia ao a na aki kauniwaeniia. Te ataei ma te ikawai, a na anaaki b'a taian taenikai, ao e na kamaamaaeaki Aikubita.

Itaia 3:17

Ma N na kaon atuuia Ngai ae te UEA n taiani kinaka, ao N na kaaki karabaan rab'ataia.

Itaia 47:8

Ko taku inanom b'a ti ngkoe ae ko rangi ni m'aaka, n te aro are manga akea buum ma ni bua natim nako. Ti te b'ai ae ko tabeakinna bon te kukurei, ma ko na kakauongo nakon te b'ai ae I taekinna.

Ieremia 13:26

Kam mareaki ma Ngai, ma kam aki kakaonimaki. Kam riki naba b'a ainen mataawa n aromi n taromauri anti aika a ribaaki i aon taian tabuki ma tawaana.

Ieremia 14:16

Ao akana a ongo irouia a na mate naba, n aron are e bon riai b'a e na reke nako ia. A na karenakoaki rab'ataia nako nanon kawain nuukan te kaawa i Ierutarem, i bukina b'a a na mate naba aia utu, ao a na akea ae e na tiku ni maiu, are e na tauniia.

Ieremia 5:19

Ao ane a na titiraki akana a riki b'a nikira ni maiu ni kaangai, “E aera ngkai E karaoa te b'ai ae e kakamaaku aei te UEA ae te Atua nakoira?” Ao kam na tuangiia ni kaangai: Bon te UEA Ngai, ma kam a tia ni kiitanai n taromaurii anti tabem'aang ni bon oin abami. Ao ngkai kam na riki b'a tooro i abaia ianena.

B'aeb'aeti 1:8

Ai bon akea karineana; e bebeekan ma na kateaki b'a e na tirobaeaki. E tang ao e karabai matana b'a e mamaa. E bon karaoia b'a e na ribaaki i bukin ana bure.

Etekiera 23:26

A na raeraeaki am kunnikai ao am b'ai ni katamaroa.

Otea 12:8

Ko kaangai i bon iroum, “I a kaub'ai! I bon karekei ni kabane i bon irou, ao akea te bure iai.”

Otea 2:10

N na buuta kunnikaina ni kabebekanna i mataia ana tangira nako, ao bon akea temanna ae e na konaa ni kamaiua.

Otea 2:3

b'a I kaawa ni buuta kunnikaina ni kabebekanna kaanga te bong are e moan bungiaki iai. N na karikia b'a e na kanoabo kaanga te rereua, ao e na mate n te taka.

Otea 2:5

E aki kakaonimaki tinam. E rangi ni b'ainrang ao e taku, “N na biri n rimwiia au tangira A bane n roko b'aai mairouia kanau ma nimau, kunnikaiu te riinen ao te burae n tiibu, au b'a n oriwa ao te wain.”

Naum 3:5

E taku te UEA ae Moan te M'aaka; “N na katuaaeko, Ninewe! N na taekanako karabaam ni kabebeekaniko, b'a a na noriko botannaomata nako, A na nora arom ni kamamaaeaki.

Teb'ania 1:12

“N te tai arei, N na anaa te taura mani kibeea nanon Ierutarem. N na oroia ake akea raraoman nanoia, man onimakiniia i bon irouia, man taku, “Akea te b'ai ae E kona ni karaoia te Atua nakoira, ni kakab'aiara ke ni karekekaira.”

Te Tua-Kaua 18:21

Tao kam na kaangai i nanomi, Ti nang kanga n ataia b'a bon te rongorongo mairoun te UEA?

Te Tua-Kaua 7:17

Tao kam na kaangai, Ti na kanga n tiringiia botannaomata aikai? A korakora riki nakoira.

Te Tua-Kaua 8:17

Ngkana kam tetekeraoi, ao kam na aki kaangai, I a kaub'ai, I boni karekei ni korakorau.