Ieremia 13:17 - Te B'aib'ara

¹⁷ Ngkana kam rangi ni kamoamoa ni kakauongo, ao N na tanginiwenei n ti Ngai. A na raanga nako rannimata mai matau ngkana a uotaki nako ana aomata te UEA b'a taenikai.

Ieremia 13:17 Iomraidhean Croise

Taian Areru 119:136

A waanako rannimatau kanga ai aron raangan ranin te karaanga, B'a a aki ongeaba aomata nakon am Tua.

Taian Areru 80:1

Katanimaia taningam, Ngkoe ae te tia kawakinia Iteraera b'a kanga tiibu ngaiia; Ko na ongo iroura, Ngkoe ae te tia kaiririia am nanai n tiibu. Ngkoe ae Ko tekateka i aon am Kaintokanuea are i aoia kerubim,

Itaia 63:11

Ma ana aomata a uringa te b'ai are e riki ngkoa n ana tai Moote E bon aki uotiia ngkoa te UEA ma aia taani kairiiri nako ma ni kaawakiniia raoi i nanon taari? E bon aki anganiia ngkoa Tamneina ae e Raoiroi?

Ieremia 14:17

Ieremia, naako tuangiia aomata am namakin i aon te b'ai aei. Ma ngaia are, I tuangiia ni kaangai: “E na taonako rannimatau n te ngaina ma te bong, i bukina b'a a mate au botannaomata n te ikoaki ae e korakora.

Ieremia 15:17

I aki kaei bootaki ni kukurei ni kakukureiai iai. Ma I kaawakinai, i bukina ngke Ko a tia ni kaonai n unim.

Ieremia 17:16

Ara UEA, Ko rineai b'a N na kaawakiniia Am aomata, ao bon anne te b'ai ae I a tia ni karaoia. Ko atai b'aai ni kabane aika I a tia n taekin, ao bon akea te tai teuana ae I butiiko iai b'a Ko na katuaaia iai.

Ieremia 22:5

Ma ngkana kam aki katinanikuai, ao I berita ni bon arau b'a e na wene n uruaki te bareti aei.

Ieremia 23:1

Ngkami aika taan kairiia Au aomata, ti te bo ngkami ma taan kaawakintiibu aika kam tiringiia tiibu ma ni kamaaenako ia.

Ieremia 23:2

Kam kaantaningaaki b'a kam na kaawakiniia Au aomata, ma ngaia kam a manga kakionako ia. Ma ngaia are, N na katuaaingkami n te tuua ae korakora ngkai, ni kabooa mwiin te kaairua ae kam a tia ni karaoia.

Ieremia 9:1

Tera ngke a riki matau b'a koburake n ran ni mata, n te aro are I konaa n tang iai ni bong ao ni ngaina i bukiia Au aomata ake a tia n tiringaki.

B'aeb'aeti 1:16

Ao bon anne bukina ngkai a bon taonako rannimatau. Akea ae konaa ni karaua nanou; akea ae konaa ni kaungaa nanou. E a tia ni kataenikaiai au kairiribai; bon akea nikiran aia b'ai au aomata.

B'aeb'aeti 1:2

E tangi ni korakai n te tairiki koraki, ma ranni matana i aon tabana. akea temanna i buakoia raoraona ae kona ni karaua nanona; Aaba ake a itabon ngkoa ma ngaia a manga riki b'a ana kairiribai.

B'aeb'aeti 1:9

Moan te oota raoi barekarekana, ma e aki tabe ma te b'ai are e riki nakoina. E rangi ni kaakaiaki b'akana; akea ae konaa ni buokia. E a tang nakon te Atua b'a E na buokiia ngke e a tokanikai ana kairiribai i aona.

B'aeb'aeti 2:18

O Ierutarem, ke a tang oom nakon te UEA! Ke a raanga nako rannimatam n ai aron te karaanga ni bong ao ni ngaina; Ko na tang n rawaawata n akea am tai!

B'aeb'aeti 3:48

A tao karaangan rannimatau i bukin uruaia au aomata.

Etekiera 24:16

“Etekiera ae natin te aomata, N na anaa maiun te aomata ae ko rangi n tangiria n te tai ae e waekoa. Ma I aki tangiriko b'a ko na ngurengure ke n tang.

Etekiera 34:31

Bon Au tiibu ngaiia; ao Ngai Atuaia, ao boni Ngai ae I kaawakiniia.

Etekiera 36:38

A na manga kaonaki taiani kaawa aika a wene n uruaki n taian aomata, n aron Ierutarem ngkoa ngke e onrake n taian tiibu ake a na kareanaki i bukin te toa. Ao ane kam na ataia iai b'a bon te UEA Ngai.

Etekiera 9:4

“Nakonako i nuukan te kaawa ae Ierutarem ao kanikinaai ram'aia aomata ni kabane aika a b'ara nanoia raoi ao a nanokawaki ni b'ai aika a rangi n ribaaki aika a tia ni karaoaki.”

Maraki 2:2

E raoiroi riki ngke kam kamanenaa raoi karinean arau. B'a rimwi, kam anga te kakab'aia, ao N na onikia nakon te kamaraia. N etina, I a tia ni karaoa aei, i bukina ngke kam taua ma nanomi ni karaoa ami m'akuri n ibonga.

1.Tamuera 15:11

“E a tia ni katoka arona n ongotaeka Tauro nako Iu, ao I kab'ara Au bure ngkai I karikia b'a te uea.” E rangi n un Tamuera, ao e tang n onon man tataro nakon te UEA ni kangainaa

1.Tamuera 15:35

E ngae ngke e nanoanga Tauro Tamuera, ma e bon aki roko n te manga noora Tauro Tamuera. Ao E bon nanokawaki te UEA ngke E rinea Tauro b'a te uea.