Ieremia 13:14 - Te B'aib'ara

¹⁴ Ao N na kaaioroia i bon irouia kaanga taian tiaeki. N na bon aki nanoangaa ae e uarereke ma ae a kara, a na bane n tiringaki. Bon aei au taeka Ngai ae te UEA.

Ieremia 13:14 Iomraidhean Croise

2.Rongorongo 20:23

Ma ngaia are, a teirake aia taanga ni buaka kaain Ammon ao Moaba ni buakaniia ake kaain Etom ma ni kamaunaiia ni kabane. Ao i mwiina, a manga rairakiia i bon irouia ma ni buaka ni karokoa a bon bane ni mate kaain te maeka arei!

Iobi 27:22

e oroia te ang n aki manga nanoangaia ngke a tabe ni kakaai angaia ni birinako.

Taian Areru 2:9

Ko na tiriboia n te oko ae te biti ao ni ibeibeia kanga ai aron te m'angko ae te tano.”

Itaia 27:11

Ao ngkana a b'aka m'aangana aika a m'aoto i aontano ao a manga roko aine n anaia b'a kanaan aia ai. Ma a bon rangi n nanobaba aomata aikai n te aro are E aki konaa n nanoangaiia te Atua are e karikiia.

Ieremia 15:5

Kaain Ierutarem, antai ae e na nanoangaingkami? Iai ae e na titirakiningkami b'a kam uara?

Ieremia 15:6

Au aomata, kam a tia ni katukai ma ni kitanai. I a kua ni kaotan te akoi. ao bon anne bukina ngkai N na tiringkami

Ieremia 16:5

Ko na aki kawariia aomata akana a mate aia koraki ke ni kaota nanokaawakim iai. N na aki manga tangiriia ke ni kakab'aiaia ke n nanoangaia kaain Iuta.

Ieremia 21:7

Ao n te kabanea n tai, N na kariaia Nebukaneta ma ana taanga ni buaka b'a a na buaka n niniia nako i Ierutarem ma ni kataenikaiia ni kabane taian nikira ni maiu iai, n reitaki ma ngkoe ao am mataniwi nako. Ma e na bon aki konaa n nanoanga Nebukaneta ke n akoa naba temanna—ane e na tiringko! Bon aei au taeka Ngai ae te UEA.

Ieremia 25:16

Ane a na mumuta ma n rangirang iai, i bukin te buaka ae e nang karokoa m'angkon uniu aei nako ia.”

Ieremia 47:3

Ngkana kam ongo rurungaan taian aoti ma kaa ni buaka, ao ane e na mauna nako ninikoriami, ao a na kiitaniia oin natiia kaaro nako.

Ieremia 48:12

Ma ngkai, N na kanako ia kairiribai b'a a na kab'aroa te wain ma n urui taian tiaeki!

Ieremia 6:21

Ma ngaia are, N na kaaki te b'ai ni katoki wae i m'aain kawaimi, ao a na bane ni mate, ni karokoa naba tamami ma natimi, kaain rarikimi ao raoraomi nako.

B'aeb'aeti 2:21

A kaai ni mate i nukan te kaawa ataei ma ikawai, A mate rorobuaka ma ateiaine n aia kabaang kairiribai. Ko tiringiia n akea riki nanoangaakiia n am bong n un.

Etekiera 24:14

E na bon roko te tai anne! Ao ngkana e roko, N na bon aki manga nanoangaiia kaain Ierutarem ke ni bita nanou. A na riai ni katuaaeaki i bukin te buakaka are a tia ni karaoia. Bon aei au taeka Ngai ae te UEA ae te Atua.

Etekiera 7:3

b'a katuaaeana i bukin ami bure aika a rangi ni ribaaki. I a rangi ni un Ngai ae te UEA

Etekiera 7:4

n te aro are N na bon aki manga nanoanga. N na oroingkami i bukin te buakaka ae kam a tia ni karaoia, ao ane kam na ataai iai b'a bon te UEA Ngai.

Etekiera 7:9

A rangi ni kakamaaku ami bure, n te aro are e na bon aki reke nanoangaami irou. Ao ane kam na ataia iai b'a bon Ngai ae te UEA ae I katuuaingkami.

Etekiera 8:18

Ma ngaia ae, N na katuaaia n uniu ae moan te korakora, ao N na bon aki manga nanoangaia ao N na rawa ni buokiia ngkana a tangira buokaia mai Rou.”

Etekiera 9:10

Ma ngaia ae N na aki nanoangaiia ke ni kab'araa aia bure. A na riai ni katuaaeaki i bukin te b'ai ae a tia ni karaoia.”

Etekiera 9:5

Ao I ongo b'anaan te Atua ngke e rairaki nakoia m'aane ake niiman ni kaangai, “Iria, ao tiringiia aomata ni kabane n akea temanna ae kam na nanoangaia.

Otea 2:4

A riki natim man uaan ana aki kakaonimaki, ao N na aki nanoangaiko.

Tekaria 11:6

Kaawakiniia tiibu aikai, b'a N na aki manga nanoangaiia kaain te aonnaba aei. N na kauniia aomata ma kaain rarikiia ao N na karikiia b'a ana toro te uea. A na karokoa te kabuanib'ai nakon te aonnaba, ao bon akea te m'akuri ni kamaiu teuana ae N na karaoia nakoia.

Mataio 10:21

Ao te mm'aane ane e na anga tarina b'a e na tiringaki, ao ai aron naba are e na karaoia te tama nakon natina; ao ane a na tei rake naati n ekianako nako aia karo ao a na anga b'a a na tiringaki;

Mareko 13:12

Ao mm'ane ane a na anga tariia b'a a na tiringaki, ao a na karaoa naba aron aei taama nakoia natiia. Ane a na ekianako aia karo naati, ao a na karaoi m'akuri aika a na kamateaki iai.

Te Tua-Kaua 29:20

Ao E na rangi n un te UEA, ao E na aki kab'arai ami bure, ma E nang kaokoroingkami mai buakoia baronga ake tabeua. Ao i mwiina, E na kamateingkami ni kab'aka i aomi taian taeka ni kamaraia ni kabane ake n Ana Boki n Tua te Atua, ao ane e na mauna nako taekami n aki manga uringaki ni karokoa tokin aonnaba.

1.Tamuera 14:16

Ao ana taan taratara Tauro ake a mena i Keeb'a a nooria b'a a birinako ana taanga Biritia ni uamaaenako, kaanga ai aron te taura te nenea ae ran nako.