Ieremia 13:10 - Te B'aib'ara

¹⁰ A buakaka kaain Iuta ao a taningabono. Ma ngaia are, ngkai a aki kakauongo i Rou, ma a karaoi b'aai aika a bon tangiria, ao a bon taromauri naba anti tabem'aang. Ngkana e tia te b'ai ae N na karaoia nako ia aomata aikai, ao a na riki b'a te b'ai ae akea manenana, a na riki b'a kaanga te kawaerake te kororo aei.

Ieremia 13:10 Iomraidhean Croise

Taian Areru 78:8

A na aki katotongiia aia bakatibu, ake te roro n aki ongotaeka ma n rawa ni kan aan-taeka, Ake a tuai man nene onimakinan te Atua irouia, Ao a tuai naba n teimatoa ni kakaonimaki nakoina.

Te Minita 11:9

Ko riai ni kukurei ma ni kim'areirei n te maiu aei ngkai ko rikirake! Karaoa ae ko tangiria, ao kakaaea te kukurei n te b'ai ae ko nooria. Ma ko na tai m'aninga ae E na motika taekam te Atua ni b'aai ni kabane aika ko karaoi.

Itaia 3:24

A na oneaki mwiin taiani boiarara n taiani boiraa; a na oneaki mwiin taian roo n nuuka, n taian roobu; a na oneaki mwiin taian irannatu aika a biraki n taiani mara n atu. A na oneaki mwiin kunnikai aika a boobuaka ni kunnikai aika a raeraeaki; A na oneaki mwiin te botanaine, n taiani m'akam'aka aika a buakaka i aon rab'ataia.

Ieremia 11:10

A a bon tia naba ni bure n aroia aia bakatibu, n aroia ngke a rairakinako mairou ao a manga taromauriia anti tabem'aang. E a tia te abanuea meang are Iteraera n urua te boraraoi are I karaoia ngkoa ma aia bakatibu, ao ngkai e a manga karaoa naba anne te abanuea maiaki are Iuta.

Ieremia 11:18

Iai tabem'aang aomata ake a iangoa tiringau. Ti te bo ngai ma te tiibuteteei ae e kairaki nakon te tia tiri tiibu, bon akea te b'ai ae I ataia n aron te babaaire arei.

Ieremia 13:7

Ao I oki n anaa au kawaerake te kororo man te tabo are I karabaa iai, ma e a mka, ao e a buakaka te kawaerake arei.

Ieremia 16:12

Ao ngkami kam a tia ni karaoa ae moan te buakaka riki! Kam taningabono, ao kam karaoi b'aai aika a buakaka ake a reke n ami iango, ngke kam bon riai n ongotaeka.

Ieremia 16:4

Ane a na mate n te aoraki ae moan te kamaamate ao n te buaka ao te baki. Ao bon akea temanna ae e na karaoa te bootaki ni mate i bukiia ke n tauniia, ao e na riki rab'ataia b'a kanaia mannikiba ao maan aika a aki manana. Ao nikiran rab'ataia a na tiku i aon te tano kaanga nakotariia maan.

Ieremia 20:4

Ane ko na maaku, ao ko na manga kakamaakuia raom. Ane ko na nooria kairiribai aika a tiringaki n te buaka. Ao i mwina, N na karaoa uean B'aburon b'a e na anai aomata ni kabane mai Iuta b'a taenikai, e na tiringiia tabem'aang ao e na katikitikiia tabem'aang nako B'aburon.

Ieremia 22:21

I kauringko, i nanon taai aika a raoiroi. Ma ko katinanikuai, n aron are ko a tia ni karaoia naba ngkoa ngke e uarereke Iteraera.

Ieremia 23:17

A m'ananga burabeti aikai nako ia aomata ake a rawa ni karineai aika a taningabono aika a bon karaoi b'aai ake a bon tangiri. A kaangai burabeti nako ia, E a tia ni berita te UEA b'a a na nako raoi b'aai nako.”

Ieremia 3:17

E na riki te kaawa ni kabane ae Ierutarem b'a au kaintokanuea. A na bane n nakomai botannaomata n taromauriai, ao a na aki manga iri nanon taningamatoaia ao nanoia aika a buakaka.

Ieremia 35:15

Kam aki kan ongo irouia Au burabeti, aika a aki toki n taetae nako imi ni kaangai, “Katoka karaoan te m'akuri ae e buakaka ao taromauriaia anti tabem'aang! Moana ongotaekami i roun te UEA ao ane E na kamaiungkami n te aba aei are e anganiia ami bakatibu.”

Ieremia 44:16

Ieremia ti bon aki tabe ngkana ko taetae n aran te UEA. Ti na bon aki kan ongo!

Ieremia 44:5

ma a rawa n ongo ao a aki kan toki n taromauriia anti tabem'aang.

Ieremia 5:23

Kam a tia ni kaaitaraai ma n rairaki nako mairou ngkami aika taian taningabono.

Ieremia 7:13

I kataia n taetae nako imi ngke kam tabe ni karaoa te bure, ma kam aki kan ongo.

Ieremia 7:6

Katoka karawaawataia iruwa, ma ataei aika a akea aia karo, ao aine aika akea buuia. Kam na aki tiringiia aika akea aia bure. Ao katoka taromauriaia anti tabem'aang.

Ieremia 8:5

Ma ngaia are, e aera ngkai kam rawa n oki nako iu? E aera ngkai kam baimatoai antimi ni kewe?

Ieremia 9:13

E taku te UEA: I kamaunaa te aba i bukina b'a a aki ongotaeka aomata i Rou ao a katinanikui au Tua nako ma au Taeka n reirei nako.

Ieremia 9:14

A taningabono ao a taromauria B'aara, n ai aron are a karaoia ngkoa aia bakatibu.

Ieremia 9:6

A bane aomata n aonikaiia raoia nako ao bon akea temanna i buakoia ae kakoauaai b'a te Atua Ngai.

Warekaia Iteraera 14:11

Ao E taetae te UEA nakoni Moote ni kaangai, “I a tia ni karaoi b'aai aika a ab'ab'aki i bukiia aomata aikai, ao a rawa i Rou ngke a aki onimakina m'aakau.

M'akuri 7:51

E reita nako ana taeka Tetebano ao e taku, “Aomata ngkami aika a matoatoa nanomi, n ai aron nanoia aomata aika aki onimakina te Atua; ao kam bonoti taningami n aki kan ongo ana taeka te Atua! Kam aki toki n rarawa ni kan ongo iroun te Tamnei are Raoiroi. Kam a manga karaoa naba are a karaoia ngkoa ami bakatibu!

Ebera 12:25

Kam na tarataraingkami b'a kam na aki rawa nakon Teuare taetae. B'a ngke a aki kona n rawei maiuia ake a rawa nakon Teuare taetae i aon te aba, ao ti bon aki kona n rawei maiura ngaira aikai ngkana ti tan nako mairoun Teuare taetae mai karawa!