Ieremia 13:11 - Te B'aib'ara

¹¹ E rangi n nim ni matoa te kawaerake aei i aon koream, ao bon anne arou n taua taian abanuea aika Iteraera ma Iuta. I tangiria b'a a na riki b'a au aomata. I tangiria b'a a na riki b'a aomata aika a tanoata taekaia, n te aro b'a a aonga n neboai ma ni karineai botannaomata ake tabeua, ma a rawa n ongotaeka i Rou.

Ieremia 13:11 Iomraidhean Croise

Taian Areru 135:4

E rinea Iakob'a bon i bukina, te botannaomata ae Iteraera b'a oin ana b'ai.

Taian Areru 147:20

Akea riki te botannaomata teuana ae E a tia ni karaoa aio nakoina; A aki atai ana tua. Kam na kamoamoa te UEA!

Taian Areru 81:11

“Ma e aki kan ongo irou au botannaomata; Iteraera e aki kan ongeaba naba.

Itaia 43:21

I karikiia b'a oin au botannaomata, b'a a aonga n neboai.

Itaia 62:12

Ao i mwiina, ane ko na weweteaki, ‘Ana Aomata Ni Koaua Te UEA, Ake E Bon Kamaiuia!’ E na ataaki ami kaawa b'a te tabo ni maeka ae e raoiroi ao te kaawa ae e onrake n taian aomata.”

Ieremia 13:1

E taku te UEA nako iu, “Ko na nako ni kabooa am kawaerake te kororo. Ao ko na karinna ni b'ainna n te tai ae e uarereke, ma ko na aki uatiia.”

Ieremia 13:10

A buakaka kaain Iuta ao a taningabono. Ma ngaia are, ngkai a aki kakauongo i Rou, ma a karaoi b'aai aika a bon tangiria, ao a bon taromauri naba anti tabem'aang. Ngkana e tia te b'ai ae N na karaoia nako ia aomata aikai, ao a na riki b'a te b'ai ae akea manenana, a na riki b'a kaanga te kawaerake te kororo aei.

Ieremia 13:12

Ieremia, tuangiia kaain Iuta ni kaangai, “E anga ana taeka te UEA ae Atuaia Iteraera b'a kam na kanoai ami tiaeki ni wain n taian wain.” A a taku, “Eng ti na kanoai ara tiaeki ni wain n taian wain! E aera ngkai ko na tuangiira te b'ai ae ti a kaman ataia?”

Ieremia 19:15

“Kakauongo aomata ni kabane! N taai tabeua aika a tia n nako, E kauringngkami te UEA ae Moan te M'aaka, ae Atuan Iteraera b'a E na karokoa te kabuanib'ai i aon Ierutarem ao kaawa ni kabane aika a uarereke akana a kaan i rarikina. Ma kam taningabono ao kam rawa n ongo. Ao ngkai E nang karokoa te kabuanib'ai te UEA are E a tia ni berita iai.”

Ieremia 32:20

Ko kakannato i bukin Am m'akuri aika a kamimii i Aikubita, ao Ko bon teimatoa ni karaoi i aon Iteraera ao ai uana naba n taabo nako n te aonnaba.

Ieremia 33:9

Ngkana e riki anne, ao ane a noori b'aai aika a raoiroi aika I a tia ni karaoi i bukin Ierutarem, botannaomata ni kabane n te aonnaba aei, ma arou ni karekea te rau iai.

Ieremia 6:17

I bon kanako ia naba taiani burabeti b'a a na kauringngkami i bukin te kabuanib'ai, ma ngke a katang te b'ai ni kauring, ao kam bon aki kan tabe iai.

Ieremia 7:13

I kataia n taetae nako imi ngke kam tabe ni karaoa te bure, ma kam aki kan ongo.

Ieremia 7:23

Ma I ti kaangai nako ia, “Ngkana kam ongo i Rou ma ni karaoi b'aai aika I tuangngkami, ao N na riki b'a Atuami, ao ngkami kam na riki b'a Au aomata, ao a na akea ami kangaanga.”

Ieremia 7:24

Ma a aki kan ongo ami bakatibu. A bonotaninga, ao ngkana I tangiria b'a a na nakon te kawai teuana, ao ngaiia a aki toki n nakon te kawai teaina.

Ieremia 7:26

Ma kam aki kubarai ao kam karikirakea riki taningabonomi ao karaoan te bure nakon are a karaoia ami bakatibu!

Amota 3:1

Kam na ongora kain Iteraera nakon te rongorongo ae e taekinna te UEA i bukimi ngkami aika kam kaotinakoaki mai Aikubita.

Ruka 10:11

“Ti taei bubun aontanon ami kawa aika nim i waera b'a te b'ai ni kakoaua nako imi b'a kam aki mutiakiniira; ma e ngae n anne ao kam na ata aei, b'a e a roko ni kaan Uean te Atua!”

Te Tua-Kaua 26:18

Ao ngkai kam a tia ni kariaia b'a kam na ongotaeka iroun te UEA, ao E a tia naba Ngaia ni kariaia b'a kam a riki b'a ana Aomata, ao Ana b'ai, n aron are E a tia ni berita iai.

Te Tua-Kaua 26:19

E karikiia botannaomata ni kabane te UEA, ma E na karikingkami b'a te botannaomata ae rangi ni kinaaki, ao e na reke iroumi te neboaki ma te karineaki ae m'aiti nakoia. Ti ngkami ae kam na b'ainaki iroun te UEA ae Atuami, n aron are a tia ni berita iai.

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.